Hepelū Ko e Talateu
Ko e Talateu
Ko e Tohi Ki he Kakai Hepeluú na‘e fai ki ha kau Kalisitiane kuo fakautuutu honau fakafe‘ātungia‘i, pea tu‘u mole ai ‘enau tui faka-Kalisitiané. Ko e tefito‘i me‘a na‘e fakalotolahi‘i ‘aki kinautolu ‘e he fa‘u tohí ko ‘ene fakahaa‘i ko Sīsū Kalaisi ‘a e Fakahā‘anga mo‘oni mo aofangatuku ‘o e ‘Otuá. Na‘á ne fakamamafa‘i ai ‘a e ngaahi fo‘i mo‘oni ‘e tolu: 1) Ko Sīsuú ko e ‘Alo ta‘engata ia ‘o e ‘Otuá, ‘a ia na‘á ne ako ‘a e talangofua mo‘oni ki he Tamaí ‘i he ngaahi mamahi na‘á ne kātaki‘í. Ko e ‘Alo ‘o e ‘Otuá ‘a Sīsuú, ‘o ne mā‘olunga ai ‘i he kau palōfita kotoa ‘o e Fuakava Motu‘á, mo e kau ‘āngeló, pea na‘a mo Mōsese tēlē; 2) Kuo ‘osi fakahaa‘i ‘e he ‘Otuá ko Sīsuú ko ha taula‘eiki ta‘engata ia, ‘o ne mā‘olunga ai ‘i he kau taula‘eiki kotoa ‘o e Fuakava Motu‘á; pea; 3) ‘Oku fakamo‘ui ‘ia Sīsū ha taha tui mei he angahalá, mo e ilifiá, mo e maté. Pea ‘i he tu‘unga Taula‘eiki Lahi ‘o Sīsuú ‘oku ma‘u ai ‘a e fakamo‘ui mo‘oní, ‘a ia ko hono fakamelomelo pē ‘a e ngaahi ouau fakalotu mo e ngaahi feilaulau ‘o e lotu faka-Hepeluú.
Na‘e toe fakalau ‘e he fa‘u tohí ha ngaahi fa‘ifa‘itaki‘anga ‘o e tuí mei he mo‘ui ‘a e kakai ‘iloa ‘e ni‘ihi ‘i he hisitōlia ‘o ‘Isilelí (vahe 11), ko ‘ene feinga ke tu‘u ma‘u ‘a e kakai na‘e fai ki ai ‘ene tohí. Pea ‘i he vahe 12 na‘á ne fakakouna kinautolu ke nau tu‘u ma‘u ai pē ‘o a‘u ki he ngata‘anga, kuo sio fakamama‘u honau matá kia Sīsū, mo kātekina ha fa‘ahinga mamahi pe fakatanga ‘e hoko mai kiate kinautolu. ‘Oku faka‘osi‘aki ‘a e tohí ha ngaahi fale‘i mo e fakatokanga.
Ko e Kakano ‘o e Tohí
Ko e Talateu: Ko Kalaisí ko e fakahā‘anga kakato ‘o e ‘Otuá (1.1-3)
Ko e mā‘olunga ange ‘a Kalaisi ‘i he kau ‘āngeló (1.4–2.18)
Ko e mā‘olunga ange ‘a Kalaisi ‘ia Mōsese mo Siōsiuá (3.1–4.13)
Ko e mā‘olunga ange ‘a e tu‘unga taula‘eiki ‘o Kalaisí (4.14–7.28)
Ko e mā‘olunga ange ‘a e kovinānite ‘a Kalaisí (8.1–9.28)
Ko e mā‘olunga ange ‘a e feilaulau ‘a Kalaisí (10.1-39)
Ko e mu‘omu‘a ‘a e tuí (11.1–12.29)
Ko e me‘a ‘oku fakatupu hōifua ki he ‘Otuá (13.1-19)
Ko e lotu tuku (13.20-21)
Ko e tātuku (13.1-25)
Currently Selected:
Hepelū Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.