Hepelū 1
1
Ko e Folofola Mai ‘a e ‘Otuá ‘i Hono ‘Aló
1NA‘E fakakongokonga mo anga kehekehe ‘a e fai mu‘a ‘e he ‘Otua ‘ene folofola ki he Mātu‘a ‘i he kau Palōfita, ka ‘i he faka‘osi ‘o ono‘aho na‘a ne folofola kiate kitautolu ‘i ha ‘Alo; 2‘a e Toko Taha na‘a ne tu‘utu‘uni ko e ‘ea ‘e ‘o‘ona ‘a e me‘a kotoa pē, ‘a ia foki na‘e fou ai ‘ene ngaohi ‘a e ngaahi ‘univeesi; 3ko e Toko Taha ‘a ia ko e ulo atu ‘o Hono lāngilangi, mo e ‘īmisi ‘o ko ne ‘Afio mo‘oni, mo ne pou pē ‘a e ‘univeesi ‘aki ‘a e folofola ‘a ‘Ene Māfimafi, pea ‘i he hili ‘ene feia ‘a e fakama‘a angahala, na‘a ne nofo hifo mei he to‘omata‘u ‘o ‘Ene ‘Afio ‘i ‘olunga;
Ko e Ngeia ‘o e ‘Alo ‘o e ‘Otuá
4kuo ne hoko ‘o fu‘u mā‘olunga ‘i he kau ‘āngelo, ke hoa mo e fu‘u hulu atu ‘o e huafa kuo tō mo‘ona ‘i ho‘onautolu. 5He ko hai ‘i he kau ‘āngelo ne folofola ki ai ‘i ha taimi, ‘o pehē,
Ko e Lotu Tuku mo e Pōpoaki ‘Ofa
Ko hoku ‘Alo koe,
Kuo u fakatupu koe he ‘aho ni?
Mo ne toe folofola,
Te u nofo au ko ‘ene Tamai,
Pea ‘e nofo ia ko hoku Foha.
6Kae‘uma‘a, ‘oka ne ka toe ‘omi ‘a e Ta‘okete ki māmani,
‘Oku ne me‘a,#Teu 32.43 (LXX)
Pea ke hū ā kiate ia ‘a e kau ‘āngelo fua pē ‘a e ‘Otua.
7Pea ‘i he‘ene lau foki ki he kau ‘āngelo, ‘oku ne me‘a ‘o pehē,#Saame 104.4 (LXX)
‘A ia ‘oku ne ngaohi ‘ene kau ‘āngelo ko e ngaahi matangi,
Pea ko ‘ene kau ngāue ko e ulo‘i afi.
8Ka ko ‘ene lau ki he ‘Alo ‘oku pehē,#Saame 45.6-7
‘E ‘Otua, ko ho taloni ‘oku ne a‘usia ‘a e kuonga ‘o ‘ītāniti:#1.8 ko ho taloní … ‘ītāniti; pe ko ho taloní ‘a e ‘Otuá.
Pea ko e sēpita ‘a Faitotonu,
Ko ha sēpita ia ‘o hono#1.8 hono; ‘Oku pehē ‘i hono ngaahi hiki fuoloa ‘e ni‘ihi: ho. pule‘anga.
9Ne ke manako ki he faitotonu,
Ka ke fehi‘a ki he maumau lao;
Ko ia ko e ‘Otua, ‘io, ko ho ‘Otua
Na‘a ne pani ‘aki koe ‘aki ‘a e lolo ‘o e fiefia,
‘O lahi hake ‘i ho ngaahi kaungāme‘a.
10Mo ‘eni,#Saame 102.25-27 (LXX)
Ko koe, ‘Eiki, ‘i he kamata‘anga na‘a ke tanu pou ‘a māmani;
Pea ko e ngāue ‘a ho nima ‘a e ngaahi langi.
11‘E ‘auha ia; ka ke tu‘u ai pē koe;
‘Io, te nau faka‘au kotoa ke motu‘a ‘o hangē ko ha kofu;
12Pea te ke fatufatu ia ‘o hangē ko ha pulupulu;
‘Io, ‘e fetongi ia hangē ha kofu:
Ka ka pehē pehē ai pē ‘a e ‘Afiona
Pea ko ho ngaahi ta‘u ‘e ‘ikai ngata.
13Kae‘uma‘ā ko hai ‘i he kau ‘āngelo kuo ne folofola ai ‘i ha taimi,#Saame 110.1
Nofo koe mei hoku to‘omata‘u,
Kae‘oua ke u ngaohi ho ngaahi fili ko ho tu‘ungava‘e.
14‘Ikai ko e kau laumālie ngāue ‘a kinautolu fua pē, ‘oku kouna atu ke fai ha lakanga, koe‘uhi ko kinautolu te nau hokosi ‘a e fakamo‘ui?
Currently Selected:
Hepelū 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
