Hepelū 6
6
1KO ia, tau tuku ā ‘a e fakamatala ‘o e ngaahi ‘elemēniti faka-Kalaisi, ka tau tuiaki atu ki he haohaoa; ‘o ‘oua na‘a tau tanupou ai pē he fakatomala mei he ngaahi ngāue mate mo e tui falala ki he ‘Otua. 2He tokāteline ‘o e ngaahi papitaiso#6.2: ‘i… Melekiseteki; (vakai ki he 5.6). mo e hilifaki nima, ‘o e toetu‘u ‘o e pekia mo e fakamaau ta‘engata. 3Pea te tau fai ia, ‘o kapau ‘e lelei ki he finangalo ‘o e ‘Otua.
4He ‘ilonga kinautolu ne fakamāmangia mu‘a, mo kamata ki he me‘a‘ofa fakahēvani, pea ne hoko ko e kau ‘inasi ‘i he Laumālie Mā‘oni‘oni, 5pea ne kamata hono lelei ‘o e folofola ‘a e ‘Otua, mo e ngaahi ivi ‘o e tu‘u ka hoko: 6ka nau hinga pē: ‘oku ‘ikai ‘aupito lava ke toe fakafo‘ou kinautolu ke nau fakatomala, he‘enau kalusefai fo‘ou kiate kinautolu ‘a e ‘Alo ‘o e ‘Otua, ‘o fai fakahāhā pē ‘a hono fakamaa‘i.
7Seuke, na‘a mo ha kelekele, ‘a ia kuo ne inumia ‘a e ‘uha ‘oku fa‘a tō ki ai, pea fakatupu ha ngaahi ‘akau ‘oku ‘aonga kiate kinautolu ‘a ia ‘oku ngoue‘i foki ma‘anautolu, ‘oku fai tāpuekina ‘a e kelekele ko ia mei he ‘Otua: 8ka ‘oka tupu mei ai ‘a e ‘akau talatala mo e talatala‘āmoa, ‘oku li‘aki ia, pea kuo ofi hono fakamala‘ia; ‘a ia ko hono iku‘anga ko e vela.#Sēn 3.17-18
9Ka neongo foki kuo mau lea pehē, ka ‘oku mau mātu‘aki tui, si‘oku ‘ofa‘anga, ‘e ‘amoutolu ‘a e ngaahi lelei na, ‘io, ko e ngaahi me‘a ‘oku hoa mo e fakamo‘ui. 10He tala‘ehai ‘oku fai ta‘etotonu ‘a e ‘Otua ke ne fakangalo‘i ho‘omou ngāue, mo e ‘ofa ki hono huafa na‘e hā ‘iate kimoutolu ‘i ho‘omou tokoni ki he kakai lotu, ‘a ia foki ‘oku mou kei fai. 11Ka ‘oku mau faka‘amu ke hā ‘iate kimoutolu takitaha ha feinga hangē ko ia, ke fakama‘uma‘uluta ho‘omou fakatu‘amelie, ‘o a‘u ki he ngata‘anga. 12Koe‘uhi ke ‘oua te mou hoko ko e kau fakapikopiko, ka ko e kau fa‘ifa‘itaki ‘o e kakai kuo nau hokosi ‘a e ngaahi tala‘ofa ‘i he‘enau tui mo e kītaki.
‘Oku Falala‘anga ‘a e Tala‘ofa ‘Otuá
13He ko ‘Epalahame na‘e fai ha tala‘ofa ki ai ‘e he ‘Otua; pea ‘i he ‘ikai ha toko taha mā‘olunga hake ke ne lea tuki ai, ko ia na‘a ne lea tuki ‘i He ‘ene ‘Afio, 14‘o pehē, Ko au ē te u mātu‘aki tāpuaki‘i koe, pea te u mātu‘aki fakatokolahi‘i koe.#Sēn 22.16-17 15Pea ‘i hono pehe‘i, na‘a ne kītaki, ‘o ne lava‘i ‘a e tala‘ofa. 16Seuke, ‘oku lea tuki ‘a e kakai ‘iate ia ‘oku mā‘olunga, pea ka ai ha‘amo fakakikihi, ‘oku fakangatangata ‘e ha lea tuki, pea pau ai ‘a e me‘a. 17Ko ia, ko e ‘Otua, ‘i he‘ene finangalo ke ‘āsili hā ki he ngaahi ‘ea ‘o e tala‘ofa hono mata‘eliliu ‘o ‘Ene tu‘utu‘uni, ko ia na‘a ne fakamamafa ‘aki ha lea tuki: 18koe‘uhiā, ko e me‘a ‘i he ‘i ai ‘a e ongo me‘a ta‘emaliliu ‘e ua, ‘a ia na‘e ‘ikai ‘aupito lava ke loi ai ‘a e ‘Otua, ko ia ke ai hatau tokoni mālohi, ‘a kitaua kuo ta hola hūfanga ke puke ki he ‘amanaki ‘oku tala humaki mai: 19‘a e ‘amanaki ko ia ‘oku tau ma‘u mo‘o taula hotau laumālie, ko e taula mālohi mo ma‘uma‘uluta, pea kuo lī ki he loto tatau;#Lev 16.2 20‘a ia kuo hū ki ai ‘a Sīsū ma‘atautolu, ko hotau Takilele, he‘ene hoko ko e Taula‘eiki Lahi ‘i he ‘alunga ‘o Melekiseteki,#6.20: ‘i… Melekiseteki; (vakai ki he 5.6). ‘o laui ‘ītāniti.#Saame 110.4
Currently Selected:
Hepelū 6: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
