KO ‘ĒSELA 5
5
1PEA hanga ‘a e ongo palōfita, ‘a e palōfita ko Hākeai, pea mo Sākalaia foha ‘o ‘Ito, ‘o na fai ‘ena palofisai ki he kau Siu na‘e ‘i Siuta mo Selusalema; ‘io, ‘i he huafa ‘o e ‘Otua ‘o ‘Isileli kuo hifo kiate kinaua. 2Toki tutu‘u ‘a Seluipepeli foha ‘o Saletili, mo Sisua foha ‘o Siosateki, ‘o na kamata ke langa ‘a e fale, ‘o e ‘Otua ‘oku ‘i Selusalema; pea kau mo kinaua ‘a e ongo palōfita ‘a e ‘Otua, ‘o tokoni ki ai.#Hāk 1.12; Sāk 4.6-9
3‘I he taimi ko ia na‘e omi kiate kinautolu ‘a Tatenai ko e kōvana ‘o Tu‘a-vaitafe, mo Sētali-Posenai, mo honau fa‘ahi, ‘o nau lea kiate kinautolu, ‘o pehē, Ko hai na‘e fai tu‘utu‘uni kiate kimoutolu ke langa ‘a e fale ni, mo faka‘osi ‘a e ‘ā ni?
4Pea mau#5.4 mau; Ko kono faka-Hepeluú ia, ka ‘oku pehē he ngaahi hiki fuoloa ‘e ni‘ihi: nau. lea kiate kinautolu ‘o taau mo ia. Pea nau toki pehē,#5.4 Pea nau toki pehē; ‘Oku fihi. Ko hai ‘a e hingoa ‘o e kau tangata ‘oku ngaohi ‘a e fale ni? 5Ka ko e fofonga ‘o honau ‘Otua na‘a ne siofi ‘a e mātu‘a Siu, pea na‘e ‘ikai te nau ta‘ofi kinautolu, ka nau ‘oua pē ke a‘u ‘a e me‘a kia Talaiasi, ka nau toki tali tohi.
6Ko e hiki ‘o e tohi na‘e fai ‘e Tatenai ko e kōvana ‘o Tu‘a-vaitafe, mo Sētali-Posenai, mo honau fa‘ahi ko e kau ‘Afa‘asaka, ‘a ia na‘e nofo ‘i Tu‘a-vaitafe, kia Kingi Talaiasi: 7na‘a nau ‘atu ha tohi ki ai, ‘a ia na‘e tu‘u ai ‘o pehē,
Kia Kingi Talaiasi
‘Ofa atu ‘aupito.
8“Ke mea‘i ‘e he ‘Afiona, na‘a mau ‘alu ki he vahefonua ko Siuta, ki he fale ‘o e ‘Otua lahi, pea tā ‘oku langa ia ‘aki ‘a e maka lalahi, pea ‘oku laku toka ‘i he holisi, pea ‘oku fai tokanga ‘a e ngāue ko ia, pea ‘oku lakaimonū ‘i he‘enau ala. 9Pea mau toki fehu‘i ki he mātu‘a ko ia, ‘o mau lea kiate kinautolu, ‘o pehē, Ko hai na‘e ‘atu ‘a e tu‘utu‘uni ke langa ‘a e fale ko ē, mo faka‘osi ‘a e ‘ā ni? 10Na‘a mau ‘eke foki honau hingoa ke faka‘ilo ki he ‘afiona ke mau tohi ‘a e hingoa ‘o e tu‘unga me‘a na‘e takimu‘a. 11Pea nau tali mai, ‘o pehē, Ko kimautolu ko e kau tamaio‘eiki ‘o e ‘Otua ‘o langi mo māmani, pea ‘oku mau langa ‘a e fale na‘e langa lahi ta‘u ‘i mu‘a atu, ‘a ia na‘e langa mo faka‘osi ‘e ha tu‘i lahi ‘o ‘Isileli 12Ka ko e me‘a ‘i he langa‘i ‘e he‘emau ngaahi kui ‘a e houhau ‘o e ‘Otua ‘o langi, ko ia na‘a ne tuku kinautolu ki he nima ‘o Nepukanesa ko e Tu‘i Pāpilone, ‘a e ‘Eiki Kalitia, ‘a ia na‘a ne faka‘auha ‘a e fale ko ē, ‘o taki pōpula ‘a e kakai ki Pāpilone.#2 Tu‘i 25.8-12; 2 Kal 36.17-20; Sel 52.12-15 13Ka ‘i he ‘uluaki ta‘u ‘o Kōlesi ko e Tu‘i Pāpilone, na‘e fai tu‘utu‘uni ‘e Kingi Kōlesi ke langa ‘a e fale ‘o e ‘Otua ko eni.#‘Ēsela 1.2-11
14Kae‘uma‘ā ko e nāunau koula mo siliva ‘o e fale ‘o e ‘Otua, ‘a ia na‘e ‘ave ‘e Nepukanesa mei he temipale ‘i Selusalema, mo fakahū ki he temipale ‘oku ‘i Pāpilone, na‘e to‘o ia ‘e Kingi Kōlesi mei he temipale ‘i Pāpilone, ‘o tuku ki ha taha na‘e hingoa ko Sesipasa, ‘a ia kuo ne fokotu‘u ke kōvana. 15Pea ne folofola ki ai, Ko e nāunau ni ke ke to‘o: ‘alu tuku ia ki he temipale ‘oku ‘i Selusalema, pea ke fai ‘a e langa ‘o e fale ‘o e ‘Otua ‘i hono tu‘unga. 16Toki ha‘u ‘a e Sesipasa ko ia, ‘o tanupou ‘a e fale ‘o e ‘Otua ‘oku ‘i Selusalema; pea talu ai pē mo e fai hono langa, pea kuo te‘eki ke ‘osi. 17“Pea ko ia, ka lelei ki he ‘afiona, ke fai ha kumi ‘i he fale koloa ‘o e tu‘i hena, ‘a ia ‘oku ‘i Pāpilone, pe ‘oku mo‘oni na‘e fai ‘e Kingi Kōlesi ha tu‘utu‘uni ke langa ‘a e fale ni ‘o e ‘Otua ‘i Selusalema; pea ke tala mai ‘e he tu‘i pe ko e hā hono finangalo ‘i he me‘a ni.”
Currently Selected:
KO ‘ĒSELA 5: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
