KO ‘ĒSELA 2
2
Ko Hono Fakamā‘opo‘opo e ngaahi Hingoa ‘o e Kakai na‘e Foki Mai Mei he Nofo Pōpula ‘i Pāpiloné
(Nehe 7.4-73)
1KO eni ‘a e hako ‘o e vahefonua na‘e ‘alu hake mei he nofo pōpula ‘a e kakai na‘e ‘ave, ‘a ia na‘e ‘ave ki Pāpilone ‘e Nepukanesa ko e Tu‘i Pāpilone; pea na‘a nau foki ki Selusalema mo Siuta, takitaha ki hono kolo; 2‘io, ‘a e kakai na‘e ha‘u mo Seluipepeli, Sisua, Nehemaia, Selaia, Le‘elaia, Motekiai, Pilisani, Misipele, Pikivai, Lēhumi, mo Pā‘ana.
3Ko e lau eni ‘o e tu‘unga tangata ‘i he kakai ‘Isileli: ko ha‘a Pālosi na‘e toko ua afe teau mā fitungofulu mā ua. 4Ko ha‘a Sefataia na‘e toko tolungeau mā fitungofulu mā ua.
5Ko ha‘a ‘Āla‘a na‘e toko fitungeau mā fitungofulu mā nima. 6Ko ha‘a Pāhati-Moape ‘i he fānau ‘a Sisua mo Sioape na‘e toko ua afe valungeau mā hongofulu mā ua. 7Ko ha‘a ‘Īlami na‘e toko taha afe uangeau mā nimangofulu mā fā. 8Ko ha‘a Satu na‘e toko hivangeau mā fāngofulu mā nima. 9Ko ha‘a Sākai na‘e toko fitungeau mā onongofulu. 10Ko ha‘a Pani na‘e toko onongeau mā fāngofulu mā ua.
11Ko ha‘a Pēpai na‘e toko onongeau mā uofulu mā tolu. 12Ko ha‘a ‘Asakati na‘e toko taha afe uangeau mā uofulu mā ua. 13Ko ha‘a ‘Atonaikamu na‘e toko onongeau mā onongofulu mā ono. 14Ko ha‘a Pikivai na‘e toko ua afe mā nimangofulu mā ono.
15Ko ha‘a ‘Ātini na‘e toko fāngeau mā nimangofulu mā fā. 16Ko ha‘a ‘Āteli ‘o Hesekaia na‘e toko hivangofulu mā valu. 17Ko ha‘a Pesai na‘e toko tolungeau mā uofulu mā tolu. 18Ko ha‘a ‘Iola na‘e toko teau mā hongofulu mā ua. 19Ko ha‘a Hāsumi na‘e uangeau mā uofulu mā tolu. 20Ko ha‘a Kipa na‘e hivangofulu mā nima. 21Ko ha‘a Pētelihema na‘e teau mā uofulu mā tolu. 22Ko e tu‘unga tangata Nētofa na‘e toko nimangofulu mā ono. 23Ko e tu‘unga tangata ‘Anatoti na‘e teau mā uofulu mā valu. 24Ko ha‘a ‘Asimaueta na‘e toko fāngofulu mā ua. 25Ko ha‘a Kiliatialimi, Kēlila, mo Piheloti, na‘e fitungeau mā fāngofulu mā tolu. 26Ko ha‘a Lama mo Kepa na‘e onongeau mā uofulu mā taha. 27Ko e tu‘unga tangata Mikimasi na‘e teau mā uofulu mā ua. 28Ko e tu‘unga tangata Pēteli mo ‘Ai na‘e uangeau mā uofulu mā tolu. 29Ko ha‘a Nipo na‘e toko nimangofulu mā ua. 30Ko ha‘a Makapisi na‘e toko teau mā nimangofulu mā ono. 31Ko e ha‘a ‘Īlami ‘e taha na‘e toko taha afe uangeau mā nimangofulu mā fā. 32Ko ha‘a Hālimi na‘e toko tolungeau mā uofulu. 33Ko ha‘a Loti, Hātiti, mo ‘Ono, na‘e toko fitungeau mā uofulu mā nima. 34Ko ha‘a Sielikō na‘e toko tolungeau mā fāngofulu mā nima. 35Ko ha‘a Sēna‘a na‘e toko tolu afe onongeau mā tolungofulu.
36Ko e kau taula‘eiki ‘eni: ko ha‘a ‘Ītaia ‘i he fāmili ‘o Sisua na‘e toko hivangeau mā fitungofulu mā tolu. 37Ko ha‘a ‘Īmeli na‘e toko taha afe nimangofulu mā ua. 38Ko ha‘a Pāsua na‘e toko taha afe uangeau mā fāngofulu mā fitu. 39Ko ha‘a Hālimi na‘e toko taha afe hongofulu mā fitu. 40Ko e kau Līvai eni: ko ha‘a Sisua mo Katemieli ‘i he fāmili ‘o Hotavaia na‘e toko fitungofulu mā fā. 41Ko e kau hiva eni: ko ha‘a ‘Ēsafe na‘e toko teau mā uofulu mā valu.
42Ko e kau le‘o matapā eni: ko ha‘a Sālumi, ko ha‘a ‘Āteli, ko ha‘a Talemoni, ko ha‘a ‘Ākupi, ko ha‘a Hātita, ko ha‘a Sōpai: kātokatoa ko e toko teau mā tolungofulu mā hiva. 43Ko e kau Netinimi ‘eni: ko ha‘a Siha, ko ha‘a Hāsufa, ko ha‘a Tapaoti;
44ko ha‘a Kēlosi, ko ha‘a Siaha, ko ha‘a Pātoni; 45ko ha‘a Lēpana, ko ha‘a Hākapa, ko ha‘a ‘Ākupi; 46ko ha‘a Hākapi, ko ha‘a Samelai, ko ha‘a Hānani; 47ko ha‘a Kīteli, ko ha‘a Kāhali, ko ha‘a Laia; 48ko ha‘a Lēsini, ko ha‘a Nēkota, ko ha‘a Kāsami; 49ko ha‘a ‘Usa, ko ha‘a Pāsea, ko ha‘a Pesai; 50ko ha‘a ‘Āsena, ko ha‘a Meuni, ko ha‘a Nēfisi; 51ko ha‘a Pakapuka, ko ha‘a Hākufa, ko ha‘a Halahua; 52ko ha‘a Pasiluti, ko ha‘a Mēhita, ko ha‘a Hālesa; 53ko ha‘a Palekosa, ko ha‘a Siselā, ko ha‘a Tama; 54ko ha‘a Nesia, ko ha‘a Hātifa. 55Ko e hako eni ‘o e Ka u Tamaio‘eiki ‘a Solomone: ko ha‘a Sotai, ko ha‘a Hasofeleti, ko ha‘a Pēluta; 56ko ha‘a Siala, ko ha‘a Talekoni, ko ha‘a Kīteli; 57ko ha‘a Sefataia, ko ha‘a Hātili, ko ha‘a Pokeleti-hāsipa, ko ha‘a ‘Ami.
58Ko e lao fakataha ‘o e kau Netinimi mo e hako ‘o e Kau Tamaio‘eiki ‘a Solomone ko e toko tolungeau mā hivangofulu mā ua.
59Pea ko eni ia ‘a kinautolu na‘e ‘alu hake mei Tela-mela, Tela-hālesa, Kēlupi, ‘Ātani, mo ‘Īmeli; ka na‘e ‘ikai te nau lava ke fakamahino honau ‘ulumotu‘a, mo e anga ‘o honau hako, pe ‘oku nau hako ‘Isileli pe ‘ikai: 60ko ha‘a Telaia, ko ha‘a Topaia, ko ha‘a Nēkota; ko e toko onongeau mā nimangofulu mā ua.
61Pea ‘i ha‘a taula‘eiki: ko ha‘a Hōpaia, ko ha‘a Hōkosi, ko e hako ‘a Pasiliai, (ko e toko taha na‘e mali mo ha ‘ōfefine ‘o Pasiliai, ‘a e matāpule Kiliati, pea na‘e hingoa kiate ia). 62Ko kinautolu ia na‘e kumi honau hingoa ‘i he tohi hohoko, ka na‘e ‘ikai ‘ilo: ko ia na‘e lau ‘oku mele ‘enau taula‘eiki. 63Pea na‘e folofola ‘a e Kōvana ki ai, ‘e ‘ikai te nau kai ‘i he ngaahi me‘a toputapu, kae‘oua ke hoko mai ha taula‘eiki ‘oku faka-‘Ūlimi-mo-Tūmemi.#2.63 Ko e ‘Ūlimí mo e Tūmemí; Ko e ongo nāunau na‘e fai ‘aki e fekumi pe ko e hā e finangalo ‘o e ‘Otuá. ‘Oku ‘ikai ‘ilo pau ‘a e anga hono ngāue‘akí. #Nōm 27.21 64Ko e lau kātokatoa ‘o e fakataha ko e toko fā mano ua afe tolungeau mā onongofulu: 65tuku kehe ‘enau kau tamaio‘eiki, mo ‘enau kau kaunanga; na‘e toko fitu afe tolungeau mā tolungofulu mā fitu kinautolu: pea na‘a nau ma‘u ha kau tangata hiva mo ha kau fefine hiva ‘e toko uangeau, 66ko ‘enau fanga hoosi na‘e toko fitungeau mā tolungofulu mā ono, ko ‘enau fanga miuli na‘e toko uangeau mā fāngofulu mā nima, 67ko ‘enau fanga kāmeli na‘e toko fāngeau mā tolungofulu mā nima; ko e fanga ‘asi na‘e toko ono afe fitungeau mā uofulu.
68Pea ‘i he‘enau a‘u ki he fale ‘o Sihova, ‘a ia ‘oku ‘i Selusalema, pea ko e ni‘ihi ‘i he hou‘eiki ‘ulumotu‘a na‘a nau ‘atu me‘a‘ofa ki he fale ‘o ‘Elohimi, ke fokotu‘u ia ‘i hono tu‘unga; 69‘io, na‘a nau foaki ‘o taau mo ‘enau mafai, ‘o nau tuku ki he fale koloa ‘o e Ngāue ‘a e talaiki koula ‘e ono mano mā taha afe, mo e mina siliva ‘e nima afe, mo e teau‘i kofu fakataula‘eiki.
70Ko ia, ko e kau taula‘eiki, mo e kau Līvai, mo e ni‘ihi ‘i he kakai, mo e#2.70 mo e; Ko hono faka-Hepeluú ia, ka ‘oku pehē ‘i he hiki fuoloa ‘e taha: na‘a nau nofo ‘i Selusalema pe ofi atu ki ai, pea ko e. kau hiva, mo e kau le‘o matapā, mo e kau Netinimi, na‘a nau nofo ‘i honau ngaahi kolo; pea nofo mo ‘Isileli kātoa ‘i honau ngaahi kolo.#1 Kal 9.2; Nehe 11.3
Currently Selected:
KO ‘ĒSELA 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
