KO ‘ĒSELA 1
1
Ko e Fekau ‘a Kōlesi ke Foki ‘a e Kakai Siú ki honau Fonuá
1PEA ‘i he ‘uluaki ta‘u ‘o Kōlesi ko e Tu‘i Pēsia,#1.1 Tu‘i Pēsia; Na‘e ma‘u ‘e Kōlesi ‘a e kolo ko Pāpiloné ‘i he ta‘u 539 KM ‘o ne pule ai pē ko e Tu‘i ‘o e pule‘anga Pāpilonia. pea koe‘uhi ke fakamo‘oni ki he folofola ‘a Sihova na‘e lea‘aki ‘e Selemaia, ko ia na‘e ue‘i ‘e Sihova ‘a e laumālie ‘o Kōlesi ko e Tu‘i Pēsia, ‘o ne fanongonongo ‘i hono pule‘anga kotoa, ‘o ne tohi ‘o pehē:#Sel 25.11; 29.10
2Ko e folofola ‘eni ‘a Kōlesi Tu‘i Pēsia, Ko Sihova ko e ‘Otua ‘o Langi kuo ne foaki kiate au ‘a e ngaahi pule‘anga kotoa pē ‘o māmani; pea kuo ne na‘ina‘i kiate au ke langa ha fale mo‘ona ‘i Selusalema ‘a ia ‘oku ‘i Siuta.#‘Ais 44.28 3‘Ilonga kimoutolu ‘i hono kakai kotoa ‘oku ne ‘atā ke ‘alu, pea ‘ofa ke kau mo ia ‘a Sihova ko hono ‘Otua, pea ke mou ‘alu hake ki Selusalema, ‘a ia ‘oku ‘i Siuta, ‘o langa ‘a e fale ‘o Sihova ko e ‘Otua ‘o ‘Isileli, Ko ‘ena ‘a e ‘Otua ‘a ia ‘oku ‘i Selusalema. 4Pea ‘ilonga kimoutolu ‘oku toe ‘i he potu kehekehe ‘oku mou takitaha ‘āunofo ai, ke tokoni atu ‘e he kakai ‘o e feitu‘u ‘aki ‘a e siliva, mo e koula, mo e koloa kehekehe, mo e fanga manu–tukukehe ‘a e feilaulau-‘ofa ‘e fai ki he fale ‘o e ‘Otua ‘oku ‘i Selusalema.
5Pea na‘e toki tutu‘u ‘a e hou‘eiki ‘ulumotu‘a ‘o ha‘a Siuta mo Penisimani, mo e kau taula‘eiki, mo e kau Līvai–‘io, ‘a e kakai kotoa kuo ue‘i honau laumālie ‘e ‘Elohimi ke ‘alu hake ke langa ‘a e fale ‘o Sihova, ‘a ia ‘oku ‘i Selusalema. 6Pea ko honau kau nonofo na‘a nau poupou kiate kinautolu ‘aki ‘a e nāunau siliva, ‘aki ‘a e koula, ‘aki ‘a e koloa kehekehe mo e fanga manu, mo e ngaahi me‘a mahu‘inga: tukukehe ‘enau tānaki me‘a‘ofa.
7Ko Kingi Kōlesi foki na‘a ne ‘omai ‘a e nāunau ‘o e fale ‘o Sihova, ‘a ia ne ‘omi ‘e Nepukanesa mei Selusalema, ‘o tuku ki he fale ‘o hono ‘Otua; 8‘io, na‘e ‘omi ia ‘e Kōlesi ko e Tu‘i Pēsia, ‘o fakafai ‘ia Mitelatata ko e tauhi koloa, ‘o ne lau kia Sesipasa ko e ‘eiki Siuta. 9Pea ko hono lau ‘eni: ko e kumete koula ‘e tolungofulu, ko e kumete siliva ‘e afe ko e hele#1.9 ‘Oku fihi. ‘e uofulu mā hiva; 10ko e ipu koula ‘e tolungofulu, ko e ipu siliva, kalasi ua, ko e fāngeau mā hongofulu, ko e ipu kehe ‘e afe. 11Ko e lau kātoa ‘o e ngaahi ipu koula mo siliva ko e nima afe mā fāngeau. Na‘e ‘ohake kotoa ‘e Sesipasa ‘i he ‘ave ‘a e kau pōpula mei Pāpilone ki Selusalema.
Currently Selected:
KO ‘ĒSELA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
