KO ‘ISIKELI 42
42
Ko e ongo Fale he Tu‘a Temipalé
1PEA ne fakahū au ki tu‘a ki he Loto‘ā Tu‘afale, ‘i he hala ki he tokelau; pea ne ‘ave au ki he fale loki, ‘a ia na‘e fehangahangai mo e Potu Mavahe, ‘io, na‘e fehangahangai mo hono holisi na‘e hanga ki he tokelau. 2Na‘e hanga ki he tapa lōloa na‘e kiupite ‘e teau; ko hono matapā na‘e hanga ki he tokelau, pea ko hono māukupu ko e kiupite ‘e nimangofulu. 3Na‘e fehangahangai ia mo e uofulu‘i kiupite ko ē ‘i he Loto‘ā Loto, pea fehangahangai mo e faliki ‘i he Loto‘ā Tu‘afale: na‘e ai ha fale tolo na‘e tau atu ki he fale tolo ‘e taha, ‘i he ngaahi potu ‘o hono tolu ‘o e fata. 4Pea ‘i he mata fale loki na‘e ai ha hala na‘e kiupite ‘e hongofulu hono laulahi: na‘e fou ia ki he Loto‘ā Loto: ko e hala ia na‘e kiupite ‘e teau.#42.4 kiupite ‘e teau: Ko e hiki ‘eni he Sepituakiní. Ko e lau ‘a e hiki faka-Hepeluú ko e kiupite ‘e taha, ‘a ia ko e senitimita ‘e 50. Pea ko e ngaahi matapā ‘o ē na‘e hanga ki he tokelau. 5Pea ko e ‘otu loki ki ‘olunga na‘e nounou ange ‘i he fata ki lalo mo loto, he na‘e tosi kinautolu ‘e he ngaahi fale tolo. 6He na‘e tu‘u fata tolu ‘ena, pea na‘e ‘ikai hanau pou ‘o hangē ko e ngaahi pou ‘o e ongo loto‘ā; ko ia, na‘e fakahilihili‘i ia ‘i he fata lalo mo loto ‘i he fai hake. 7Pea na‘e ai ha ‘ā mā‘ulalo, ‘a ia na‘e ‘alu ‘i tu‘a, ‘o palāleli mo e ngaahi loki, ‘o hanga ki he Loto‘ā Tu‘a na‘e fehangahangai mo e ngaahi loki: ko hono lōloa ko e kiupite ‘e nimangofulu. 8He ko e lōloa ‘o e ngaahi loki na‘e hanga ki he Loto‘ā Tu‘afale ko e kiupite ‘e nimangofulu; kae vakai, ko e lōloa ‘o e hāngai ki he Temipale ko e kiupite ‘e teau. 9Pea na‘e fakapuli ‘e he ‘ā ‘a e potu lalo ‘o e ngaahi loki; ko ia, ko e#42.9-10 Pea… loki: ‘Oku ngali tonu ‘a hono hiki ‘o e faka-Hepeluú ‘o: ‘I he māukupu ‘o e ‘ā ‘o e loto‘aá na‘e ‘i ai ‘a e, ka ‘oku pehē ‘i he hiki fuoloa ‘e taha: ‘I lalo ‘i he ongo loki ko ia ‘e uá, ‘i he kamata‘anga ‘o e loto‘aá na‘e ‘i ai ‘a e. hū‘anga ki ai na‘e tu‘u mei hahake ‘i ho‘o ‘alu ki ai mei he Loto‘ā Tu‘afale. 10Fakamāukupu ‘i he ‘ā mā‘ulalo ‘o e loto‘ā ki he saute,#42.10: saute: Ko hono fakalea ‘i he ngaahi hiki fuoloa ‘e ni‘ihi ko e: ‘īsite (hahake), ka ‘oku matamata hala ia. pea fehangahangai ki he Potu Mavahe, pea fehangahangai ki he holisi, na‘e tu‘u ha ngaahi loki.
11Pea ai ha hala ‘i honau mata, tatau mo e ngaahi loki na‘e tu‘u ‘i he potu noate; tatau honau lōloa, tatau honau māukupu, mo honau ngaahi hū‘anga, pea tatau honau ngaahi tu‘utu‘uni. 12Pea tatau mo e ngaahi matapā ko ē ‘a e ngaahi matapā ‘o e ngaahi loki ‘i he potu saute: na‘e ai ha matapā ‘i he ngata‘anga ‘o e hala, ‘a e hala na‘e ‘alu atu ki he ‘ā mā‘ulalo, ‘o lave ki ai, ‘i ho‘o ‘alu ki he ngaahi loki mei hahake.#42.12: ‘Oku fihi ‘aupito.
13Pea ne pehē mai kiate au, Ko e ngaahi loki tokelau mo e ngaahi loki tonga, ‘a ia ‘oku fehangahangai mo e Potu Mavahe, ko e ngaahi loki tapu ia, ‘a ia ‘e kai ai ‘a e ngaahi me‘a toputapu ‘e he kau taula‘eiki ‘oku taka ofi kia Sihova; ko e potu ko ia te nau tuku ai ‘a e ngaahi me‘a toputapu, ‘a e feilaulau-me‘akai, mo e feilaulau-angahala, mo e feilaulau-halaia: he ‘oku tapu ‘a e potu ko ia. 14Ka nau ka hū ki loto, ‘a e kau taula‘eiki, ‘e ‘ikai te nau ‘alu mei he potu tapu ki he Loto‘ā Tu‘afale, ka te nau tuku ‘i he potu ko ia honau kofu, ‘a ia ‘oku nau fai ai ‘enau ngāue; he ko e ngaahi kofu ‘oku tapu: te nau tui ‘a e ngaahi kofu kehe, pea te nau toki ‘unu‘unu atu ki he potu ‘oku kau ki he kakai.
Ko Hono Fua ‘o e Feitu‘u Temipalé
15Pea kuo ‘osi ‘ene fai ‘a e fua ‘o e fale loto, na‘a ne fakahū au ki tu‘a ‘i he matanikolo ‘oku hanga ki hahake, pea ne fua ‘a e potu ko ia takatakai. 16Na‘a ne fua ‘a e tapa fakahahake ‘aki ‘a e kaho fua, ko e kaho ‘e nimangeau; ko e fua kotoa ia ‘aki ‘a e kaho. 17Na‘a ne fua ‘a e tapa fakatokelau, ko e kaho ‘e nimangeau; ko e fua kotoa ia ‘aki e kaho. 18Ko e tapa fakatonga na‘a ne fua ko e kaho ‘e nimangeau; ko e fua fakakaho ia. 19Na‘a ne afe ki he tapa fakalulunga; na‘a ne fua ai ha kaho ‘e nimangeau; ko e fua fakakaho ia.#42.17-19 ‘Oku ‘ikai ke mahino ‘a e faka-Hepelū ‘o e ongo vēsí ni ‘e uá. 20Na‘e fai ‘ene fua ki he matangi ‘e fā. Na‘e ai ha ‘ā takatakai ki he me‘a ko ē, ko hono lōloa ko e nimangeau, pea ko hono māukupu ko e nimangeau, mo vahevahe ‘a e potu tapu mei he potu noa.
Currently Selected:
KO ‘ISIKELI 42: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
