KO ‘ISIKELI 41
41
1PEA ne fakahū au ki he Temipale, pea ne fua ‘a e ongo pou tuliki, ko e kiupite ‘e ono hono māukupu mei he fa‘ahi ko ē, pea ko e kiupite ‘e ono mei he fa‘ahi ko ē; ko e māukupu ia ‘o e pou tuliki takitaha.#41.1 ‘Oku ‘i ai ‘a e ongo fo‘i lea ‘e ua ‘oku tu‘u ‘i he kupu ko ení ‘a ia ‘oku ‘ikai ke mahino ‘a hono ‘uhingá. 2Pea ko e laulahi ‘o e matapā ko e kiupite ‘e hongofulu; pea ko e ongo pou matapā ko e kiupite ‘e nima, ‘a e taha mei hē, mo e kiupite ‘e nima ‘a e taha mei hē. Pea ne fua ‘a e lōloa ko e kiupite ‘e fāngofulu, pea ko e māukupu ko e kiupite ‘e uofulu.
3Pea ne hū ki loto, ‘o ne fua ‘a e pou matapā, ko e kiupite ‘e ua, pea ko e matapā ko e kiupite ‘e ono, pea ko e laulahi ‘o e matapā ko e kiupite ‘e fitu.#41.3 pea… fitu: Ko hono faka-Hepeluú ia, ka ‘oku pehē ‘i he hiki fuoloa ‘e taha: pea ko e matapaá ko e kiupite ‘e ono. 4Pea ne fua ‘a e lōloa ko ē, ko e kiupite ‘e uofulu, mo e māukupu ko e kiupite ‘e uofulu; ko ‘ene hanga ia ki he Potu Tapu.
Ko Hono Langa ‘o e ngaahi Loki ‘i he Tafatafa‘aki Temipalé
5Pea ne pehē mai kiate au, ko e Potu Toputapu ‘eni. Pea ne fua ‘a e holisi ‘o e fale, ko e kiupite ‘e ono; pea ko e māukupu ‘o e ‘otu leke ko e kiupite ‘e fā, ‘o takai ki he fale takatakai. 6Pea ko e ngaahi leke na‘e fata tolu, ‘o tu‘o tolungofulu, pea nau a‘u ki he holisi, ‘a ia na‘e kau ki he fale mo e ngaahi leke takatakai; ‘o pehē ke ma‘u puke kinautolu, kae ‘ikai te nau ‘asi ‘i he holisi ‘o e fale. 7Pea na‘e fakautuutu hono laulahi#41.7 ‘Oku fihi. ‘i he fata ko ē mo ē ki ‘olunga; he na‘e fakalaulahi ‘a e fale ki ‘olunga mo ‘olunga, ‘o takatakai ki he fale: ko ia, na‘e laulahi ‘a e fale ‘i he fai ki ‘olunga, pea ko ia ko e laulahi ‘o e fata lalo na‘e fakalahi ‘i he fata ‘olunga, ‘o fou ‘i he fata loto.#41.7 ‘Oku fihi ‘aupito. 8Pea na‘a ku vakai ‘oku fataki ‘a e fale: ‘oku ai ha ngaahi leke takatakai; ko hono mā‘olunga ki he peleti#41.8 Ko e fakamahalo pē, he ko e lea fakatufunga. ko e kaho kātoa, ‘a ia ko e kiupite ‘e ono. 9Ko e laulahi ‘o e holisi ‘o e fale leke ko e kiupite ‘e nima; pea pehē mo e laulahi ‘o e potu na‘e tuku ‘atā ‘i he tafa‘aki ‘o e fale leke na‘e kau ki he temipale. 10Pea ko e fua mei ai ki he ngaahi loki, ko hono laulahi ko e kiupite ‘e uofulu, takatakai ki he fale ‘i hē mo ē. 11Pea ko e hū‘anga ki he ngaahi leke na‘e ‘i he potu na‘e tuku ‘atā; ko e hū‘anga ‘e taha na‘e hanga ki he tokelau, pea ko e hū‘anga ‘e taha na‘e hanga ki he tonga; pea ko e laulahi ‘o e potu na‘e tuku ‘atā ko e kiupite ‘e nima takatakai.
Ko e Fale ki he Faka-Hihifo ‘o e Temipalé
12Pea ko e me‘a ko ē kuo langa hake, ‘a ia na‘e tu‘u ‘i he mata ‘o e Potu Mavahe, ko hono māukupu ko e kiupite ‘e fitungofulu ‘i hono tafa‘aki ki hihifo; pea ko e holisi ‘o e me‘a kuo langa, ko hono laulahi ko e kiupite ‘e nima takatakai, pea ko hono lōloa ko e kiupite ‘e hivangofulu.
Ko e ngaahi Fua ‘o e Temipalé Kotoa
13Pea ne fua ‘a e fale, ko hono lōloa ko e kiupite ‘e teau; pea ko e Potu Mavahe, mo e me‘a na‘e langa ai, mo hono holisi, ko hono lōloa ko e kiupite ‘e teau; 14pea ko e māukupu ‘o e mata fale, pea mo e Potu Mavahe, hono mata ki hahake, ko e kiupite ‘e teau.
Ko e Fakaikiiki ‘o e Temipalé
15Ko eni kuo ne fua ‘a e lōloa ‘o e me‘a na‘e langa ‘i he mata ‘o e Potu Mavahe, ‘a ia na‘e tu‘u ki he taa‘i fale ki tu‘a, mo e fale tolo#41.15 Ko e fakamahalo pē. ‘i hē mo ē, ko e kiupite ‘e teau; mo e temipale loto, mo e ngaahi hū‘anga ki he loto‘ā:
16pea na‘e ma‘u hono fua ‘o e ngaahi tu‘unga matapā, mo e ngaahi tupa ta‘eto‘o, mo e ngaahi fale tolo takatakai ki honau feitu‘u ‘e tolu; (ko e fehangahangai ‘o e tu‘unga matapā na‘e ‘aofi ‘akau takatakai, pea mo e faliki ‘o a‘u ki he ngaahi tupa; ka ko e ngaahi tupa na‘e ‘ufi‘ufi);#41.16 ‘Oku ‘ikai ke mahino ‘a hono faka-Hepelū ‘o e vēsí ni. 17‘a e potu ‘i he funga matapā, ‘o a‘u ki he fale loto, pea ki tu‘a, pea ko e holisi kotoa, ‘i loto mo tu‘a; ‘io, na‘e takitaha hono fua.#41.17 ‘Oku ‘ikai ke mahino ‘a hono faka-Hepelū ‘o e vēsí ni. 18Pea na‘e tā selupimi mo e paame; pea na‘e tu‘u ha paame ‘i he vaha‘a ‘o ha ongo selupimi, pea na‘e fofonga ua ‘a e selupimi takitaha; 19pea ko e mata fakatangata na‘e hanga ki he paame ‘i he potu ‘e taha, pea ko e mata fakalaione na‘e hanga ki he paame ‘i he potu ‘e taha; na‘e ngaohi kinautolu takatakai ki he fale kotoa. 20Na‘e ngaohi ‘a e ngaahi selupimi mo e paame mei he faliki, ‘o a‘u ki he feitu‘u ‘oku ‘i ‘olunga ‘i he matapā: ko e ‘aofi ia ‘o e Temipale. 21Ko e me‘a ki he Temipale, ko e ngaahi pou matapā na‘e tapafā.
Ko e ‘Ōlita Papa
Pea ko e mata Potu Toputapu na‘e hā tatau mo e anga ko ē.
22Ko e ‘ōlita na‘e ‘akau; ko e kiupite ‘e tolu hono mā‘olunga, pea ko e kiupite ‘e ua hono lōloa;#41.22 lōloa: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: tu‘ungá. pea na‘e ai hono ngaahi tuliki, mo hono tu‘unga, mo hono takai ko e ‘akau: pea ne pehē mai kiate au, Ko e tēpile ‘eni ‘oku ‘i he ‘ao ‘o Sihova.
Ko Hono ngaahi Matapaá
23Pea na‘e ai ha matapā ‘e ua ki he Temipale, pea ki he Potu Toputapu. 24Pea ko e ongo matapā ko ia na‘e taki ua ‘a e lau matapā, ko e ua‘i me‘a na‘e mamio, ko e ua ki he matapā ‘e taha, mo e ua ki he matapā ‘e taha. 25Pea na‘e tā ai, ‘io, ‘i he ngaahi matapā ‘o e Temipale, ‘ani selupimi moni paame, hangē ko ia na‘e ngaohi ‘i he holisi: pea na‘e ai ha tu‘unga matapā#41.25 pe teuteu. ‘akau ‘i he matafale hū‘anga mei tu‘a. 26Pea na‘e ai ha ngaahi tupa ta‘eto‘o, mo e ngaahi paame ‘i he potu ko ē mo ē, ‘i he ongo tafa‘aki ‘o e fale hū‘anga; pea pehē mo e ngaahi fata ‘o e fale mo e ngaahi tu‘unga matapā.
Currently Selected:
KO ‘ISIKELI 41: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
