KO ‘ISIKELI 40
40
Ko e Hā Mai ‘a e Temipale ‘o e Kaha‘ú
Ko Hono ‘Ave ‘o ‘Isikeli ki Selusalema
(40.1–48.35)
1‘I HONO uofulu mā nima ta‘u ‘o ‘emau nofo pōpula, ‘i he kamata‘anga ‘o e ta‘u, ‘i hono ‘aho hongofulu ‘o e māhina, (ko hono hongofulu mā fā ta‘u ia hili ‘a e taa‘i ‘o e kolo), ‘i he ‘aho matematē pē ko ia na‘e hoko kiate au ‘a e nima ‘o Sihova, ‘o ne ‘ave au ki he potu ko ia. 2Na‘a ne ‘omi au ‘i he ngaahi vīsone faka‘otua ki he fonua ‘o ‘Isileli, ‘o ne tuku hifo au ‘i ha mo‘unga mā‘olunga ‘aupito, pea na‘e tu‘u ai mei he saute#40.2 mei he saute: Ko hono faka-Hepeluú ia, ka ‘oku pehē ‘i he hiki fuoloa ‘e taha: mei mu‘a ‘iate au. ha me‘a na‘e langa hangē ko e kolo.#Fkhā 21.10 3Pea ne ‘ave au ki ai, pea tā ko e tangata ‘ena, pea ko hono fōtunga na‘e hā hangē ko e palasa, ‘o ne to‘o ha afo falākisi mo ha kaho fua; pea ‘oku ne tu‘u ofi ki he matanikolo.#Fkhā 11.1; 21.15
4Pea lea mai kiate au ‘a e tangata, Hako‘i-tangata, ke ke sio ‘aki ho mata, pea fanongo ‘aki ho telinga, pea ‘ai ho loto ki he me‘a kotoa te u fakahā atu; he ko hono fakahā kiate koe ‘a ia na‘e ‘omi ai koe ki heni: fakahā ki he fale ‘o ‘Isileli ‘a e me‘a kotoa te ke sio ki ai.
Ko e Matapā ki Hahake ‘o e Koló
5Pea tā ko e ‘ā ena ‘oku ‘alu takatakai ki he fale ‘i tu‘a, pea ‘oku to‘o ‘e he tangata ha kaho fua fe‘unga mo e kiupite ‘e ono, taki kiupite mo e hanga: pea ne fua ‘a e māukupu ‘o e me‘a kuo langa, ko e kaho ‘e taha; pea ko hono mā‘olunga, ko e kaho ‘e taha.#1 Tu‘i 6.1-38; 2 Kal 3.1-9 6Pea ne ‘alu ki he matanikolo, ‘a ia na‘e hanga ki hahake, ‘o ne ‘alu hake ‘i hono ngaahi tu‘unga, ‘o ne fua ‘a e tu‘unga matapā ‘o e matanikolo, ko e kaho ‘e taha hono māukupu: ‘io, ko e tu‘unga matapā ‘e taha ko hono māukupu ko e kaho ‘e taha.#40.6 ko e tu‘unga… ‘e taha: Ko hono faka-Hepeluú ia, ka ‘oku pehē ‘i he hiki fuoloa ‘e taha: mā‘olungá. 7Pea ko e leke ‘o e ka‘ate ko e kaho ‘e taha hono loloa, mo e kaho ‘e taha hono māukupu; pea ko e vā ‘o ha ongo leka ko e kiupite ‘e nima; pea ko e tu‘unga matapā ‘o e matanikolo, fua mei he tafa‘aki hū‘anga ki he matanikolo mei he Temipale, ko e kaho ‘e taha. 8Pea ne fua ‘a e hū‘anga ki he matanikolo ‘oku hanga ki fale, ko e kaho ‘e taha. 9Pea ne fua ‘a e hū‘anga ki he matanikolo, ko e kiupite ‘e valu; pea ko hono ongo pou, ko e kiupite ‘e ua; pea ko e hū‘anga ki he matanikolo na‘e hanga ki he fale. 10Pea ko e ngaahi leke ‘o e ka‘ate ‘i he matanikolo na‘e hanga ki hahake na‘e tolu ‘i he fa‘ahi ‘e taha, pea tolu ‘i he fa‘ahi ‘e taha; na‘e fua taha pē ‘a e tolu ko ia: pea fua taha ‘a e ngaahi pou ‘o e fa‘ahi mo e fa‘ahi.
11Pea ne fua ‘a e māukupu ‘o e matapā ‘o e matanikolo, ko e kiupite ‘e hongofulu; ko e lōloa ‘o e matanikolo ko e kiupite ‘e hongofulu mā tolu. 12Pea na‘e ‘i ai ha ‘ā-vahevahe ‘i he ‘ao ‘o e ngaahi leke ‘o e ka‘ate, ko e kiupite ‘e taha, pea ko e kiupite ‘e taha ‘a e ‘ā vahevahe ‘o e fa‘ahi ko ē; pea ko e leke ko e kiupite ‘e ono ‘i he fa‘ahi ko ē, mo e kiupite ‘e ono ‘i he fa‘ahi ko ē. 13Pea ne fua ‘a e matanikolo mei he ‘ato#40.13 ‘ato: Ko hono faka-Hepeluú ia, ka ‘oku ngali tonu hono hiki ‘o: holisi ki muí. ‘o e leke ‘o e ka‘ate ko ē ki he ‘ato#40.13 ‘ato: Ko hono faka-Hepeluú ia, ka ‘oku ngali tonu hono hiki ‘o: holisi ki muí. ‘o e leke ‘o e ka‘ate ko ē, ko hono māukupu ko e kiupite ‘e uofulu mā nima, na‘e fehangahangai ‘a e matapā mo e matapā. 14Pea ne fai ki he ongo pou, ko e onongofulu‘i kiupite; pea na‘e a‘u ki he pou ‘a e loto‘ā takatakai ki he matanikolo.#40.14 ‘Oku ‘ikai ke mahino ‘a hono faka-Hepelū ‘o e vēsí ni. 15Pea ko e fua mei he tu‘a tu‘unga matapā ‘o e matanikolo, ‘o a‘u ki he mata hū‘anga ki he matanikolo mei loto‘ā, ko e kiupite ‘e nimangofulu. 16Pea na‘e ai ha ngaahi tupa ta‘eto‘o ‘i he ngaahi leke ‘o e ka‘ate, pea ‘i hono ngaahi ve‘e kau matapā ‘i he matanikolo, takatakai ‘o sio ki loto‘ā; pea pehē ‘i he ngaahi potu na‘e tepu atu; na‘e ai ‘a e ngaahi tupa na‘e tu‘u takatakai, ‘o sio ki loto‘ā: pea ‘i he ngaahi pou na‘e tā paame.
Ko e Loto‘ā ‘i he Tu‘a Temipalé
17Pea ne ‘ave au ki he Loto‘ā Tu‘afale, pea tā ‘oku ai ha ngaahi loki, mo ha faliki kuo ngaohi takatakai ki he loto‘ā; na‘e tolungofulu ‘a e loki na‘e tu‘u ki he faliki. 18Pea ko e faliki na‘e tau atu ki he ngaahi matanikolo, ‘o fe‘unga mo e lōloa ‘o e ngaahi matanikolo; ko e faliki lalo ia.
19Pea ne fua ‘a e māukupu, mei he hū‘anga ki he matanikolo lalo, ki he mata ‘o e Loto‘ā Loto, ‘a tu‘a pē, ko e kiupite ‘e teau: ko e ‘īsite ia mo e tokelau.#40.19 ‘Oku ‘i ai e ongo fo‘i lea ‘e ua ‘i he vēsí ni ‘a ia ‘oku ‘ikai ke mahino ‘a hono ‘uhingá.
Ko e Matapā ki Tokelau ‘o e Koló
20Pea ko e matanikolo ‘a ia ‘oku hanga ki he noate, ‘o lave ki he Loto‘ā Tu‘afale, na‘a ne fua hono lōloa mo hono māukupu. 21Mo hono ngaahi leke ‘o e ka‘ate, ko e tolu ‘i he fa‘ahi ko ē mo e tolu ‘i he fa‘ahi ko ē; mo hono pou, mo hono ngaahi potu ‘ā na‘e tepu atu; na‘e tatau hono fua mo e ‘uluaki matanikolo: ko e kiupite ‘e nimangofulu hono lōloa, mo e kiupite ‘e uofulu mā nima hono māukupu. 22Pea ko hono ngaahi tupa, mo hono ngaahi kau matapā, mo hono ngaahi paame; na‘e tatau hono fua mo e matapā ‘oku hanga ki hahake; pea na‘e ‘alu hake ki ai ‘i he tu‘unga ‘e fitu; pea na‘e hanga mai ki ai hono ngaahi me‘a na‘e tepu atu. 23Pea na‘e ai ha matanikolo ki he Loto‘ā Loto na‘e fehangahangai mo e matanikolo noate, pea mo ia na‘e hanga ki hahake; pea ne fua mei he matanikolo ki he matanikolo, ko e kiupite ‘e teau.
Ko e Matapā ki he Tongá
24Pea ne taki au ki he feitu‘u tonga, pea tā na‘e ai ha matanikolo na‘e hanga ki he tonga: pea ne fua hono pou, mo hono ngaahi potu ‘ā na‘e tepu atu, na‘e tatau mo e ngaahi fua ko ē. 25Pea na‘e ai ha ngaahi tupa ‘i ai, pea ‘i hono ngaahi potu na‘e tepu atu takatakai, ‘o tatau mo e ngaahi tupa ko ē: ko hono lōloa ko e kiupite ‘e nimangofulu, pea ko hono māukupu ko e kiupite ‘e uofulu mā nima. 26Pea ko e hakenga ki ai ko e tu‘unga ‘e fitu, pea na‘e hanga ki ai ‘a e ngaahi potu na‘e tepu atu: pea na‘e tā paame ai, ko e taha ‘i he fa‘ahi ko ē, mo e taha ‘i he fa‘ahi ko ē ‘o hono ongo pou. 27Pea na‘e ai ha matanikolo ki he Loto‘ā Loto na‘e hanga ki he tonga: pea ne fua mei he matanikolo ki he matanikolo ‘i he feitu‘u tonga, ko e kiupite ‘e teau.
Ko e Loto‘ā ‘i he Loto Temipalé: Ko e Matapā ki he Faka-Tonga ‘o e Koló
28Pea ne ‘ave au ki he Loto‘ā Loto ‘i he matanikolo tonga: pea ne fua ‘a e matanikolo tonga; 29na‘e tatau mo e ngaahi fua ko ē; pea mo hono ngaahi leke ‘o e ka‘ate, mo hono ongo pou, mo hono ngaahi potu ‘ā na‘e tepu atu; na‘e tatau mo e ngaahi fua ko ē: pea na‘e ai ha ngaahi tupa ‘i ai, pea ‘i hono ngaahi potu na‘e tepu atu takatakai: ko hono lōloa ko e kiupite ‘e nimangofulu, pea ko hono māukupu ko e kiupite ‘e uofulu mā nima. 30Pea na‘e ‘i ai ha ngaahi potu na‘e tepu atu takatakai, ko hono lōloa ko e kiupite ‘e uofulu mā nima, pea ko hono māukupu ko e kiupite ‘e nima. 31Pea ko e ngaahi potu na‘e tepu atu na‘e lave ki he Loto‘ā Tu‘afale; pea na‘e tā paame hono pou: pea ko e hakenga ki ai ko e tu‘unga ‘e valu.
Ko e Loto‘ā ki loto ‘o e Temipalé: Ko e Matapā ki Hahake ‘o e Koló
32Pea ne ‘ave au ki he Loto‘ā Loto, ki he feitu‘u hahake: pea ne fua ‘a e matanikolo: na‘e tatau mo e ngaahi fua ko ē: 33pea ko hono ngaahi leke ‘o e ka‘ate, mo hono pou, mo hono ngaahi potu na‘e tepu atu, na‘e tatau mo e ngaahi fua ko ē: pea na‘e ai ha ngaahi tupa ‘i ai, pea ‘i he ngaahi potu na‘e tepu atu takatakai: ko hono lōloa ko e kiupite ‘e nimangofulu, pea ko hono māukupu ko e kiupite ‘e uofulu mā nima. 34Pea ko hono ngaahi potu na‘e tepu atu na‘e tu‘u ki he Loto‘ā Tu‘afale; pea na‘e tā paame ‘i hono ongo pou, ‘i he fa‘ahi ko ē mo ē: pea ko hono hakenga ko e tu‘unga ‘e valu.
Ko e Loto‘ā ‘i he Loto Temipalé: Ko e Matapā ki he Tokelau ‘o e Koló
35Pea ne ‘ave au ki he matanikolo noate, ‘o ne fua: na‘e tatau mo e ngaahi fua ko ē; 36ko hono ngaahi leke ‘o e ka‘ate, ‘a hono pou, mo hono ngaahi potu na‘e tepu atu; pea na‘e ai ha ngaahi tupa ‘i ai takatakai; ko hono lōloa ko e kiupite ‘e nimangofulu, pea ko hono māukupu ko e kiupite ‘e uofulu mā nima. 37Pea ko hono pou#40.37 pou: ‘Oku ngali tonu ‘a hono hiki ‘i he faka-Hepeluú ‘o: holisi ki loto: ka ‘oku pehē ‘i hono ngaahi hiki fuoloa ‘e ni‘ihi: loki hū‘anga atu. na‘e tu‘u ki he Loto‘ā Tu‘afale; pea na‘e tā paame ki hono ongo pou, ‘i he fa‘ahi ko ē mo ē: pea ko e hakenga ki ai ko e tu‘unga ‘e valu.
Ko e ngaahi Fale ‘i he Ve‘e Matapā ki he Tokelau ‘o e Koló
38Pea ko ha leke mo hono matapā na‘e tu‘u ofi ki he ongo pou ‘i he ngaahi matanikolo; ko e potu ko ia na‘a nau fufulu ai ‘a e feilaulau-mōifua. 39Pea ‘i he hū‘anga ki he matanikolo na‘e ‘i ai ha ongo tēpile ‘i he fa‘ahi ko ē, mo e ongo tēpile ‘i he fa‘ahi ko ē, ke tāmate‘i ai ‘a e feilaulau-mōifua, mo e feilaulau-angahala, mo e feilaulau-halaia. 40Pea ‘i he tafa‘aki ‘i tu‘a, ‘i ho‘o ‘alu ke hū ‘i he matanikolo tokelau, na‘e ‘i ai ha ongo tēpile; mo e ongo tēpile ‘i he tafa‘aki ‘e taha ‘o e hū‘anga ki he matanikolo. 41Ko e tēpile ‘e fā mei he fa‘ahi ‘e taha, mo e tēpile ‘e fā ‘i he fa‘ahi ‘e taha, ‘i he tafa‘aki ‘o e matanikolo; ko e tēpile ‘e valu: na‘e fai ki ai ‘a e tāmate. 42Pea na‘e ai ha tēpile ‘e fā na‘e tu‘u ki he hakenga; ko e maka ia kuo hele; ko hono lōloa ko e kiupite ‘e taha mo e haafe, pea ko hono māukupu ko e kiupite ‘e taha mo e haafe, pea ko hono mā‘olunga ko e kiupite ‘e taha; pea ko e me‘a ia na‘e tuku ai ‘a e nāunau na‘e fai‘aki ‘a e tāmate ‘o e feilaulau-mōifua mo e ngaahi feilaulau kehe. 43Pea ko e ngaahi tautaunga mangaua, fe‘unga mo e hanga ‘e taha, na‘e hunuki ‘i he fale takatakai; pea ko e kakano ‘o e kōpano na‘e a‘u ki he ngaahi tēpile.#40.43 ‘Oku ‘ikai ke mahino ‘a hono faka-Hepelū ‘o e vēsí ni.
44Pea ‘i he tu‘a matanikolo ki loto, na‘e ‘i ai ‘ani leke ‘o e kau hiva ‘i he Loto‘ā Loto, ‘a ia na‘e tu‘u ‘i he tafa‘aki ‘o e matanikolo noate, kae hanga ki he saute; pea tu‘u ha taha ki he tafa‘aki ‘o e matanikolo saute, kae hanga ki he noate.#40.44 ‘Oku ‘ikai ke mahino ‘a hono faka-Hepelū ‘o e vēsí ni. 45Pea ne lea kiate au, Ko e leke ni ‘oku hanga ki he saute ‘oku ma‘a e kau taula‘eiki ‘oku tokanga ki he tauhi ‘o e fale: 46pea ko e leke ‘oku hanga ki he tokelau ‘oku ma‘a e kau taula‘eiki ‘oku tokanga ki he tauhi ‘o e ‘ōlita. Ko e ha‘a Sātoki kinautolu, ‘a kinautolu ‘i ha‘a Līvai ‘oku ‘unu‘unu kia Sihova ke tauhi ia.
Ko e Loto‘ā ‘i he Loto Temipalé mo e Temipalé
47Pea ne fua ‘a e loto‘ā; ko hono lōloa ko e kiupite ‘e teau, pea ko hono māukupu ko e kiupite ‘e teau; ko hono tapafā ia: pea na‘e tu‘u ‘a e ‘ōlita ‘i he matafale. 48Pea ne ‘ave au ki he hū‘anga ‘o e fale, ‘o ne fua ha pou ‘o e hū‘anga, ko e kiupite ‘e nima, ‘a ia ‘i he fa‘ahi ko ē, mo e kiupite ‘e nima, ‘a ia ‘i he fa‘ahi ko ē:#40.48 mo e kiupite… ko eé: ‘Oku ‘ikai ke tu‘u ‘a e kupu‘i lea ko ení ‘i he faka-Hepeluú. pea ko e laulahi ‘o e matapā ko e kiupite ‘e tolu ki hē mo e kiupite ‘e tolu ki hē. 49Ko e lōloa ‘o e fale hū‘anga ko e kiupite ‘e uofulu, pea ko e māukupu ko e kiupite ‘e hongofulu mā taha; pea ‘i he ngaahi tu‘unga, ‘a ia na‘a nau ‘alu hake ai ki ai, na‘e tu‘u ha ongo pou ofi ki he ongo pou ko ē, ko e taha mei he fa‘ahi ‘e taha, mo e taha mei he fa‘ahi ‘e taha.
Currently Selected:
KO ‘ISIKELI 40: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
