KO ‘ISIKELI 35
35
Ko Hono Tautea ‘e he ‘Otuá ‘a ‘Ītomi
1PEA hoko ‘a e folofola ‘a Sihova kiate au, ‘o pehē,#‘Ais 34.5-17; 63.1-6; Sel 49.7-22; ‘Isi 25.12-14; ‘Ēmosi 1.11-12; ‘Opa 1-14; Mal 1.2-5 2Hako‘i-tangata, ‘ai ho mata ki Mo‘unga Seia, pea fai ha palofisai ki ai. 3‘Io, te ke pehē ki ai, Ko e folofola ‘eni ‘a ‘Ātonai Sihova: ‘E Mo‘unga Seia, ko au ‘eni te u fai mo koe, pea te u mafao atu hoku nima kiate koe, pea te u ngaohi koe ko e maumau ‘o e maumau. 4Te u ngaohi ho ngaahi kolo ko e koto ‘auha, pea te ke hoko koe ko e lala; pea te ke ‘ilo ko Sihova au.
5Ko e me‘a ‘i he ‘iate koe ha fehi‘a ta‘engata, pea ke tukuange ‘a ha‘a ‘Isileli ke fa‘iteliha ai ‘a e heletā ‘i he taimi ‘o honau mala, ‘i he taimi ‘o e kovi ‘o e faka‘osi: 6ko ia, tangi ‘eku mo‘ui–ko ‘Ātonai Sihova ia mei he Ta‘ehāmai–ka te u ngaohi koe ko e toto pē, pea ‘e tuli koe ‘e he toto: tala‘ehai na‘a ke fehi‘a ki he toto;#35.6 tala‘ehaí … toto: ‘Oku ngali tonu ‘a hono hiki ‘o e faka-Hepeluú ‘o: Na‘á ke fehi‘a he fakapoó, ka ‘oku pehē ‘i he hiki fuoloa ‘e taha: ‘okú ke mo‘ua ‘i he fakapoó. ko ia, ‘e tuli koe ‘e he toto. 7Pea te u ngaohi ‘a Mo‘unga Seia ko e koto lala; pea te u tu‘usi meiate ia ‘a ia ‘oku ‘alu atu mo ia ‘oku foki. 8Pea te u fakafonu hono ngaahi mo‘unga ‘aki hono kakai kuo mate: ‘e tō ‘a e kakai kuo veloi ‘i he heletā ‘i ho ngaahi potu mā‘olunga, mo ho ngaahi tele‘a, mo ho ngaahi halanga vai kotoa. 9Te u ngaohi koe ko e koto lala ‘o ta‘engata, pea ‘e ‘ikai nofo‘anga ho ngaahi kolo: pea te mou ‘ilo ko Sihova au.
10Ko e me‘a ‘i ho‘o lau, ‘E ‘oku ‘a e ongo kakai mo e ongo fonua, pea te tau puke mo‘otautolu; ‘osi, na‘e ‘i ai ‘a Sihova; 11ko ia, tangi ‘eku mo‘ui–ko ‘Ātonai Sihova ia mei he Ta‘ehāmai–te u fai ‘o taau mo ho‘o ‘ita, mo ho‘o meheka, ‘a ia na‘a ke fakaai ‘i ho‘o fehi‘a kiate kinautolu; pea te u tuku ke nau ‘ilo au, ko e me‘a ‘i he‘eku fakamāu‘i koe. 12Pea te ke ‘ilo ‘e koe ko au Sihova kuo u ongo‘i ho‘o ngaahi fu‘u lea ta‘etoka‘i, ‘a ia na‘a ke fai ki he ngaahi mo‘unga ‘o ‘Isileli, ho‘o pehē, Kuo lala, kuo tuku mai ke tau me‘akai ‘aki. 13Pea kuo mou fakapupula kimoutolu kiate au ‘aki homou ngutu, pea kuo mou ‘ai ke hulu ho‘omou ngaahi lea kiate au: na‘a ku fanongo ‘e au.
14Ko e folofola ‘eni ‘a ‘Ātonai Sihova: Ka fiefia ‘a māmani kātoa, te u tokonaki ha fakalala ma‘au. 15Ko e me‘a ‘i ho‘o fakafiefia ‘i he tofi‘a ‘o e fale ‘o ‘Isileli, koe‘uhi kuo fakalala, ‘e pehē ‘eku fai kiate koe: te ke hoko ko e lala, ‘a Mo‘unga Seia mo ‘Ītomi kotoa fakataha; pea te nau ‘ilo ko Sihova au.
Currently Selected:
KO ‘ISIKELI 35: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
