KO ‘ISIKELI 31
31
Ko Hano Fakatatau ‘o ‘Isipite kiha Fu‘u Sita
1PEA ‘i hono hongofulu mā taha ta‘u, ‘i hono tolu ‘o e māhina, ‘i he ‘uluaki ‘aho ‘o e māhina, ‘iloange na‘e hoko kiate au ‘a e folofola ‘a Sihova, ‘o pehē, 2Hako‘i-tangata, lea kia Felo Tu‘i ‘Isipite, pea ki hono uōuōtu‘u, ‘o pehē, ‘Oku ke tatau mo hai ho mā‘olunga? 3Vakai, ko ‘Āsilia#31.3 ‘Āsilia: Ko hono faka-Hepeluú ia, ka ‘oku ngali tonu hono hiki ‘o: koe. ko ha sita ia ‘i Lepanoni, faka‘ofo‘ofa hono ‘ulu‘ulu, pea ko e ‘akau laumalu, pea ko hono sino na‘e mā‘olunga; pea ko hono ‘ulu‘ulu na‘e mo‘ua ‘i he ngaahi ‘ao.#31.3: ngaahi ‘ao: Ko hono fakalea ia ‘i he hiki fuoloa ‘e taha, ka ko hono faka-Hepeluú ko e: ngaahi va‘akau la‘i‘akau‘ia. 4Na‘e fakapuna hake ia ‘e he ngaahi vai, na‘e fakamā‘olunga ia ‘e he vai loloto: ko hono ngaahi manga‘i vai na‘e ‘alu takai ki hono ngoue‘anga; pea ne tuku atu hono ngaahi vaitaki ki he ngaahi ‘akau kotoa ‘o e ngoue. 5Ko hono ‘uhinga ia na‘e mā‘olunga ai hono tumutumu ‘i he ‘akau kotoa ‘o e vao; pea fu‘u lahi hono ‘ulu‘ulu, pea fakaloloa atu hono ngaahi va‘a ko e me‘a ‘i he‘ene ma‘u vai lahi, lolotonga ‘ene fai va‘a. 6Na‘e ngaohi pununga ‘i hono ‘ulu‘ulu ‘a e manupuna kehekehe ‘o e ‘atā, pea ‘i hono lalo va‘a na‘e fā‘ele ai ‘a e manu kehekehe ‘o e vao, pea ‘i hono malumalu na‘e nofo ai ‘a e ngaahi pule‘anga lalahi fua pē. 7‘Io, na‘e faka‘ofo‘ofa ko ‘ene fu‘u lahi, mo e loloa hono ngaahi va‘a: he ko hono aka na‘e lave ki he vai lahi. 8Na‘e ‘ikai lava ke fakapuli ia ‘e he ngaahi sita ‘i he ngouetapu ‘a e ‘Otua:#Sēn 2.9 na‘e ‘ikai fakatataua hono ngaahi va‘a ‘e he paini, pea ko e paleini na‘e ‘ikai tatau mo ia hano ‘ulu‘ulu; na‘e ‘ikai ha ‘akau ‘i he ngouetapu ‘a e ‘Otua na‘e faka‘ofo‘ofa tatau mo ia. 9Ne u ngaohi ia ke faka‘ofo‘ofa ‘i he lahi hono ngaahi va‘a; pea na‘e meheka ki ai ‘a e ngaahi ‘akau kotoa ‘o ‘Īteni, na‘e tu‘u ‘i he ngouetapu ‘a ‘Elohimi.
10Ko ia ko e folofola ‘eni ‘a ‘Ātonai Sihova: Ko e me‘a ‘i ho‘o hākeaki‘i koe–seuke na‘a ne ‘ai hono ‘ulu‘ulu ke mo‘ua ‘i he ngaahi ‘ao,#31.10: ngaahi ‘ao: Ko hono fakalea ia ‘i he hiki fuoloa ‘e taha, ka ko hono faka-Hepeluú ko e: ngaahi va‘akau la‘i‘akau‘ia. pea na‘e fakapupula hono loto ko ‘ene lahi– 11ko ia, te u tuku ia ki he nima ‘o e mafi ‘o e ngaahi pule‘anga; te ne mātu‘aki ngāue ki ai: kuo u li‘aki ia koe‘uhi ko ‘ene pau‘u. 12Pea ‘oku tā ia ‘e ha kau muli, ko e kau fakamālohi ‘o e ngaahi pule‘anga, pea nau li‘aki atu ia; na‘e tō hono ngaahi va‘a ‘i he ngaahi mo‘unga mo e ngaahi tele‘a kehekehe, pea na‘e mafesifesi hono ‘ulu‘ulu, ‘o tō ki he ngaahi potu luoluo ‘o māmani; pea ko e ngaahi kakai ‘o māmani na‘a nau hifo mei hono malumalu, ‘o nau tuku ai pē ia. 13‘E nofo‘anga ‘a e manu kehekehe ‘o e ‘atā ‘i hono sino kuo tokoto, pea ko e manu kehekehe ‘o e vao ‘oku ‘i hono ‘ulu‘ulu: 14koe‘uhiā ke ‘oua na‘a ai ha ‘akau ‘oku tu‘u ki he ngaahi vai te ne hīkisia koe‘uhi ko hono mā‘olunga, ‘o ‘oua te ne ‘ai hono ‘ulu‘ulu ke mo‘ua ‘i he ngaahi ‘ao,#31.14: ngaahi ‘ao: Ko hono fakalea ia ‘i he hiki fuoloa ‘e taha, ka ko hono faka-Hepeluú ko e: ngaahi va‘akau la‘i‘akau‘ia. pea ke ‘oua na‘a fuataki ‘aki kinautolu ‘e he fa‘ahinga inu vai lahi, koe‘uhi ko ‘enau mā‘olunga: he kuo tuku kinautolu kotoa ki he mate, ke ‘alu ki Lolofonua, ‘o lotolotoi ‘i he Hako‘i-tangata, ke fakataha mo e kakai ‘oku ‘alu hifo ki ke luo.
15Ko e folofola ‘eni ‘a ‘Ātonai Sihova: Ko e ‘aho na‘a ne ‘alu hifo ai ki Hētesi na‘a ku fokotu‘u ha tangilāulau: na‘a ku ‘ufi‘ufi ‘a e loloto na koe‘uhi ko ia, pea u ta‘ofi hono ngaahi vaitafe, pea na‘e tāpuni ‘a e ngaahi vai lahi: pea na‘a ku ngaohi ‘a Lepanoni ke ‘ai tauanga‘a koe‘uhi ko ia, pea ko e ngaahi ‘akau kotoa ‘o e vao na‘e pūlou koe‘uhi ko ia. 16Na‘a ku ‘ai ke tete ‘a e ngaahi pule‘anga ‘i he longoa‘a ‘o ‘ene hinga, ‘i he‘eku lī hifo ia ki Hētesi, ke fakataha mo e kakai ‘oku ‘alu hifo ki he luo: pea na‘a nau ma‘u ha fiemālie ‘i Lolofonua ‘e he ‘akau kotoa faka-‘Iteni, ‘a e to‘omu‘a mo e lelei ‘o Lepanoni, ‘a e inu vai lahi fua pē. 17Ko e fa‘ahinga ko ē foki na‘e ‘alu hifo mo ia ki Hētesi, ki he kakai kuo mate ‘i he heletā; ‘io, ‘a hono nima na‘e nofo ‘i hono malu ‘i he lotolotonga ‘o e ngaahi pule‘anga.
18Pea ko hai ‘i he ngaahi ‘akau faka-‘Iteni ‘i he‘etau fakatātā ‘oku mo vakavakatatau ‘i he lāngilangi mo e mā‘olunga? Tala atu, ‘e ‘ohifo koe ki he ngaahi ‘akau faka-‘Iteni ‘i Lolofonua: te ke tokoto ‘i he lotolotonga ‘o e kau ta‘ekamu, fakataha mo e kakai kuo mate ‘i he heletā. Ko Felo ia mo hono uōuōtu‘u kotoa–ko ‘Ātonai Sihova ia mei he Ta‘ehāmai.
Currently Selected:
KO ‘ISIKELI 31: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
