KO ‘ISIKELI 32
32
‘Oku Hangē ‘a e Tu‘i ‘Isipité ko ha kalokataile
1PEA ‘i hono ta‘u hongofulu mā ua, mo hono māhina hongofulu mā ua, mo e ‘uluaki ‘aho ‘o e māhina, ‘iloange na‘e hoko ‘a e folofola ‘a Sihova kiate au, ‘o pehē, 2Hako‘i-tangata, ke ke ofa‘aki ha tangilāulau mo‘o Felo Tu‘i ‘Isipite, pea ke pehē ange, Na‘e fakatatau koe ki he manu hau ‘o e ngaahi pule‘anga: ka ko ho tuha totonu ko e tanini ‘i he ngaahi tahi: pea ‘oku ke fakapā hake ‘i ho ongo pupuhi,#32.2: ongo pupuhi; pe ngaahi manga‘i vai. pea ‘oku ke eke‘i ‘a e ngaahi vai ‘aki ho kauva‘e na, pea ‘oku ke hā‘elea#32.2: hā‘elea: pe kele‘i. hono ngaahi manga. 3Ko e folofola ‘eni ‘a ‘Ātonai Sihova: Ko ia, te u fola hoku kupenga kiate koe, ‘i he kautaha ‘a e ngaahi kakai lahi; pea te nau tāva‘e koe ‘aki hoku kupenga. 4Pea te u li‘aki noa koe ki he fonua, te u laku ki he funga tuku‘uta, pea te u ‘ai ke nofo kiate koe ‘a e manupuna kehekehe ‘o e ‘atā, pea ke fakamākona kinautolu ‘iate koe ‘e he manu kehekehe ‘o e fonua kotoa. 5Pea te u ‘ai ho kakano ki he ngaahi mo‘unga, pea te u fakafonu ‘a e ngaahi tele‘a ‘aki ho toto.#32.5: toto: ‘Oku fihi. Ko e hiki ‘eni he Sepituakiní. 6Pea te u fakaviviku ‘a e kelekele ‘aki ho huhu‘a, ‘a e me‘a ‘oku tafe mei ho toto, ‘o a‘u ki he ngaahi mo‘unga; pea ‘e fonu ‘iate koe ‘a e ngaahi talalo. 7Pea ka u ka tāmate‘i ho‘o maama, te u ‘ufi‘ufi ‘a e langi, pea te u fakapo‘uli hono fetu‘u; ko e la‘ā, te u ‘ufi‘ufi ia ‘aki ha ‘ao; pea ko e māhina, ‘e ‘ikai te ne tuku atu ‘ene maama.#‘Ais 13.10; Māt 24.29; Ma‘ake 13.24-25; Luk 21.25; Fkhā 6.12-13; 8.12 8Ko e ngaahi maama ngingila ‘o e langi te u ‘ai ke fakapo‘uli, koe‘uhi ko koe, ‘io, ‘oku ou tuku atu ‘a e po‘uli ki ho fonua–ko ‘Ātonai Sihova ia mei he Ta‘ehāmai. 9Pea te u fakahoha‘a ‘a e loto ‘o e ngaahi kakai lahi, ka u ka ‘omi ho maumau ki he ngaahi pule‘anga, ‘a ia ‘oku nau nofo ki he ngaahi fonua ‘oku ‘ikai te ke ‘ilo ki ai. 10‘Io, te u ngaohi ‘a e ngaahi kakai lahi ke ofo ‘iate koe, pea ko honau ngaahi tu‘i ‘e fu‘u līfusia ‘iate koe, ‘oka u ka tākalo ‘eku heletā ‘i honau mata; pea te nau tete he mōmeniti kotoa pē takitaha telia ‘ene mo‘ui, ‘i he ‘aho ‘o ho‘o hinga.
11He ko e folofola ‘eni ‘a ‘Ātonai Sihova: Ko e heletā ‘a e Tu‘i Pāpilone ‘e hoko kiate koe. 12Te u ‘ai ke tō ho uōuōtu‘u ‘i he ngaahi heletā ‘a e kau helo; ko e kau fakamālohi ‘o e ngaahi pule‘anga honau kotoa: pea te nau maumau ‘a e me‘a ‘oku pōlepole ai ‘a ‘Isipite, pea ‘e faka‘auha kotoa hono uōuōtu‘u. 13Pea te u faka‘auha hono monumanu kotoa, ‘o ‘ikai ha‘anau kei ‘alu ki hono vai lahi; pea ‘ikai toe eke‘i ia ‘e he va‘e ‘o e tangata, pea ‘e ‘ikai toe eke‘i ia ‘e he pesipesi ‘o e manu. 14Te u toki ‘ai ke toka hono vai, pea te u ‘ai ke tafe hono ngaahi manga hangē ko e lolo–ko ‘Ātonai Sihova ia mei he Ta‘ehāmai. 15‘Oka u ka ngaohi ‘a e fonua ko ‘Isipite ko e lala, pea ‘oku mole mei he fonua hono mahu, koe‘uhi ko ‘eku taa‘i ‘a e kau nofo ai, te nau toki ‘ilo ko Sihova au. 16Ko e tangilāulau ‘eni, pea te nau fai mo e petetangi; ‘io, ‘e fai ia mo e petetangi ‘e he fānau fefine ‘o e ngaahi pule‘anga: te nau fai ia ko e tangilāulau ‘a ‘Isipite mo hono uōuōtu‘u kotoa–ko ‘Ātonai Sihova ia mei he Ta‘ehāmai.
Ko e Nofo‘anga ‘o e Kakai Maté
17Pea ‘i hono hongofulu mā ua ta‘u, mo hono hongofulu mā nima ‘aho ‘o e māhina,#32.17 māhina: ‘Oku ‘ikai ke hā he faka-Hepeluú pe ko e māhina fē. ‘iloange na‘e hoko ‘a e folofola ‘a Sihova kiate au, ‘o pehē, 18Hako‘i-tangata, fai ha tangilāulau ‘o e uōuōtu‘u ‘o ‘Isipite, pea ‘ohifo ia ki Lolofonua; ‘a ia mo e fānau fefine ‘o e ngaahi pule‘anga ongoongoa, ke nau fakataha mo e kakai ‘oku ‘alu hifo ki he luo. 19‘Oku ke hulu ‘ia hai ‘i he toulekeleka?
20‘Alu hifo, ‘o tokoto mo e kau ta‘ekamu na. Te nau tō ‘i he lotolotonga ‘o e kakai kuo mate ‘i he heletā: kuo tuku atu ‘a e heletā ki hē; toho pē ia mo hono uōuōtu‘u kotoa. 21Ko e kau mafi ‘o e kau helo ‘i loto Hētesi, mo hono kau tokoni, ‘oku nau talanoa ki ai, ‘o pehē,
Kuo nau ‘alu hifo,
‘Oku nau tokoto hena,
‘A e kau ta‘ekamu
Kuo tāmate‘i ‘aki ‘a e heletā.#32.21 Kuo… heletā: ‘Oku ‘ikai ke mahino ‘a hono faka-Hepelū ‘o e vēsí ni.
22‘Oku ‘i hena ‘a ‘Āsilia mo hono kaungā kau:
Ko honau ngaahi fa‘itoka ‘oku takatakai kiate ia:
Ko e kau tāmatea kotoa pē,
Ko e kau tō ‘i he heletā:
23‘A ia kuo tuku honau ngaahi fa‘itoka ki he tuliki ‘o e luo,
Pea ko hono kaungā kau ‘oku takatakai ki hono fonualoto;
Ko e kau tāmatea honau kotoa,
Ko e kau tō ‘i he heletā,
‘A e fa‘ahinga na‘a nau fakatupu ilifia ‘i he fonua ‘o e mo‘ui.
24‘Oku ‘i hena ‘a ‘Īlami,
Pea ko hono uōuōtu‘u kotoa ‘oku takatakai ki hono fonualoto:
Ko e kau tāmatea honau kotoa,
Ko e kau tō ‘i he heletā,
‘A ia kuo nau hifo ta‘ekamu ki Lolofonua,
‘A e fa‘ahinga na‘e tuku atu honau ngeia ki he fonua ‘o e mo‘ui;
Pea kuo nau ‘alu mo kinautolu ‘enau mā,
Fakataha mo ha‘a hifo ki he luo.
25Kuo nau tuku mo‘ona ha mohenga
‘I he lotolotonga ‘o e kau tāmatea,
Fakataha mo hono uōuōtu‘u kotoa:
Ko hono ngaahi fonualoto ‘oku takatakai ki ai,
Ko e kau ta‘ekamu honau kotoa,
Ko e kau mate ‘i he heletā.
He na‘e tuku atu honau ngeia ‘i he fonua ‘o e mo‘ui,
Pea ‘oku ‘alu mo kinautolu ‘enau mā,
Fakataha mo e ha‘a hifo ki he luo;
‘Oku toka ia ‘i he lotolotonga ‘o e kau tāmatea.
26‘Oku ‘i hena ‘a Mēseke mo Tūpale,
Mo hona uōuōtu‘u kotoa:
Ko hona ngaahi fa‘itoka ‘oku takatakai ki ai:
Ko e kau ta‘ekamu honau kotoa,
Ko e fa‘ahinga na‘e tāmate‘i ‘aki ‘a e heletā;
He na‘a nau tuku atu honau ngeia ‘i he fonua ‘o e mo‘ui.
27Kae ‘ikai te nau tokoto mo e kau helo
‘I he fa‘ahinga ta‘ekamu#32.27 ‘I… ta‘ekamu: Ko hono faka-Hepeluú ia, ka ‘oku pehē ‘i hono ngaahi hiki fuoloa ‘e ni‘ihi: ‘o ono‘aho. kuo tō?
‘A ia na‘a nau hifo mo kinautolu ki Hētesi ‘enau mahafu tau,
Pea kuo nau ‘olunga ‘aki ‘enau heletā,
Ko ia kuo hoko ‘enau kovi ki honau ‘anga‘anga:#32.27 Ko ia… ‘anga‘angá: ‘Oku ngali tonu ‘a hono hiki ‘o e faka-Hepeluú ‘o: mo kafu ‘aki honau paá.
He ko e manavahē‘anga kinautolu ‘o e kau helo
‘I he fonua ‘o e mo‘ui.
28Ko koe foki ‘e laiki ‘i he lotolotonga ‘o e kau ta‘ekamu,
Pea te ke tokoto mo e kakai kuo tāmate‘i ‘e he heletā.
29Kuo ‘i hena ‘a ‘Ītomi,
‘A hono ngaahi tu‘i mo hono hou‘eiki kotoa,
‘A ia neongo ‘enau to‘a,
Ka ‘oku fakataha kinautolu mo e kau mate ‘i he heletā:
‘Oku nau fetākoto‘i mo e kau ta‘ekamu,
Mo e ha‘a hifo ki he luo.
30Kuo ‘i hena ‘a e kau pule ‘o e tokelau,
Honau kotoa,
Mo e kau Saitoni,
Kuo ‘alu hifo ki he kau tāmatea;
Neongo ko e manavahē‘ia koe‘uhi ko ‘enau to‘a,
Ka ‘oku nau laea ‘eni,
Pea ‘oku nau tokoto ko e ta‘ekamu,
Fakataha mo e kau mate ‘i he heletā,
Pea ‘oku nau fua ‘enau mā,
Fakataha mo ha‘a hifo ki he luo.
31‘E sio kiate kinautolu ‘a Felo,
Pea te ne ma‘u ai ha nonga,
Koe‘uhi ko hono fu‘u uōuōtu‘u ‘o‘ona:
Ko e kau mate ‘i he heletā,
‘A Felo mo ‘ene fu‘u tau–
Ko ‘Ātonai Sihova ia mei he Ta‘ehāmai.
32He na‘a ku ngaohi ia ke ne fakatupu ilifia ‘i he fonua ‘o e mo‘ui:
Ko ia, ‘e fakatokoto ia ‘i he lotolotonga ‘o e kau ta‘ekamu,
Fakataha mo e kau mate ‘i he heletā:
‘Io, ‘a Felo mo hono uōuōtu‘u kotoa–
Ko ‘Ātonai Sihova ia mei he Ta‘ehāmai.
Currently Selected:
KO ‘ISIKELI 32: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
