KO ‘ISIKELI 15
15
Ko ha Talanoa Fakatātā ki he Vaine
1PEA hoko ‘a e folofola ‘a Sihova kiate au, ‘o pehē, 2Hako‘i-tangata, ‘oku hulu fēfē ‘a e ‘akau ko e vaine ‘i he ngaahi ‘akau kehekehe, ‘a e va‘a vaine na‘e huluni ‘i he ngaahi ‘akau ‘o e vao tātā? 3‘Oku to‘o mei ai koā ha va‘akau ke ngāue‘aki ki ha me‘a? pe ‘oku ma‘u mei ai ha fa‘o ke tautau ki ai ‘a e nāunau kehekehe? 4‘Ā, ‘oku tuku pē ki he afi ke keina. Kapau kuo keina ‘e he afi ‘a e ongo potu fakatou‘osi, pea kuo ‘ohua ‘a loto, ‘e ‘aonga ki ha ngāue? 5Vakai, ‘i he‘ene kei haohaoa na‘e ‘ikai ngāue‘aki ki ha me‘a, huanoa ha kei ngāue‘aki ka kuo keina ‘e he afi, pea kuo ‘ohua.
6Ko ia ko e folofola ‘eni ‘a ‘Ātonai Sihova: Hangē ko e ‘akau ko e vaine ‘oku huluni ‘i he ngaahi ‘akau ‘o e vao tātā, ‘a ia ‘oku te tuku ki he afi ke keina, ‘oku pehē ‘eku tuku ‘a e nofo Selusalema. 7Pea ‘oku ou ‘ai foki hoku mata kiate kinautolu: kuo nau ‘alu atu mei he afi, ka ‘e keina kinautolu ‘e he afi; pea te mou ‘ilo ko Sihova au, ‘oka u ka ‘ai hoku mata kiate kinautolu. 8Pea te u ngaohi ‘a e fonua ko e lala, koe‘uhi ko ‘enau ngāue kākā–ko ‘Ātonai Sihova ia mei he Ta‘ehāmai.
Currently Selected:
KO ‘ISIKELI 15: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
