KO ‘ISIKELI 14
14
Ko Hono Fakamāu‘i ‘e he ‘Otuá ‘a e Lotu ‘Aitolí
1PEA na‘e omi kiate au ha tu‘unga me‘a ‘i he mātu‘a ‘Isileli, ‘o nau nofo mai ‘i hoku ‘ao. 2Pea hoko ‘a e folofola ‘a Sihova kiate au, ‘o pehē. 3Hako‘i-tangata, ko e tu‘unga me‘a ni kuo nau tuku ‘enau ngaahi ‘aitoli ke ‘alu hake ‘i honau loto, pea kuo nau tuku ke fe‘ao mo kinautolu ‘a e tūkia‘anga ‘oku nau kovi ai: te u momo‘i tuku koā ke fai ha huhū kiate au ‘e kinautolu?
4Ko ia ke ke tala kiate kinautolu, mo ke pehē ki ai, Ko e folofola ‘eni ‘a ‘Ātonai Sihova, ‘Ilonga ha taha mei he fale ‘o ‘Isileli ‘oku ne tuku ‘ene ngaahi ‘aitoli ke hake ‘i hono loto, pea ‘oku ne ‘ai ‘a e tūkia‘anga ‘oku ne kovi ai ke fe‘ao mo ia, ka ne ha‘u ai pē ki he palōfita, ko au Sihova te u tali ia, ‘o fakatatau ki he me‘a ko ē, ‘a e lahi ‘o ‘ene ngaahi ‘aitoli. 5Koe‘uhi ke u puke ‘a e fale ‘o ‘Isileli ‘aki honau loto, he kuo nau mahu‘i meiate au kotoa pē ko e me‘a ‘i he‘enau ngaahi ‘aitoli.
6Ko ia, ke ke lea ki he fale ‘o ‘Isileli, ‘o pehē, Ko e folofola ‘eni ‘a ‘Ātonai Sihova; Liliu, pea tafoki mai mei ho‘omou ngaahi ‘aitoli, pea hanga mai mei ho‘omou ngaahi fu‘u fakalielia.
7He ‘ilonga ha taha ‘i he fale ‘o ‘Isileli, pe ko e muli ‘oku ‘āunofo ‘i ‘Isileli, kapau te ne sītu‘a kiate au, ‘o tuku ‘ene ngaahi ‘aitoli ke ake ‘i hono loto, mo ‘ai ‘a e tūkia‘anga ‘oku ne kovi ai ke fe‘ao mo ia, ka ne ha‘u ai pē ki he palōfita ke huhū kiate au; ko au Sihova te u tali ia ‘o taau mo au; 8pea te u ‘ai hoku mata ki he tangata ko ia, pea te u faka‘auha ia, ke ne hoko ko e taipe, mo e me‘a ke fakatokotokanaki ‘aki; ‘io, te u tu‘usi ia mei he lotolotonga ‘o hoku kakai; pea te mou ‘ilo ko Sihova au.
9Pea kapau ‘e fakaloto‘i ‘a e palōfita, ‘o ne fai ha lea, ko au Sihova kuo u fakaloto‘i ‘a e palōfita ko ia; pea te u mafao atu hoku nima ki ai, ke faka‘auha ia mei he lotolotonga ‘o hoku kakai ‘Isileli. 10‘Io, te nau fua ‘enau kovi: ‘e halaia tatau ‘a e palōfita mo ia ‘oku huhū. 11Koe‘uhi ā ke ‘oua na‘a toe hē meiate au ‘a e fale ‘o ‘Isileli, ‘o ‘oua te nau toe ‘uli‘i kinautolu ‘aki ‘enau ngaahi fu‘u angahala; ka nau nofo ko hoku kakai, ka u nofo au ko honau ‘Otua–ko ‘Ātonai Sihova ia mei he Ta‘ehāmai.
Ko Noa, mo Tāniela, mo Siope
12Pea hoko ‘a e folofola ‘a Sihova kiate au, ‘o pehē, 13Hako‘i-tangata, ka hia kiate au ha fonua he fai kākā, pea ‘oku ou hiki tā hoku nima ki ai ‘o maumau‘i hono falala‘anga me‘akai, mo fekau ki ai ha honge, ‘O tu‘usi mei ai ‘a e tangata mo e manu; 14pea neongo ‘oku ‘i ai ‘a e tu‘unga me‘a ‘e toko tolu na, ‘a Noa, Tāniela, mo Siope,#14.14 Tāniela; pe Tānela, ko e mo‘unga‘i tangata na‘e ‘iloa ko ‘ene mo‘ui mā‘oni‘oni. te nau fakahaofi ‘aki ‘enau faitotonu ‘a e mo‘ui ‘anautolu pē–ko ‘Ātonai Sihova ia mei he Ta‘ehāmai.
15Kapau te u fakalaka mai ‘a e manu kovi ki ha fonua, ‘a ia ‘oku nau ngaohi ia ke ta‘eha fānau, pea ‘e hoko ko e lala, ‘o ‘ikai laka ai ha ni‘ihi telia ‘a e fanga manu; 16ka ne ‘i ai ‘a e tu‘unga me‘a ‘e toko tolu na, tangi ‘eku mo‘ui–ko ‘Ātonai Sihova ia mei he Ta‘ehāmai–ha‘anau fakahaofi ha fānau tangata pe fānau fefine; ko kinautolu pē ‘e fakamo‘ui, pea ‘e hoko ‘a e fonua ko e lala.
17Pea kapau te u ‘omi ‘a e heletā ki he fonua ko ia, pea u fekau, Heletā, ‘asi atu ‘i he fonua, ‘o u tu‘usi mei ai ‘a e tangata mo e manu; 18ka ne ‘i ai ‘a e tu‘unga me‘a ‘e toko tolu na, tangi ‘eku mo‘ui–ko ‘Ātonai Sihova ia mei he Ta‘ehāmai–‘e ‘ikai te nau fakahaofi ha fānau tangata pe fānau fefine, ka ko kinautolu mālō pē ‘e fakamo‘ui.
19Pea kapau te u fekau ‘a e mahaki faka‘auha ki he fonua ko ia, ‘o u huhua ‘eku kakaha ki ai ‘i he lingi toto, ke tu‘usi mei ai ‘a e tangata mo e manu: 20pea ‘oku ‘i ai ‘a Noa, Tāniela, mo Siope, tangi ‘eku mo‘ui–ko ‘Ātonai Sihova ia mei he Ta‘ehāmai–ha‘anau fakahaofi ha tamasi‘i pe ha ta‘ahine: te nau lava ke fakahaofi ‘a e mo‘ui ‘anautolu pē ‘aki ‘enau mā‘oni‘oni.
21He ko e folofola ‘eni ‘a ‘Ātonai Sihova: Huanoa ‘oka u ka fekau atu ‘a e faa‘i tautea ko eni ki Selusalema–‘a e heletā, mo e honge, mo e manu kovi, mo e mahaki faka‘auha–ke tu‘usi mei ai ‘a e tangata mo e manu.#Fkhā 6.8 22Kae vakai, ‘e ai ha toenga ‘i ai ‘e hao, ‘o ‘omi ki tu‘a, ko e fānau tangata mo e fānau fefine. Vakai, te nau ‘alu ki tu‘a kiate kimoutolu, pea te mou sio ki honau ‘alunga, pea mo ‘enau ngaahi fai anga, pea te mou ma‘u ai ha nonga ‘i ho‘omou tokanga ki he kovi kuo u ‘omi ki Selusalema, ‘io, ‘a e fu‘u me‘a kuo u ‘omi ki ai. 23‘Io, te mou ma‘u ha nonga meiate kinautolu, ka mou ka sio ki honau ‘alunga, mo ‘enau fai anga: pea te mou ‘ilo ne ‘ikai te u fai tu‘unga‘a pē ‘a e fu‘u me‘a kuo u fai ki ai–ko ‘Ātonai Sihova ia mei he Ta‘ehāmai.
Currently Selected:
KO ‘ISIKELI 14: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
