KO TEUTALŌNOME 17
17
1‘E ‘ikai te ke feilaulau ‘aki kia Sihova ko ho ‘Otua ha pulu pe ha sipi ‘oku ‘i ai hano ‘ila, ha me‘a pē ‘oku kovi: he ko e me‘a fakalielia ia kia Sihova ko ho ‘Otua.
2Kapau ‘e ‘ilo ‘i ho lotolotonga, ‘i ha taha ‘o e ngaahi kolo ‘oku ‘atu kiate koe ‘e Sihova ko ho ‘Otua, ha tangata pe fefine ‘oku ne fai ‘a e me‘a ‘oku kovi ‘i he ‘ao ‘o Sihova ko ho ‘Otua, he‘ene maumau‘i ‘ene fuakava. 3‘O ‘alu ‘o tauhi ‘otua kehe, ‘o punou ki ai, pe ki he la‘ā, pe ki he māhina, pe ki he hōsitē kotoa ‘o langi, ‘a ia ko e me‘a na‘e ‘ikai te u tu‘utu‘uni;#‘Eki 22.20 4pea ‘e fakapā kiate koe, pea ke fanongo ki ai, pea te ke ‘eke ke mahu‘ingamālie, pea ka ‘iloange ‘oku mo‘oni, pea pau ‘a e me‘a, ‘a e fai ‘a e fakalielia ko ia ‘i ‘Isileli: 5pea te ke ‘omi ‘a e tangata ko ia, pe ko e fefine ko ia kuo ne fai ‘a e kovi ko ē, ‘io, te ke ‘omi ‘a e tangata pe ko e fefine ki ho‘o matanikolo; pea te ke tolomaka kinautolu ke nau pekia. 6‘I he fakamo‘oni ‘a ha toko ua pe toko tolu ‘e mate ‘a ia ‘e tāmate‘i; ‘e ‘ikai tāmate‘i ‘i he fakamo‘oni ‘a ha toko taha pē.#Nōm 35.30; Teu 19.15; Māt 18.16; 2 Kol 13.1; 1 Tīm 5.19; Hep 10.28 7Ko e nima ‘o e kau fakamo‘oni ‘e fuofua ala kiate ia, pea hili ia ‘e ala ‘a e kakai kotoa. Ko ia te ke ‘ave ai ‘a e kovi mei ho lotolotonga.#1 Kol 5.13
8Ka hoko ha me‘a ‘oku faingata‘a fau kiate koe hano fakamāu‘i, ha fakapō, ko e fakamaau ha tangi, ko e fakamaau ha tā, ko e alā me‘a ‘oku ‘eke ‘i ho‘o ngaahi matanikolo; pea te ke tu‘u ‘o ‘alu hake ki he potu ‘e fili ki ai ‘e Sihova ko ho ‘Otua; 9pea te ke hoko ki he kau Līvai taula‘eiki, mo e fakamaau ‘oku nofo ‘i he taimi ko ia; pea te ke huhū ki ai; pea te nau fakahā ‘a e lea ‘o e fakamaau. 10Pea te ke fai ‘o fakatatau ki he me‘a te nau fakahā kiate koe mei he potu kuo fili ki ai ‘e Sihova; pea te ke tokanga ke fai ‘o tatau mātē mo e me‘a te nau ako kiate koe: 11te ke fai ‘o fakatatau ki he lao te nau ako atu, mo e fakamaau te nau tala: ‘e ‘ikai te ke afe mei he tu‘utu‘uni te nau fakahā kiate koe, ki he to‘omata‘u pe ki he to‘ohema. 12Pea ko e tangata ‘oku fai fielahi, ‘o ‘ikai te ne fakaongo ki he taula‘eiki ‘oku tu‘u hena ke tauhi kia Sihova ko ho ‘Otua, pe ki he fakamaau, ‘e mate ‘a e tangata ko ia: pea te ke ‘ave ‘a e kovi mei ‘Isileli, 13pea ‘e fanongo ki ai ‘a e kakai kotoa, pea te nau manavahē, ‘o ‘ikai te nau toe fielahi.
Ko e ngaahi Tu‘utu‘uni ‘o Kau ki he Tu‘unga Tu‘í
14Ka kuo ke ha‘u ki he fonua ‘oku foaki kiate koe ‘e Sihova ko ho ‘Otua, ‘o ke ma‘u ia, mo nofo ai; pea ke pehē, Ka u fokotu‘u haku tu‘i, ‘o hangē ko e ngaahi kakai ‘oku nofo takatakai; 15kaekehe ko e Toko Taha te ke fokotu‘u ‘a ia ‘e fili ki ai ‘e Sihova ko ho ‘Otua: ko e taha mei ho kāinga te ke fokotu‘u ke tu‘i kiate koe: ‘e ‘ikai ngofua ha‘o tuku ke pule kiate koe ha fa‘ahinga kehe, ‘a ia ‘oku ‘ikai ko ho kāinga. 16Ka ko ‘eni pē, ‘e ‘ikai te ne fakalahi ‘ene fanga hoosi, pea ‘e ‘ikai te ne fakafoki ‘a e kakai ki ‘Isipite koe‘uhi ke tokolahi ‘ene fanga hoosi:#17.16 ke… hoosi; pe ke fakatau‘aki ha fanga hoosi. he kuo folofola ‘a e ‘Eiki kiate kimoutolu, ‘E ‘ikai te mou toe foki ‘i he hala ko ē.#1 Tu‘i 10.28; 2 Kal 1.16; 9.28 17Pea ‘e ‘ikai te ne ma‘u ‘unoho tokolahi, ke ‘oua na‘a afe hono loto: pea ‘e ‘ikai te ne ha‘aki fakalahi ‘ene siliva mo koula.#1 Tu‘i 10.14-22,27; 11.1-8; 2 Kal 1.15; 9.27 18Pea ka faifai pea ne nofo ‘i he taloni ‘o hono pule‘anga, te ne hiki ‘a e tatau ‘o e lao ni mei he tohi ‘oku ‘i he ‘ao ‘o e kau Līvai taula‘eiki: 19pea te ne fe‘ao mo ia, pea te ne lau ai ‘i he ngaahi ‘aho kotoa ‘o ‘ene mo‘ui: koe‘uhi ke ne ako ke ‘apasia kia Sihova ko hono ‘Otua, ke tauhi ‘a e ngaahi lea kotoa ‘o e lao ni mo konisitūtone ke fai ki ai: 20ke ‘oua na‘a hiki hono loto, ‘o ne ta‘etoka‘i hono kāinga, pea ke ‘oua te ne afe mei he tu‘utu‘uni ki to‘omata‘u pe to‘ohema; koe‘uhiā ke ne fakalahi hono ngaahi ‘aho ‘i hono pule‘anga, ‘e ia mo ‘ene fānau, ‘i he lotolotonga ‘o ‘Isileli,
Currently Selected:
KO TEUTALŌNOME 17: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
