Tīmoté 2 Ko e Talateu
Ko e Talateu
Ko e konga lahi ‘o e Tohi Hono Ua ‘a Paula Kia Tīmoté ko ‘ene ngaahi akonaki fakahangatonu kia Tīmote ‘i hono tu‘unga ko e kaunga ngāue kei si‘i ange ‘ia Paula pea ko hono tokoni. Ko e tefito‘i kaveingá ko e fa‘a kātaki. Na‘e fale‘i mo fakalotolahi‘i ‘e Paula ‘a Tīmote ke ne tu‘u ma‘u ai pē ‘i he‘ene malanga‘i ‘a Sīsū Kalaisí, ke ne pipiki ai pē ki he akonaki mo‘oni ‘o e Ongoongoleleí mo e Fuakava Motu‘á, mo fai hono fatongia fakafaiakó mo faka‘evangelioó, neongo ‘ene fehangahangai mo e ngaahi faingata‘a mo e ngaahi fakafepaki.
Na‘e fakatokanga makehe ‘a Paula kia Tīmote ‘i he fakatu‘utāmaki ki ai ha‘ane ‘efihia ‘i he “fa‘a ‘eke me‘a, ‘a ia ko e koto launoa pea ‘ikai ha poto ‘i ai” (2.23), ‘a ia ‘oku ‘ikai ma‘u ai ha lelei, ka ‘oku holoki hifo ai ‘a e mo‘ui ‘a e kakai ‘oku fanongo ki aí.
Na‘e fakamanatu ange ai pē ‘e Paula kia Tīmote ‘a e sīpinga mo‘ui mo e taumu‘a ‘a Paulá: ko ‘ene tuí, ‘ofa, fakama‘uma‘u, mo ‘ene fa‘a kātaki ‘i he fakatanga.
Ko e Kakano ‘o e Tohí
Ko e Talateu (1.1-2)
Ko e fakamālō mo e akonaki (1.3–2.13)
Ko e fale‘i mo e fakatokanga (2.14–4.5)
Ko e anga ‘o e mo‘ui ‘a Paulá (4.6-18)
Ko e tātuku (4.19-22)
Currently Selected:
Tīmoté 2 Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.