Tīmoté 2 4
4
1KO E ‘Otua ē, mo Kalaisi Sīsū, ‘a ia ‘oku ne ene ke fakamaau ‘a e mo‘ui mo e pekia–‘io, ‘oku ou na‘ina‘i ‘aki foki ‘ene hā mai, pea ‘aki hono pule‘anga– 2ke ke malanga‘aki ‘a e folofola, fa‘a fai pē ‘i he faingamālie mo e ‘ikai ha faingamālie, faka‘ilo hala, valoki, enginaki ‘i he anga kātaki ‘aupito, pea ‘aki ‘a e fa‘ahinga ako kehekehe. 3Koe‘uhi ‘e faifai pea hoko ha kuonga, ‘a ia ‘e ‘ikai te nau kātaki ai ‘a e tokāteline haohaoa; ka te nau fokotu‘uniu hanau kau akonaki, ‘o fakatatau ki he ngaahi holi ‘anautolu, he veli honau telinga: 4pea te nau le‘ei honau telinga mei he mo‘oni, ka nau tafoki ki he ngaahi talatupu‘a. 5Ka ko koe, ke ke faka‘ehi‘ehi mei he konā ‘i he me‘a kotoa pē; kātaki e ngaohikovia, fai ‘a e ngāue faka‘evangeliō, fai hono kotoa ‘o ho lakanga.
6He ko e me‘a kia au kuo kamata lilingi hoku toto ko e kava ‘o e feilaulau; pea ‘oku tu‘unuku mai ‘a e taimi ‘o ‘eku hiki. 7Kuo u tau ‘a e tau lelei, kuo u lava‘i ‘a e fakapuepue, kuo u tauhi mai ‘a e tui totonu.#4.7 tauhi… totonú; pe tauhi ‘eku leá. 8Hili ‘eni kuo tuku tauhi ma‘aku ‘a e pale ‘o e mā‘oni‘oni, ‘a ia ‘e toki ‘omi kiate au ‘i he ‘aho ko ē ‘e he ‘Eiki ko e Fakamaau totonu; ‘o ‘ikai kiate au pē, ka kiate kinautolu kotoa pē foki kuo ‘ofa ki ha‘ane hā mai.
9Ke ke feinga ke ha‘u vave kiate au: 10he kuo li‘aki au ‘e Tīmasi, he‘ene ‘ofa ki he maama ko eni; pea kuo ne ‘alu ia ki Tesalonaika, mo Kilisiki ki Kalētia, mo Taitusi ki Talamati.#Kol 4.14; Filim 24; 2 Kol 8.23; Kal 2.3; Tait 1.4 11Ko Luke pē toko taha ‘oku ‘iate au. Fakaheka ‘a Ma‘ake ‘o mo omi mo koe: he ‘oku ne ‘aonga kiate au ke tokoni ‘i he Ngāue.#Kol 4.14; Filim 24; Ngā 12.12,25; 13.13; 15.37-39; Kol 4.10 12Ka ko Tikiko, na‘a ku fekau ia ki ‘Efesō. 13Ke ke ha‘u mo koe ‘a e pulupulu na‘a ku tuku ‘ia Ka‘apo ‘i Taloasi; pea mo e ngaahi tohi, kae‘uma‘ā ‘a e ngaahi tohi kili‘i manu.#Ngā 20.6
14Ko ‘Ālekisānita, ko e tuki ukamea, na‘e lahi ‘a e kovi na‘a ne fai kiate au: ‘e totongi ‘e he ‘Eiki kiate ia ‘o hangē ko ‘ene ngaahi ngāue.#1 Tīm 1.20; Saame 62.12; Lom 2.6 15Ke ke vakavakai foki ‘e koe ki he toko taha ko ia, he na‘e lahi ‘ene tau‘i ‘emau ngaahi lea.
16‘I he‘eku fuofua fakamatala na‘e ‘ikai ha toko taha ‘e poupou au, ka ka li‘aki au ‘e kinautolu kotoa pē: ‘ofa ke ‘oua na‘a lau ia kiate kinautolu. 17Ka ko e ‘Eiki, na‘a ne ofi mai, mo ne fakamālohi‘i hoku loto, koe‘uhi ke kakato ‘iate au ‘a e tala ‘o e Kōsipeli, pea fanongo ki ai ‘a e Senitaile kātoa: pea na‘e hamusi au mei he ngutu ‘o e laione. 18‘Io, ‘e hamusi au ‘e he ‘Eiki mei he ngāue kovi kotoa pē, pea te ne fakamo‘ui au, ‘o a‘u ki he‘ene fakahū au ki hono pule‘anga fakalangi–ke ‘o ‘Ene ‘Afio ‘a e kolōlia ‘o lauikuonga pea ta‘engata. ‘Ēmeni.
19Tala hoku ofa kia Pisa#4.19 Ko e ‘ai fakanounou ia ‘o e Pīsilá. mo ‘Akuila, pea mo e fāmili ‘o ‘Onesifolo.#Ngā 18.2; 2 Tīm 1.16-17 20Ko ‘Elasito, na‘a ne nofo ‘i Kolinitō; ka na‘a ku tuku ‘a Talofima ‘i Mileto ‘oku mahaki. 21Feinga pē ke ke ha‘u ‘i he te‘eki ke hoko ‘a e momoko.
‘Oku ‘ofa atu ‘a ‘Iupulo, mo Piutena, mo Laino, mo Kalōtia, pea mo e kāinga kotoa pē.
22‘Ofa ke ‘i ho laumālie ‘a e ‘Eiki.
‘Ofa ke ‘iate kimoutolu ‘a e kelesi.
Currently Selected:
Tīmoté 2 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
