Kolinitō 2 Ko e Talateu
Ko e Talateu
Na‘e fe‘unga hono fa‘u ‘e Paula ‘ene Tohi Hono Ua Ki he Kakai Kolinitoó mo ha tu‘unga faingata‘a ‘i hono vā ‘o‘ona mo e siasi ‘i Kolinitoó. Na‘e fai nai ha ngaahi lau kovi ‘a e kau mēmipa ‘o e siasí kia Paula, ka ‘oku hā ‘i he‘ene tohí ni ‘a ‘ene faka‘amu lahi ke fakalelei mo kinautolu, pea mo ‘ene fiefia lahi ‘i he faifai pea nau lava ‘o fakaleleí.
Ko e ‘uluaki konga ‘o e tohí ko e fakamatala ‘a Paula ki he anga ‘o ‘ene feangainga mo e siasi ‘i Kolinitoó, ‘o ne fakamahino ‘a e tupu‘anga ‘o ‘ene tali ta‘etoeafe ki hono lau‘ikovi‘i mo fakafepaki‘i ‘i he siasí, peá ne fakahā ai pē ‘ene fiefia ‘i he iku ‘ene talí ki he‘enau fakatomala mo fakalelei mo ia. Na‘á ne kole leva ki he siasí ke nau fai ha tokoni nima fola ma‘á e kakai Kalisitiane masiva ‘i Siuteá. ‘I he ngaahi vahe kimuí ‘o ‘ene tohí ni ‘oku taukapo‘i ‘e Paula hono tu‘unga ‘apositoló, ‘a ia na‘e fehu‘ia ‘e ha ni‘ihi ‘i Kolinitō na‘a nau tala ko e kau ‘apositolo mo‘oni kinautolu, kae tukuaki‘i ‘a Paula tokua ko e ‘apositolo loi ia.
Ko e Kakano ‘o e Tohí
Ko e Talateu (1.1-11)
Ko Paula mo e siasi ‘i Kolinitoó (1.12–7.16)
Ko e me‘a‘ofa ma‘á e kau Kalisitiane ‘i Siutea (8.1–9.15)
Ko hono taukapo‘i ‘e Paula hono mafai faka‘aposetoló (10.1–13.10)
Ko e tātuku (13.11-14)
Currently Selected:
Kolinitō 2 Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.