Kolinitō 2 1
1
1TŪ ko kimaua–‘a Paula ko e ‘Aposetolo ‘a Sīsū Kalaisi ‘i he tu‘utu‘uni ‘a e ‘Otua, mo si‘i kāinga ko Tīmote#Ngā 18.1 –ko ‘ema tohi ki he siasi ‘a e ‘Otua ‘oku ‘i Kolinitō, mo e kau lotu kotoa pē ‘oku ‘i ‘Akeia kātoa.
2‘Ofa ke mou ma‘u kelesi mo e fiemālie, mei he ‘Otua, ko ‘etau Tamai mo e ‘Eiki ko Sīsū Kalaisi.
Ko e Fakafeta‘i ‘a Paula ki he ‘Otuá
3Ha taha ā ke fakamālō‘ia pe ko e ‘Otua mo Tamai ‘a hotau ‘Eiki ko Sīsū Kalaisi! ‘a ia ko e Tamai ‘a e fai manava‘ofa, mo e ‘Otua ‘oku ‘a‘ana ‘a e tokoni kotoa pē; 4‘a ia ‘oku ne tokoni kimautolu ‘i he‘emau tu‘utāmaki kotoa pē, koe‘uhi ke mau lava ai ke tokoni‘i ‘a kinautolu ‘oku ‘i he tu‘utāmaki kehekehe, ‘aki ‘a e tokoni ‘oku tokoni ‘aki kimautolu ‘e he ‘Otua. 5He hangē ‘oku mahua mai ‘a e ngaahi mamahi ‘a Kalaisi kiate kimautolu; pehē ko e me‘a ‘ia Kalaisi ‘oku mahua mo homau tokoni‘i. 6Ka neongo ko ha tu‘utāmaki ‘oku tō mai, ka ko e fai pē koe‘uhi ko homou tokoni‘i, mo homou fakamo‘ui; pea ka ko ha tokoni ‘oku tō mai, ko e fai ai pē koe‘uhi ko homou tokoni‘i–‘a ē ko ‘ene ngāue ‘a ho‘omou ‘ūkuma ‘a e ngaahi mamahi ‘oku mou mo‘ua tatau ai mo kimautolu. 7Pea ‘oku ‘ikai tālakitu‘a ‘emau ‘amanaki ‘iate kimoutolu; ko ‘emau ‘ilo, hangē ‘oku tau kaungā mamahi, pehē foki ‘oku tau kaungā tokoni‘i.
8He ‘oku ‘ikai te mau loto ke mou ta‘e‘ilo, kāinga, ki he tu‘utāmaki na‘e hoko kiate kimautolu ‘i ‘Ēsia; he‘emau mātu‘aki mafasia ai, ‘o ‘ikai mei lava ke tali, ko ia na‘e mole ‘aupito ‘emau ‘amanaki ki he mo‘ui.#1 Kol 15.32 9‘Io, na‘a mau ongona kuo tonu ‘a kimautolu ki he mate: koe‘uhi ke ‘oua na‘a mau falala kiate kimautolu, ka ki he ‘Otua ‘a ia ‘oku ne fokotu‘u ‘a e pekia. 10Pea ko ia ia na‘a ne hamusi kimautolu mei he fu‘u mate‘anga#1.10 mate‘anga; ‘Oku pehē ‘i hono ngaahi hiki fuoloa ‘e ni‘ihi: mate. ko ia na‘e pehē fau, pea te ne hamusi: ‘io, ‘oku mau falala kiate ia te ne fai ai pē ‘ene hamusi. 11Kehe ke mou kau ai foki, ‘o tu‘otu‘a ‘i he fai homau lotua: koe‘uhi ā ke hoko ‘i he hū ‘a e tokolahi ‘a homau ‘ofeina, kae fai ‘e ha tokolahi ‘a e fakafeta‘i koe‘uhi ko kimautolu.
Ko e Liliu ‘e Paula ‘ene Fokotu‘utu‘ú
12He ko ‘emau pōlepole ‘a ‘eni, ko e fakapapau ‘e homau konisēnisi, ko ‘emau fakafeangai ki māmani, kae‘uma‘ā kiate kimoutolu, na‘e ‘i he mā‘oni‘oni#1.12 mā‘oni‘oni; ‘Oku pehē ‘i hono ngaahi hiki fuoloa ‘e ni‘ihi: loto tau‘atāina. faka‘otua, mo e loto hangataha, ‘o ‘ikai tu‘u ‘i he poto fakakakano, ka ‘i he kelesi ‘a e ‘Otua. 13He tala‘ehai ‘oku mau tohi atu ha me‘a kehe, ka ko ena pē ‘oku mou lau, ‘io mo ongo‘i foki ko e mo‘oni; pea ‘oku te falala te mou ongo‘i kimautolu ‘o a‘u ki he ngata‘anga; 14(‘o hangē foki ne fai ‘e homou ni‘ihi) ‘o pehē, ko homou pōlepole‘anga kimautolu, ‘o hangē ko homau pōlepole‘anga kimoutolu ‘i he ‘Aho ‘o hotau ‘Eiki ko Sīsū.
15Pea ‘i he‘eku falala pehē, na‘a ku loto ke fuofua ‘alu kiate kimoutolu, koe‘uhi ke mou ma‘u tu‘o ua ha kelesi; 16ka u fou atu ‘iate kimoutolu ki Masitōnia, ‘o u toe ha‘u mei Masitōnia kiate kimoutolu, kae ‘amoutolu hoku moimoi‘i ki Siutea.#Ngā 19.21 17Pea ‘i he‘eku loto pehē, na‘a ku va‘inga‘aki koā? pe ko ‘eku ngaahi tu‘utu‘uni ‘oku fokotu‘u fakaemāmani koā, koe‘uhi ke fai ‘a e ‘Io, ‘Io, mo e ‘Ikai ‘Ikai, ‘ō? 18Ka ko e ‘Otua ‘oku mo‘oni! ‘oku ‘ikai ko e ‘Io pea ‘Ikai ‘a ‘emau ngaahi akonaki ‘oku fai atu. 19He ko e ‘Alo ‘o e ‘Otua–‘a Kalaisi Sīsū, ‘a ia na‘e malanga‘aki ‘i homou ha‘oha‘onga ‘e kimautolu, ‘e au mo Silivenusi mo Tīmote, –tala‘ehai ne hoko ia ko e ‘Io pea ‘Ikai; kaekehe kuo ne hoko ko e ‘Io ‘iate ia.#Ngā 18.5 20He neongo pe ‘oku fiha ‘a e ngaahi tala‘ofa ‘a e ‘Otua, ka ‘oku tu‘u kotoa pē ‘iate ia hono ‘Io; ko ia ‘oku fou ‘iate ia foki hono ‘Ēmeni; ke ai ha ongoongolelei ‘e hoko ki he ‘Otua ‘iate kimautolu. 21Pea ko eni, ko ia ‘oku ne vilitaki ai pē ‘a kimautolu mo kimoutolu ke tau taha mo ‘ene Pani, pea ne pani foki kitautolu, ko e ‘Otua ia: 22‘a ia foki na‘a ne sila‘i kitautolu, pea ne ‘omi, ‘a e me‘a faka‘amanaki, ko e Laumālie ‘i hotau loto.
Currently Selected:
Kolinitō 2 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
