Kolinitō 2 10
10
Ko e Fai Fatongia ‘a Paula Ma‘a Kalaisí
1PEA ko eni, ko au Paula ‘oku ou kole atu ‘aki ‘a e fa‘a kātaki mo e fakaalaala ‘a Kalaisi: ‘a kita ‘oku te hā ‘i tu‘a ko e feifei‘avale ‘i he‘ete ‘iate kimoutolu, ka ‘i he‘ete toki mama‘o tokua, pea ngali to‘a ‘ete fai atu; 2‘io, ko au ia ‘oku ou hū atu, ke ‘oua na‘a ai ha‘aku ngali to‘a foki ‘i he‘eku ‘i ai, he‘eku tu‘unganaki hoku lakanga; ‘a ia ‘oku ou pehē ke ‘ahi‘ahi ai ha me‘a ki ha ni‘ihi, ‘a kinautolu ‘oku nau pehē ‘oku mau fou fakaekakano pē. 3Seuke! Neongo ‘oku mau fou ‘i he kakano, tala‘ehai ‘oku fakaekakano ‘emau fai tau. 4He ko e mahafu ‘o e tau ‘oku mau fai, ‘oku ‘ikai ko e koto kakano, ka ko e mahafu kuo olo‘i ‘e he ‘Otua mo‘o holoki ‘o e ngaahi kolotau. 5‘O mau holoki ‘aki ‘a e ngaahi fakakaukau, mo e mā‘olunga kotoa pē ‘oku fokotu‘u ke ta‘ofi ‘a e ‘ilo ki he ‘Otua; pea mau taki pōpula ‘a e feinga kotoa pē ‘a e loto ke fakavaivai kia Kalaisi: 6‘o mau tali teu ke toki tautea ‘a e talangata‘a kotoa pē, ‘oka kakato ho‘omou fakavaivai.
7‘Oku mou tokanga pē koā ki he me‘a ‘oku hā ‘i tu‘a? Ka ai ha taha ‘oku ne falala ko e toko taha ia ‘o Kalaisi, ‘ē, ke ne toe fakakaukau‘i ‘a e me‘a ‘e ia, ‘o ‘ilo ‘a e me‘a ni: neongo pe ko e hā ‘ene kaunga ‘a‘ana kia Kalaisi, ka ‘oku mau tatau ai foki. 8Seuke, tala‘ehai ‘e lava haku fakamaa‘i, ‘o kapau ‘e toe taha atu ‘eku pōlepole ‘i he pule kuo tuku ‘e he ‘Eiki kiate kimautolu: (‘a ia na‘e tuku mai mo‘omou langa hake, ‘o ‘ikai mo‘omou holoki): 9ka telia na‘a hangē ko ha‘ate fie fakamana‘i kimoutolu ‘aki ‘ete ngaahi ‘ipiseli. 10He ‘oku lau tokua, Ko ‘ene ngaahi ‘ipiseli ‘oku mamafa mo kaukaua; ka ko e fotu mai ‘o hono sino ‘oku masivesiva, pea ko ene lea ‘oku pasī pē. 11‘Ē, ke fakakaukau mu‘a ‘e he toko taha lau pehē, ‘o ne ‘ilo ‘a e me‘a ni, ko ‘emau ngaahi ‘ulungālau ‘i he‘emau ngaahi ‘ipiseli ‘oka mama‘o, ko ‘emau ngaahi ‘ulungāngāue ai pē ia ‘oka mau ka ‘i ai.
12He ‘oku ‘ikai te mau fa‘a pehē, kuo mau a‘usia ha ni‘ihi ‘i he fa‘ahinga na ‘oku sani kinautolu, pe te mau fa‘a fakatatau kimautolu ki ai: ka ‘oku ‘ikai te nau ngali poto, he‘enau fua kinautolu ‘aki kinautolu, mo ‘enau fakatatau kinautolu mo kinautolu. 13Ka ko kimautolu ‘e ‘ikai te mau pōlepole ta‘eha kau‘ā; ka ko hono kau‘ā ko e ngafa na‘e vahe mai ‘e he ‘Otua, ‘a ia na‘e pehē ke mātu‘aki a‘u kiate kimoutolu. 14He tala‘ehai ko ‘emau toloaki ‘eni homau kau‘ā, ‘o hangē ‘oku ‘ikai te mau a‘u atu; he na‘e mātu‘aki a‘u kiate kimautolu ‘enau ongoongo ‘a e Kōsipeli ‘o Kalaisi. 15Pea neongo ‘oku ‘ikai kau ‘eni ‘emau pōlepole ki he tu‘a kau‘ā, ‘o fai ‘i he fua ‘o e ongosia ‘a e kakai kehe; ka ‘oku ma‘u ‘emau ‘amanaki, ka mou ka tupulekina ‘i he lotu, pea ‘e toki fakalahi meiate kimoutolu, (ka ‘i homau ngafa pē ‘omautolu) 16‘o mau totolo atu ki he ngaahi feitu‘u ki kō atu, ke malanga‘aki ‘a e Kōsipeli; ‘o ‘ikai ‘i he ngafa ‘o ha taha kehe ke mau pōlepole ‘i he ngaahi me‘a ne ‘osi teu.
17Ka ko ia ‘oku pōlepole, ke tu‘unga ‘ene pōlepole mei he ‘Eiki:#Sel 9.24 18he tala‘ehai ko e mālō ia ‘a ia ‘oku ne sani ia ‘e ia, ka ko ia ‘oku sani ‘e he ‘Eiki.
Currently Selected:
Kolinitō 2 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
