Tīmoté 1 Ko e Talateu
Ko e Talateu
Ko Tīmoté ko ha toki Kalisitiane mei ‘Ēsia Minu, ko e tama na‘e fa‘ē Siu kae tamai Kalisi. Na‘á ne hoko ko ha kaume‘a mo e tokoni kia Paula ‘i he‘ene ngāue fakamisinalé. Ko e ‘Uluaki Tohi ‘a Paula Kia Tīmoté ‘oku tokanga ia ki he ngaahi me‘a ‘e tolu.
‘Oku fuofua tokanga ‘a e tohí ki he akonaki hala ‘i he siasí. Ko e akonaki ko ‘ení ‘oku fio ai ‘a e ngaahi fakakaukau faka-Siu mo e ngaahi fakakaukau na‘e ‘ikai faka-Siu. Na‘e tefito ia ‘i he tui ko e māmani matelié ‘oku kovi, pea ‘e toki lava ke fakamo‘ui ha taha ‘i ha‘ane a‘usia ha ‘ilo fakalilolilo pea mo ne mali. Ko e tohí ‘oku toe ‘i ai ‘a e ngaahi fakamatala ‘o kau ki hono pule‘i ‘o e siasí mo hono ngaahi ouaú, fakataha mo e fakamatala ki he fa‘ahinga tu‘unga mo‘ui kuo pau ke ma‘u ‘e he kau takí mo honau kau tokoní. ‘I hono konga faka‘osí ‘oku fai ai ‘a e fakahinohino ‘o Tīmote ki he founga te ne hoko ai ko ha tamaio‘eiki lelei ‘a Sīsū Kalaisi, mo e ngaahi fatongia ke ne fakahoko ki he ngaahi fa‘ahinga kakai tui kehekehe.
Ko e Kakano ‘o e Tohí
Ko e Talateu (1.1-2)
Ko e Ngaahi Fakamatala ‘o kau ki he Siasí mo hono kau ma‘u lakangá (1.3–3.16)
Ko e Ngaahi akonaki kia Tīmote ‘o fekau‘aki mo ‘ene ngāué (4.1–6.21)
Currently Selected:
Tīmoté 1 Ko e Talateu: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.