KO 1 SĀMIUELA 20
20
Ko Hono Tokoni‘i ‘o Tēvita ‘e Sonatane
1ola ‘a Tēvita mei he Ako ‘i Lama, ‘o ne ‘alu ‘o lea ‘i he ‘ao ‘o Sonatane, Ko e hā kuo u fai? ko e hā ‘eku kovi? Pea ko e hā ‘eku hia ‘i he ‘ao ‘o ho‘o ‘eiki ke ne tuli ai ki he‘eku mo‘ui?
2Pea tali ‘e ia, Molekemama‘o: ‘e ‘ikai te ke mate. Vakai, ‘oku ‘ikai ke fai ‘e he‘eku tamai ha me‘a lahi pe si‘i, ‘o ‘ikai fafana kiate au: Pea ko e pehē ke ne fufū ‘a e me‘a ni meiate au, ko e hā? ‘Oku ‘ikai ke pehē.
3Ka ka toe fuakava ‘e Tēvita,#20.3 fuakava; Ko hono faka-Hepeluú ia, ka ‘oku pehē he hiki fuoloa ‘e taha: tali. ‘o ne pehē, ‘Oku ‘ilo kānokano ‘e ho‘o ‘eiki kuo u ‘ofeina ‘i ho ‘ao; pea kuo ne pehē, Ke ‘oua na‘a ‘ilo eni ‘e Sonatane, na‘a ne mamahi: ka ka tangi mo‘oni ‘a e ‘Eiki, pea tangi mo‘oni ho‘o mo‘ui, ko e laka pē taha ‘oku ‘i hoku vaha‘a mo e mate.
4Pea tali ‘e Sonatane kia Tēvita, Pea ko e hā ‘a e lau ‘a ho loto, ka u fai ma‘au?
5Pea pehē ‘e Tēvita kia Sonatane, Ko eni, ko e fakamāhina fo‘ou ‘apongipongi, pea na‘e totonu ke u nofo ‘i he taumafa ‘a e tu‘i: ka ke tuku mu‘a au ke u toi ‘i he vao, ‘o a‘u ki hono ‘aho tolu efiafi.#Nōm 28.11 6Kapau ‘e momo‘i tokanga‘i ‘eku mama‘o ‘e ho‘o ‘eiki, pea ke pehē, Na‘e poaki fakamātoato kiate au ‘e Tēvita ke ne lele ki hono kolo ko Pētelihema, he ‘oku fai ai ‘a e feilaulau fakata‘u ki he fāmili kotoa. 7Kapau te ne pehē, ‘Oku lelei; pea tā kuo tu‘umālie ho‘o tamaio‘eiki ko au: ka ‘o kapau te ne mātu‘aki tuputāmaki, pea ke ‘ilo kuo fakapapau ha kovi mei he ‘afio. 8Ko ia, ke ke fai ‘ofa ki ho‘o tamaio‘eiki ko au he kuo ke fakakau ho‘o tamaio‘eiki mo koe ‘i ha kovinānite ‘a Sihova: ka ‘o kapau ‘oku ai ha kovi ‘iate au, pea ke tāmate‘i au ‘e koe; he koe‘uma‘ā ho‘o ‘ave au ki ho‘o ‘eiki?
9Pea tali ‘e Sonatane, Molekemama‘o ha‘o pehē: he ka ne u momo‘i ‘ilo kuo tu‘utu‘uni ha kovi mei he‘eku ‘eiki ke hoko kiate koe, ‘ikai kuo u fakahā atu?
10Pea pehē ‘e Tēvita kia Sonatane, Ko hai te ne fakahā kiate au, ka ‘iloange ‘e tali fefeka koe ‘e ho‘o ‘eiki?
11Pea pehē ‘e Sonatane kia Tēvita, Ha‘u ke ta ō ki he vao. Pea na hū kitu‘a kinaua ki he vao. 12Pea pehē ‘e Sonatane kia Tēvita, Ko Sihova ē ‘a e ‘Otua ‘o ‘Isileli:#20.12 Ko Sihova ē ‘a e ‘Otua ‘o ‘Isileli; Ko hono faka-Hepeluú ia, ka ‘oku pehē he hiki fuoloa ‘e taha: Ko Sihova ē ‘a e ‘Otua ‘o ‘Isileli, ke ne hoko ko e fakamo‘oni kiate kitaua. ka u ka huhū ki he‘eku tamai fe‘unga mo e feitu‘ula‘ā ni ‘apongipongi pe ko e ‘aho ‘e taha, pea tā ‘oku lelei ‘a e me‘a ‘a Tēvita, ‘ilo ‘e Sonatane ‘o lahi hake, ka ‘ikai leva te u fekau atu ke fanafana kiate koe. 13Ka lelei ki he‘eku tamai ke fai ha kovi kiate koe, pea te u fanafana atu, pea te u tuku koe ke ‘alu fiemālie: pea ‘ofa ke kau ‘a e ‘Eiki mo koe, ‘o hangē ko ‘ene kau mo ‘eku tamai. 14Pea kapau te u mo‘ui atu, te ke fai kiate au ‘a e ‘ofa ‘a Sihova; 15pea kapau te u mate,#20.15 kapau te u mate; ‘Oku pehē hono fakalea ‘i he ngaahi hiki fuoloa ‘e ni‘ihi, ka ko hono faka-Hepeluú: ke ‘oua te u mate. ‘e ‘ikai te u tu‘usi ho‘o ‘ofa mei hoku fale, ‘o ta‘engata: neongo kuo tu‘usi ‘e Sihova ‘a e ngaahi fili ‘o Tēvita mei he funga ‘o māmani, ‘o fakafo‘itangata. 16Ko ia, na‘e fai ‘e Sonatane ha fuakava mo e fale ‘o Tēvita, he‘ene pehē, Ke ‘eke ia ‘e Sihova mei he nima ‘o e ngaahi fili ‘o Tēvita.#20.16 ‘Oku ‘ikai ke mahino ‘a e faka-Hepelū ‘o e veesi 15-16.
17Pea toe fakafuakava ‘e Sonatane ‘a Tēvita, ‘i he‘ene ‘ofa kiate ia; he na‘a ne ‘ofa kiate ia ‘o hangē ko ‘ene mo‘ui ‘a‘ana. 18Pea toki pehē ‘e Sonatane kiate ia, Ko e fakamāhina fo‘ou ‘a pongipongi; pea ‘e tokanga‘i ho‘o mama‘o he ava ho nofo‘anga. 19Pea kuo ke ‘aho tolu, pea ke ‘alu hifo leva, ‘o a‘u#20.19 pea ke ‘alu hifo leva; Ko hono faka-Hepeluú ia, ka ‘oku pehē he ngaahi hiki fuoloa ‘e ni‘ihi: pea ‘e ‘āsili fakatokanga‘i ho‘o mama‘o; ko ia, ke ke ‘alu. ki he potu ko ia na‘a ke toi ai ‘i he ‘aho ‘o e ngāue, pea nofo ofi ki he fokotu‘unga maka ko ē.#20.19 fokotu‘unga maka ko eé; ‘Oku ngali tonu hono hiki ko iá, ka ko hono faka-Hepeluú ko e Make ‘Ēseli. 20Pea ko au te u fana‘i ha ngahau ‘e tolu ofi ai, ‘o hangē ko ha‘aku fana polo. 21Pea ko eni, te u fekau atu ‘a e tama, ‘o pehē, ‘Alu, kumi ‘a e ngaahi ngahau. Kapau te u mātu‘aki pehē ki he tama, ‘Ē, ‘oku ‘i he potu mai ko eni ‘a e ngaahi ngahau: to‘o mu‘a, pea ha‘u; he tangi ‘a e mo‘ui ‘a Sihova ‘oku melino kia koe, pea ‘oku ‘ikai ha me‘a. 22Ka ‘o kapau te u lea ki he tamasi‘i, ‘o pehē, ‘Ē, ko e ngaahi ngahau ena ki kō atu: pe‘i ‘alu ā; he kuo fekau ‘a Sihova ke ke ‘alu. 23Pea ko e me‘a ki he‘eta alea, ‘a au mo koe, vakai, ‘oku ‘i hota vaha‘a ‘a Sihova ‘o ta‘engata.
24Ko ia, na‘e toi ‘a Tēvita ‘i he vao; pea ‘i he hoko ‘a e fakamāhina fo‘ou, na‘e nofo ‘a e tu‘i ke fai ‘ene taumafa. 25Na‘e ‘afio ‘a e tu‘i ‘i hono nofo‘a, ‘o hangē ko ‘ene fa‘a fai, ‘a e nofo‘a taupotu ki he holisi; pea taki ‘e Sonatane ‘a e fotu,#20.25 pea taki ‘e Sonatane ‘a e fotu; ‘a ia na‘e nofo fehangahangai mo ia [mo Saula]; Ko hono liliu ia he hiki fuoloa ‘e taha, ka ko hono faka-Hepeluú ko e pea tu‘u hake ‘a Sonatane. pea nofo ‘a ‘Āpina ‘i he tafa‘aki ‘o Saula; ka na‘e hala ‘a e tu‘unga ‘o Tēvita. 26Ka na‘e ‘ikai ke momo‘i lea ki ai ‘a Saula ‘i he ‘aho ko ia, he‘ene pehē, Tokaange ha me‘a kuo hoko ki ai; na‘a ko ha ta‘ema‘a: ko ia pē, ‘oku ‘ikai te ne ma‘a. 27Ka ‘i he hoko ‘a e ‘aho ‘apongipongi, ‘a ia ko e toutai, kae hala ai pē ‘a e tu‘unga ‘o Tēvita: pea toki me‘a ‘a Saula ki hono foha ko Sonatane, Ko e hā ‘oku ‘ikai ke ha‘u ai ‘a e foha ‘o Sese ki he kai ‘i he ‘aho ni mo e ‘aneafi?
28Pea tali ‘e Sonatane kia Saula, Na‘e kole fakamātoato ‘a Tēvita kiate au ke ne ‘alu ki Pētelihema: 29he‘ene pehē, Tuku mai mu‘a ke u ‘alu; he ‘oku ai ha feilaulau fakafāmili ‘omautolu ‘i kolo; pea ko hoku ta‘okete kuo ne fekau mai au: pea ko ia, kapau kuo u ta‘imālie ho‘o ‘ofa, tuku ke u moulu atu, ‘o ‘a‘ahi ki hoku ngaahi tokoua. Ko hono ‘uhinga ia ‘oku ‘ikai te ne ha‘u ai ki he taumafa ‘a e tu‘i.
30Pea tuputāmaki ai ‘a Saula kia Sonatane, ‘o ne pehē ki ai, ‘a e tama ‘a e fefine pau‘u mo angakehe, ‘ikai kuo u ‘ilo kuo ke fili ‘a e foha ‘o Sese ke fakamaa‘i koe, pea ke fakamaa‘i ‘a e fānau ‘a ho‘o fa‘ē? 31He lolotonga ‘oku mo‘ui ‘i he funga kelekele ‘a e foha ‘o Sese, ‘e ‘ikai fokotu‘u koe, pea ‘e ‘ikai tu‘u ho pule‘anga, Ko ia, ke ke fekau leva, ‘o ‘omi ia kiate au, he ko e koto mate pē ia.
32Pea tali ‘e Sonatane ki he‘ene ‘eiki ko Saula, ‘o ne fakatau folofola ange, Ko ‘ene mate ko e hā? Ko e hā kuo ne fai?
33Pea ino ‘e Saula ‘a e tao ke veloi ia; pea ‘ilo ai ‘e Sonatane kuo pau ‘ene tamai ke tāmate‘i ‘a Tēvita. 34Ko ia, na‘e tu‘u ‘a Sonatane mei he tēpile kuo kakaha ‘ene ‘ita, pea ne ‘ikai te ne kai me‘akai ‘i hono ua ‘o e ‘aho ‘o e fakamāhinafo‘ou; he na‘a ne mamahi koe‘uhi ko Tēvita, mo e fakamaa‘i ia ‘e he‘ene tamai. 35Pongipongi hake na‘e hū kitu‘a ‘a Sonatane ki he vao, ki he potu kuo na tālanga ki ai mo Tēvita; pea ‘alu mo ia ha tamasi‘i. 36Pea ne pehē ki he‘ene tama, Lele, ‘o kumi mai ‘a e ngaahi ngahau ‘oku ou fana‘i. Lele ‘a e tama, ka ne fana‘i fakalaka ‘a e ngahau ‘iate ia. 37Pea ‘i he a‘u ‘a e tama ki he potu ‘oku ‘i ai ‘a e ngahau kuo ne fana‘i, pea kalanga atu ‘a Sonatane ki he tama, ‘o pehē, ‘Ikai, ‘oku ‘i kō atu ‘a e ngahau. 38Pea kalanga atu ‘e Sonatane ki he tama, Ngaue, fai vave, ‘oua ‘e tatali. Pea tufi ‘e he tama ‘a e ngaahi ngahau, ‘o ne ‘omi ki hono ‘eiki. 39Pea ko e tama na‘e ‘ikai te ne ‘ilo ha me‘a: ngata ‘ia Sonatane mo Tēvita na‘a na ‘ilo hono ‘uhinga. 40Pea ‘ange ‘e Sonatane ‘ene nāunau ki he‘ene tama, ‘o ne pehē ki ai, ‘Alu, ‘o ‘ave pē ki kolo.
41Pea kuo ‘alu ‘a e tama, pea tu‘u ‘a Tēvita mei he tafa‘aki ‘esi,#20.41 ‘esi; ‘Oku ngali tonu hono hiki ‘o mei he tafa‘aki fokotu‘unga maka, ka ‘oku pehē he faka-Hepeluú: mei he tafa‘aki fakatongá. ‘o ne tō fo‘ohifo, ‘o faka‘apa‘apa tu‘o tolu: ‘o na fekita, mo fetāngihi, pea faifai pea hulu ‘a Tēvita.#20.41 pea hulu ‘a Tēvita; ‘a ia, na ‘e hulu ‘a e lotomamahi ‘o Tēvitá ‘i he lotomamahi ‘o Sonatané. ‘Oku ngali tonu hono hiki ko iá, ka ‘oku ‘ikai ke mahino ‘a hono faka-Hepeluú. 42Pea pehē ‘a Sonatane kia Tēvita, ‘alu fiemālie pē, he kuo ta fuakava kitaua ‘i he huafa ‘o e ‘Eiki, ‘o pehē, Ko Sihova te ne ‘i hota vaha‘a, pea ‘i he vaha‘a ‘o hota hako, ‘o ta‘engata. Pea ne tu‘u ‘o ‘alu; ka ka hū ‘a Sonatane ki kolo.
Currently Selected:
KO 1 SĀMIUELA 20: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
