KO 1 TU‘I 4
4
Ko e Kau Ngāue Fakapule‘anga ‘a Solomone
1KO ia na‘e ha‘u ‘a Kingi Solomone ki ‘Isileli kātoa. 2Pea ko eni ‘a e hou‘eiki na‘a ne ma‘u: ko ‘Asalaia foha ‘o Sātoki ko e minisitā; 3ko ‘Eliholefi mo ‘Āhaia, ko e ongo foha ‘o Sisa, na‘e sikalaipe; ko Sihosafate foha ‘o ‘Ahiluti na‘e ‘a‘ana ‘a e tohi Kalonikali; 4pea ko Penaia foha ‘o Sihoiata na‘e pule ki he tau; pea ko Sātoki mo ‘Āpaiata ko e ongo taula‘eiki; 5pea ko ‘Asalaia foha ‘o Nētane na‘a ne pule ki he kau tala fatongia; pea ko Sāputi ko e foha ‘o Nētane na‘e minisitā ko e fakafe‘ao#4.5 fakafe‘ao; pe takanga ‘o e tu‘i: 6pea ko ‘Ahisali na‘e pule ki he Loto‘ā; mo ‘Ātonilami foha ‘o ‘Āpeta na‘e pule ki he ngāue fakafonua.
7Pea na‘e ‘ia Solomone ha kau tala fatongia ‘e toko hongofulu mā ua na‘e fokotu‘u ki ‘Isileli kātoa, pea na‘a nau tokonaki ma‘a e tu‘i mo hono fale; na‘a nau takitaha ha māhina ke fafanga. 8Pea ko honau hingoa eni: ko Peni-Hua, ‘i he fonua mo‘unga ‘o ‘Ifalemi: 9ko Peni-tēkeli, ‘i Mākasi, mo Sa‘alipimi, mo Pete-sēmesi, mo ‘Eiloni-pete-Hānani: 10ko Peni-hēseti, ‘i ‘Alupoti; na‘e kau kiate ia ‘a Soko, mo e fonua kotoa ‘o Hēfeli: 11ko Peni-‘Apinatape, ‘i he potu tafungofunga kotoa ‘o Toa; na‘a ne ma‘u ‘a Tāfati ko e ‘ōfefine ‘o Solomone mōno ‘unoho: 12ko Pā‘ama foki foha ‘o ‘Ahiluti, ‘i Ta‘anaki, mo Mekito, mo Petesani kātoa ‘oku ‘i he tafa‘aki ‘o Saletani, mei he talalo ‘o Sisilili, ‘io, mei Petesani ‘o a‘u ki ‘Ēpelimehola, ‘o a‘u ki he potu ki kō ‘o Siokemamai: 13ko Peni-kepa ‘i Lemoti-kiliati; na‘e kau kiate ia ‘a e ‘ū vilisi ‘o Siaili foha ‘o Manase, ‘a ia ‘oku ‘i Kiliati, ‘o‘ona foki ‘a e feitu‘u ko ‘Ākopa, ‘a ia ‘oku ‘i Pēsani; ko e onongofulu‘i kolo lalahi na‘e ‘aa‘i, pea ko hono me‘a fakama‘u na‘e palasa. 14Ko ‘Ahinatape foha ‘o ‘Ito na‘e ‘ave ki Mehanemi: 15ko ‘Ahima‘asi na‘e fai ‘i Nafitalai: ko ia foki na‘a ne mali mo Pasemati ko e ‘ōfefine ‘o Solomone: 16ko Pā‘ana foha ‘o Husai, ‘i ‘Āseli, mo Pealoti: 17ko Siosafate foha ‘o Pālua ‘i ‘Īsaka: 18ko Simi foha ‘o ‘Ela ‘i Penisimani: 19ko Kepa foha ‘o ‘Uli, ‘i he fonua ‘o Kiliati, ko e fonua ‘o Sīhoni ko e Tu‘i ‘Āmoli mo ‘Oki ko e Tu‘i.
Pēsani; pea ko ia pē taha na‘e tala fatongia ‘i he fonua ko ē.
Ko e Tu‘umālie ‘a e Fonuá he Tu‘i ‘a Solomoné
20Na‘e tokolahi ‘a Siuta mo ‘Isileli, ‘o hangē ko e ‘one‘one ‘i he matātahi, ‘o nau kai mo inu mo fakafiefia. 21Pea ko Solomone na‘e tāfataha ‘i he ngaahi Pule‘anga mei he Vaitafe ki he fonua ‘o e kau Filisitia, pea ki he kau‘ā ‘o ‘Isipite; na‘a nau tukuhau mo tali fatongia kia Solomone lolotonga ‘ene mo‘ui.#Sēn 15.18; 2 Kal 9.26
22Pea ko e me‘akai ‘a Solomone ki he ‘aho ‘e taha ko e tolungeau‘i efa ‘o e ‘elito‘i mahoa‘a, mo e onongeau‘i efa ‘o e mahoa‘a noa; 23ko e hongofulu‘i pulu fafanga, mo e uofulu‘i pulu mei he vao, mo e teau‘i sipi: tukukehe ‘a e fanga tia mo e kaseli, mo e poki, mo e manupuna fafanga.
24He na‘a ne tu‘i fakaleveleva ‘i he kauvai ‘o e Vaitafe, mei Tīfisa ‘o a‘u ki Kesa, ki he ngaahi tu‘i kotoa pē ‘o e feitu‘u ko ia ‘o e Vaitafe: pea na‘a nau melino mo e ngaahi feitu‘u takatakai. 25Toki nofo fiemālie ‘a Siuta mo ‘Isileli takitaha ‘i hono lolo vaine mo lolo fiki, mei Tani ‘o a‘u ki Peasipa, lolotonga ‘a e mo‘ui ‘a Solomone.
26Pea na‘e ma‘u ‘e Solomone ha loki tu‘unga hoosi mo sāliote ‘e fā mano, mo e kau heka hoosi ‘e taha mano mā ua afe.#1 Tu‘i 10.26; 2 Kal 1.14; 9.25 27Pea ko e kau tala fatongia ko ē na‘a nau tokonaki ma‘a Kingi Solomone, mo kinautolu kotoa na‘e ‘unu‘unu ki he tēpile ‘o Kingi Solomone, takitaha ‘i hono māhina: na‘e ‘ikai te nau tuku ke masiva ha me‘a. 28Ko e pa‘ale foki, mo e kau‘i koane ma‘a e fanga hoosi, mo e fanga hoosi fekau, na‘e ‘omi ki he potu na‘a ne ‘i ai, ‘o fakatatau ki he nafa ‘o e tangata takitaha.#4.28 ‘o fakatatau… takitaha; pe ‘i ha potu pē na‘e i ai ‘a Solomone.
29Pea na‘e foaki ‘e he ‘Otua kia Solomone ‘a e poto, mo e faiva lahi ‘aupito, mo e ‘atamai kuo fano, ‘o hangē ko e ‘one‘one ‘oku ‘i he matātahi. 30Pea na‘e hulu ‘a e poto ‘a Solomone ‘i ha‘a Hahake kātoa, pea ‘i he poto kotoa pē ‘o ‘Isipite. 31He na‘a ne poto ‘i he tangata kotoa pē; ‘ia ‘Ētani ko e ha‘a Sala,#4.31 Sala; pe ‘ēsela. mo Hēmani, mo Kalikoli, mo Tālata, ko e hako‘i Māholi: pea na‘e pavake hono ongoongo ki he ngaahi pule‘anga takatakai.#Saame 89 (‘Ulu‘i Saame) 32Pea ne fa‘u ha paloveepi ‘e tolu afe: pea ko ‘ene ngaahi ta‘anga na‘e taha afe mā nima.#Pal 1.1; 10.1; 25.1; Hiva 1.1 33Pea ne fakamatala ‘akau, ‘o fai mei he sita ‘oku ‘i Lepanoni, ‘o a‘u ki he ‘īsope ‘oku tu‘u ‘i he ‘ā: na‘a ne fakamatala foki ‘a e fanga manu, mo e manupuna, mo e manu totolo, mo e ika. 34Pea na‘e omi ha ni‘ihi mei he ngaahi kakai kotoa pē ke fanongo ki he poto ‘a Solomone, ha ni‘ihi mei he ngaahi tu‘i kotoa pē ‘o māmani, ‘a ia kuo nau fanongo ki he‘ene poto.
Currently Selected:
KO 1 TU‘I 4: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
