Kolinitō 1 2
2
Ko e Talaki ‘o Kalaisi kuo Tutukí
1PEHĒ, kāinga, ‘i he‘eku ‘alu atu ‘a‘aku ke malanga‘aki ‘a e ngāue ‘a e ‘Otua,#2.1 ngāue ‘a e ‘Otua; ‘Oku ngali tonu hono hiki ‘o: ‘a e mo‘oni fufū ‘a e ‘Otuá. ka ‘oku pehē ‘i hono ngaahi hiki fuoloa ‘e ni‘ihi: ‘a e ngaahi fakamo‘oni ‘o kau ki he ‘Otuá. na‘e ‘ikai tu‘unga ‘eku ‘alu ko e pehē ‘oku ‘i ai ha‘aku tokāteline, pe poto, ‘oku fisifisimu‘a. 2He na‘e ‘ikai te u tu‘utu‘uni mo ha me‘a ke u ‘ilo ki ai ‘i homou lotolotonga, ko Sīsū Kalaisi pē, pea na‘a mo ia ko hono kalusefai pē. 3Pehē foki ‘i he‘eku feangai ‘a‘aku mo kimoutolu, na‘a ku vaivai mo manavasi‘i, pea lahi ‘eku tailiili.#Ngā 18.9 4Pea ko ‘eku akonaki, kae‘uma‘ā ‘eku malanga, na‘e ‘ikai fai‘aki ‘a e ngaahi lea fakaoleole ‘o e poto; ka na‘e fai‘aki ‘a e fakamo‘oni ‘e he Laumālie mo e Māfimafi; 5koe‘uhi ke ‘oua na‘a tu‘u ho‘omou lotu ‘i he poto ‘o e tangata, ka ‘i he māfimafi ‘o e ‘Otua.
Ko e Poto ‘a e ‘Otuá
6Ka ‘oku ‘i ai ha poto ‘oku mau lea ki ai ‘i he fai kiate kinautolu ‘oku matu‘otu‘a. Ka ko ha poto ia ‘oku ‘ikai fakaemaama ko eni, ‘uma‘ā ha‘ane fakaehou‘eiki ‘o e maama ko eni, ‘a kinautolu ‘oku fakatau ke noa. 7Ka ko e me‘a ‘oku mau lea fakamisiteli ki ai, ko e poto ‘o e ‘Otua, ‘a ia ne fakafufū, ‘a ia foki na‘e sinaki teuteu ‘e he ‘Otua ‘i he te‘eki ha kuonga mo‘otau fakalāngilangi‘i: 8ka ko e me‘a kuo te‘eki ke lave‘i ‘e ha taha ‘o e hou‘eiki fakaemaama ko eni: he ka ne nau lave‘i ia, tala‘ehai ne nau kalusefai ‘a e ‘Eiki ‘oku ‘a‘ana ‘a e lāngilangi. 9Ka na‘e mo‘oni pē ‘a e lau ‘a e Tohi,#‘Ais 64.4 Ko e ngaahi me‘a kuo ‘ikai mātā ‘e ha mata, pe fanongoa ‘e ha telinga, pe ake ki he loto ‘o ha tangata; ‘io, ‘a e ngaahi fu‘u me‘a kuo teuteu ‘e he ‘Otua ma‘a e kakai ‘oku ‘ofa kiate ia– 10ka#2.10 ka; ‘Oku pehē ‘i hono ngaahi hiki fuoloa ‘e ni‘ihi: he. ko e ngaahi me‘a ko ia, kuo faka‘ilo ‘e he ‘Otua kiate kimautolu ‘i hono Laumālie: he ko e Laumālie ‘oku ne hakule ‘a e me‘a kotoa pē, ‘io, ‘a e ngaahi loloto ‘o e ‘Otua. 11He ko e fe‘ia ha tangata ‘oku ne ‘ilo ‘a e ngaahi me‘a ‘a ha tangata? ngata pē ‘i he laumālie ‘o e tangata, ‘a e laumālie ‘oku ‘i he toko taha ko ia. Pehē foki, kuo ‘ikai lave‘i ‘e ha taha ‘a e ngaahi me‘a ‘a e ‘Otua, ngata pē ‘i he Laumālie ‘o e ‘Otua. 12Pea tala‘ehai ko e laumālie ‘oku ‘o māmani kuo mau ma‘u, ka ko e Laumālie ‘oku ha‘u mei he ‘Otua; koe‘uhi ke mau ‘ilo ‘a e ngaahi me‘a kuo me‘a‘ofa ‘aki mai ‘e he ‘Otua.
13‘A ia ‘oku mau fakamatala foki ki ai; kae ‘ikai ‘i he ngaahi lea ‘oku ako mai ‘e he poto ‘o e tangata, ka ko ia ‘oku ako mai ‘e he Laumālie; ‘o mau faka‘uhinga ‘a e me‘a fakalaumālie ki he kau fakalaumālie.#2.13 ki he kau fakalaumālie (pe ki he kakai ‘o nau ma‘u e Laumālié); pe ‘aki ‘a e ngaahi lea na‘e ‘omi ‘e he Laumālié. 14Ka ko e tangata ‘oku anga fakakakano ‘oku ‘ikai te ne tali ‘a e ngaahi me‘a ‘o e Laumālie ‘o e ‘Otua: seuke, ko e koto vale ia kiate ia; pea ‘oku ‘ikai te ne ala tali, koe‘uhi ‘oku fakalaumālie hono ‘ilo‘i. 15Ka ko ia ‘oku anga fakalaumālie ‘oku alaisia alaikolonga ‘ene fakaanga; ka tala‘ehai ‘oku fakaanga ki he toko taha ko ia ‘e ha taha kehe. 16He hono ai ha taha kuo ne a‘usia ‘a e finangalo ‘o e ‘Eiki, koe‘uhi ke ne fale‘i ia?:#‘Ais 40.13 (LXX) pea ‘oku ‘iate kimautolu ‘a e finangalo ‘o Kalaisi.
Currently Selected:
Kolinitō 1 2: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
