Popular Bible Verses from Kolinitō 1 2

Share

Ka na‘e mo‘oni pē ‘a e lau ‘a e Tohi, Ko e ngaahi me‘a kuo ‘ikai mātā ‘e ha mata, pe fanongoa ‘e ha telinga, pe ake ki he loto ‘o ha tangata; ‘io, ‘a e ngaahi fu‘u me‘a kuo teuteu ‘e he ‘Otua ma‘a e kakai ‘oku ‘ofa kiate ia

Ka ko e tangata ‘oku anga fakakakano ‘oku ‘ikai te ne tali ‘a e ngaahi me‘a ‘o e Laumālie ‘o e ‘Otua: seuke, ko e koto vale ia kiate ia; pea ‘oku ‘ikai te ne ala tali, koe‘uhi ‘oku fakalaumālie hono ‘ilo‘i.

ka ko e ngaahi me‘a ko ia, kuo faka‘ilo ‘e he ‘Otua kiate kimautolu ‘i hono Laumālie: he ko e Laumālie ‘oku ne hakule ‘a e me‘a kotoa pē, ‘io, ‘a e ngaahi loloto ‘o e ‘Otua.

Pea tala‘ehai ko e laumālie ‘oku ‘o māmani kuo mau ma‘u, ka ko e Laumālie ‘oku ha‘u mei he ‘Otua; koe‘uhi ke mau ‘ilo ‘a e ngaahi me‘a kuo me‘a‘ofa ‘aki mai ‘e he ‘Otua.

Pea ko ‘eku akonaki, kae‘uma‘ā ‘eku malanga, na‘e ‘ikai fai‘aki ‘a e ngaahi lea fakaoleole ‘o e poto; ka na‘e fai‘aki ‘a e fakamo‘oni ‘e he Laumālie mo e Māfimafi; koe‘uhi ke ‘oua na‘a tu‘u ho‘omou lotu ‘i he poto ‘o e tangata, ka ‘i he māfimafi ‘o e ‘Otua.