ရူဝ်းမႃႉ 11
11
ၸဝ်ႈၽြႃးဢဵတ်းလူၵူၼ်းမဵဝ်းဢိသရေး
1ပိူဝ်ႈၼႆလႄႈၵဝ်ၶႂ်ႈထၢမ်ဝႃႈ၊ၸွင်ႇၽြႃးပဵၼ်ၸဝ်ႈပႄႇပႅတ်ႈၵူၼ်းမဵဝ်းမၼ်းၸဝ်ႈမဵဝ်းဢိသရေး၊ၼၼ်ႉႁိုဝ်း။ မၼ်းဢမ်ႇၸႂ်ႈၸိူဝ်ႉၼင်ႇၼၼ်။ တူဝ်ၵဝ်ၼႆႉပဵၼ်ၵူၼ်းမဵဝ်းဢိသရေး၊ဢၼ်ပဵၼ်ၸိူဝ်ႉၶိူဝ်းပူႇမွၼ်ႇႁဝ်းဢႃႇပြႃႇႁၢမ်ႇ၊ၵႃႈၼႂ်းၸိူဝ်ႉၶိူဝ်းပိၼ်ႇယႃႇမိၼ်ႇ၊ဢေႃႈ။- 2ၽြႃးပဵၼ်ၸဝ်ႈဢမ်ႇပႄႇပႅတ်ႈၵူၼ်းမဵဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ဝႆႉၸဵမ်မိူဝ်ႈဢွၼ်တၢင်းၼၼ်ႉ။ သူဢမ်ႇႁုၼႂ်းၵျၢမ်းလိၵ်ႈၶေႃႈဢၼ်လၢတ်ႈလွင်ႈသြႃႇဢေးလိယႃႉ၊တွင်းပၢၼ်ႇၽြႃးပဵၼ်ၸဝ်ႈလႄႈတၢင်ႇဢပျတ်ႈၵူၼ်းမဵဝ်းဢိသရေး၊ၼၼ်ႉႁိုဝ်း။- 3မၼ်းဝႃႈ၊ “ဢူဝ်းၽြႃးတီႈၶႃႈ။ ၶဝ်ဢဝ်ပရေႃးၽႅတ်ႈ#11:3 “ပရေႃးၽႅတ်ႈ” - ၽူႈႁေႃးလၢတ်ႈၵႂၢမ်းၽြႃးပဵၼ်ၸဝ်ႈလွင်ႈတၢင်းဢၼ်တၵ်းပဵၼ်မႃးတေႃႈလဵဝ်လႄႈဝၼ်းမိူဝ်းၼႃႈၸဝ်ႈႁဝ်းတင်းလၢႆတၢႆယဝ်ႉလႄႈယႃႉၽဵဝ်ႈၶဵင်ႇတၢင်းလူႇၸဝ်ႈႁဝ်းတင်းလၢႆပႅတ်ႈယဝ်ႉၶႃႈဢေႃႈ။ ၵိုတ်းၵျၢၼ်ႇၵဝ်ၶႃႈၵေႃႉလဵဝ်ၵူၺ်းယဝ်ႉလႄႈၶဝ်ယင်းၵျၢမ်ႇႁႃဢဝ်ၵဝ်ၶႃႈတၢႆယူႇၶႃႈဢေႃႈ၊” ဝႃႈၼင်ႇၼႆလႄႈ၊- 4ၽြႃးပဵၼ်ၸဝ်ႈၶိုၼ်းတွပ်ႇလၢတ်ႈမၼ်းၸိူဝ်ႉႁိုဝ်ဝႃႈၼႆၸမ်ႉ၊ “ၵဝ်ဢဝ်ၵူၼ်းၸဵတ်းႁဵင်ဢၼ်ဢမ်ႇၶုပ်ႉၶဝ်ႇဝႆႈၽြႃးပႃႇလႃႉ၊ၼၼ်ႉၵိုတ်းၵျၢၼ်ႇဝႆႉပုၼ်ႈၵဝ်ယူႇယဝ်ႉ၊” ဝႃႈၼင်ႇၼႆဢေႃႈ။-#တူၺ်း၊ 1 ၶုၼ် 19:10-18 5မိူၼ်ၼင်ႇၼၼ် ယၢမ်းမိူဝ်ႈလဵဝ်ၵေႃႈ ၶဝ်ၸိူဝ်းဢၼ်ၽြႃးပဵၼ်ၸဝ်ႈဢဝ်တင်းၵျေးၸူးၸဝ်ႈတၢင်းဢၼ်ဢဵတ်းလူလိူၵ်ႈၵဵပ်းဢဝ်ဝႆႉၼၼ်ႉၸိူဝ်းဢၼ်ၵိုတ်းၵျၢၼ်ႇဝႆႉယင်းမီးယူႇဢေႃႈ။- 6ပေႃးမၼ်းပဵၼ်ၵွပ်ႈပိူဝ်ႈၵျေးၸူးၸဝ်ႈၸိုင်၊မၼ်းဢမ်ႇၸႂ်ႈၵွပ်ႈပိူဝ်ႈတၢင်းၵမ်တၢင်းၵျၢင်ႉၶဝ်။ သင်ဝႃႈတၢင်းဢၼ်လိူၵ်ႈၵဵပ်းဢဝ်ၼၼ်ႉပဵၼ်ၵွပ်ႈပိူဝ်ႈတၢင်းၵမ်တၢင်းၵျၢင်ႉၸိုင်၊ၵျေးၸူးၸဝ်ႈၼၼ်ႉဢမ်ႇပဵၼ်ၵျေးၸူးၸဝ်ႈၸႅတ်ႈၸႅတ်ႈယဝ်ႉဢေႃႈ။
7ပေႃးပဵၼ်ၸိူဝ်ႉၼင်ႇၼႆၸိုင်၊ႁဝ်းတေဝႃႈၸိူဝ်ႉႁိုဝ်။ ၵူၼ်းမဵဝ်းဢိသရေး၊ဢမ်ႇထူပ်းၺႃးလွင်ႈတၢင်းဢၼ်ၶဝ်သွၵ်ႈႁႃၼၼ်ႉလႄႈၵူၼ်းၸိူဝ်းဢၼ်ၽြႃးပဵၼ်ၸဝ်ႈလိူၵ်ႈၵဵပ်းဢဝ်ဝႆႉၼၼ်ႉၵူၺ်းလႆႈထူပ်းၺႃးဢေႃႈ။ တၢင်ႇၵေႃႉတၢင်ႇၵူၼ်းၸိူဝ်းၼၼ်ႉၸမ်ႉ၊ၸႂ်တိုမ်ၸႂ်တၼ်ဢမ်ႇငိၼ်းတၢင်းဢၼ်ၽြႃးပဵၼ်ၸဝ်ႈႁွင်ႉဢဝ်ၼၼ်ႉ။- 8မၼ်းမႅၼ်ႈၸွမ်းၼင်ႇၼႂ်းၵျၢမ်းလိၵ်ႈတႅမ်ႈဝႆႉဝႃႈ၊ “ၽြႃးပဵၼ်ၸဝ်ႈႁဵတ်းႁႂ်ႈမၢၵ်ႇတႃႁူဝ်ၸႂ်ၶဝ်ၼူၵ်ႇတၼ်လႄႈ၊ႁၢၼ်ႉတေႃႇဝၼ်းမိူဝ်ႈၼႆႉမၢၵ်ႇတႃၶဝ်ဢမ်ႇၸၢင်ႈႁၼ်၊ႁူၶဝ်ဢမ်ႇၸၢင်ႈငိၼ်း၊” ဝႃႈၼင်ႇၼႆၼၼ်ႉဢေႃႈ။-#တူၺ်း၊ ႁေႃး 29:4 9ၶုၼ်ႁေႃၶမ်းတႃႇဝိတ်ႈ၊သမ်ႉလၢတ်ႈလႄႈဝႃႈ၊
“ႁႂ်ႈတၢင်းဢၼ်ၶဝ်ၵိၼ်မူၼ်ႈၵိၼ်ပျေႃႇၼႂ်းပွႆးၼၼ်ႉ
ပဵၼ်တူင်ႇႁႅဝ်ႉတူင်ႇၶိုမ်းတီႈၶဝ်၊ပဵၼ်ၶတ်းႁၢဝ်ႇပုၼ်ႈၶဝ်သေၵမ်းလူၺ်ႈ။
ႁႂ်ႈၶဝ်လႆႈလူမ်ႉပင်းလႄႈ လႆႈၶၢမ်ႇတၢမ်ႇဢပျတ်ႈၶဝ်သေၵမ်းလူၺ်ႈ။-
10ႁႂ်ႈမၢၵ်ႇတႃၶဝ်မွတ်ႇၵႂႃႇထၢၼ်ႈပေႃးဢမ်ႇႁၼ်လႆႈလႄႈ၊
ႁႂ်ႈလင်ၶဝ်ၵွမ်းလူၺ်ႈတုၵ်ႉၶႃႉတႃႇသေႇသေၵမ်းလူၺ်ႈ၊” ဝႃႈၼင်ႇၼႆဢေႃႈ။ #တူၺ်း၊ သႃႇ 69:22-23
11ပေႃးပဵၼ်ၸိူဝ်ႉၼင်ႇၼႆၸိုင်၊ၵဝ်ၶႂ်ႈထၢမ်ဝႃႈ၊မိူဝ်ႈဢၼ်ၵူၼ်းမဵဝ်းၵျူး၊ၶဝ်ၶီႈလိုတ်းၼၼ်ႉၸွင်ႇၶဝ်လူမ်ႉတူၵ်းလုလႅဝ်ၵႂႃႇႁိုဝ်း။ မၼ်းဢမ်ႇပဵၼ်ၸိူဝ်ႉၼင်ႇၼၼ်။ ၵွပ်ႈပိူဝ်ႈၶဝ်ႁဵတ်းဢပျတ်ႈလႄႈတြႃးတၢင်းဢၼ်ၵႄႇၶျွတ်ႈဢဝ်လႆႈႁွတ်ႈထိုင်ၵႃႈတီႈၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်း၊ၼင်ႇႁိုဝ်ၵူၼ်းမဵဝ်းဢိသရေး၊တၵ်းၶွႆၶဝ်ဢေႃႈ။- 12ပေႃးဝႃႈဢပျတ်ႈၵူၼ်းမဵဝ်းဢိသရေး၊ၶဝ်ပွင်ဢၵျူဝ်းတၢင်းလီမၢင်ႇၵလႃႇလိူင်ႇၼမ်ၼႃႇပုၼ်ႈၵူၼ်းလေႃးၵီႇလႄႈတၢင်းဢၼ်တူၵ်းသုမ်းၶဝ်ပွင်ဢၵျူဝ်းတၢင်းလီမၢင်ႇၵလႃႇလိူင်ႇၼမ်ၼႃႇပုၼ်ႈၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၸိုင်၊မၼ်းတေယဵင်ႈၶႅၼ်းမီးဢၵျူဝ်းတၢင်းလီမၢင်ႇၵလႃႇထၼ်ႇႁိုဝ်။ ၽိူဝ်ႇထိုင်ၵူၼ်းမဵဝ်းဢိသရေး၊တင်းလၢႆၵေႃႈၶဝ်ႈပႃးၼႂ်းၶဝ်ၸိူဝ်းဢၼ်ၽြႃးပဵၼ်ၸဝ်ႈၵႄႇၶျွတ်ႈဢဝ်ၼၼ်ႉဢေႃႈ။
တြႃးတၢင်းဢၼ်ၵႄႇၶျွတ်ႈပုၼ်ႈတၢင်ႇၸိူဝ်ႉတၢင်ႇၶိူဝ်းတင်းလၢႆ
13ၵမ်းၼႆႉၵဝ်ၶႂ်ႈဢုပ်ႇသူဢၼ်ပဵၼ်ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၼၼ်ႉဢေႃႈ။ ၵွပ်ႈပိူဝ်ႈၵဝ်ပဵၼ်တမၢၼ်ႇၸဝ်ႈဢၼ်ႁေႃးလၢတ်ႈၶၢဝ်ႇတြႃးသိူဝ်းပျေႃႇၵႃႈတီႈၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၼၼ်ႉလႄႈၵဝ်ဢဝ်ၵုင်ႇဢဝ်မုၼ်လူၺ်ႈဢရႃႇၵဝ်ဢေႃႈ။- 14ၵဝ်ၶႂ်ႈႁဵတ်းၸိူဝ်ႉၼင်ႇၼႆႁႂ်ႈၵူၼ်းမဵဝ်းၵဝ်ၶွႆၼင်ႇႁိုဝ်ၶဝ်ၵမ်ႈၽွင်ႈ တၵ်းလႆႈၶၢမ်ႇတၢင်းဢၼ်ၸဝ်ႈၽြႃးၵႄႇၶျွတ်ႈဢဝ်ၶဝ်ဢေႃႈ။- 15လွင်ႈမၼ်းၸမ်ႉ၊ၼႂ်းမိူဝ်ႈဢၼ်ၸဝ်ႈၽြႃးမၢင်ပႅတ်ႈၵူၼ်းမဵဝ်းဢိသရေး၊ၼၼ်ႉ ၵူၼ်းလေႃးၵီႇလႆႈၶိုၼ်းလီၵၼ်တင်းၸဝ်ႈၽြႃးဢေႃႈ။ ပိူဝ်ႈၼႆလႄႈပေႃးၸဝ်ႈၽြႃးႁပ်ႉဢဝ်ၵူၼ်းဢိသရေး၊ၶဝ်ၸိုင်၊မၼ်းတၵ်းပဵၼ်ၸိူဝ်ႉၼင်ႇႁိုဝ်၊မၼ်းတေမိူၼ်ၸိူဝ်ႉၼင်ႇၵူၼ်းတၢႆလႆႈၶိုၼ်းလိပ်းမီးဢသၢၵ်ႈမႃးဢေႃႈ။
16ပေႃးဢဝ်ၶဝ်ႈမုၼ်းဢၼ်ဝိတ်းဢွၼ်တၢင်းပိူၼ်ႈၼၼ်ႉလႆႈသၢၵ်ႈၵၢပ်ႈၽြႃးပဵၼ်ၸဝ်ႈၸိုင်၊ၶဝ်ႈမုၼ်းတင်းႁူၺ်ႇၵေႃႈပဵၼ်ၶွင်မၼ်းၸဝ်ႈဢေႃႈ။ မိူၼ်ၸိူဝ်ႉၼင်ႇၼၼ်ပေႃးဢဝ်ႁၢၵ်ႈမႆႉသၢၵ်ႈလူႇၽြႃးပဵၼ်ၸဝ်ႈၸိုင်၊ၵိင်ႇမၼ်းၵေႃႈပဵၼ်ၶွင်မၼ်းၸဝ်ႈဢေႃႈ။- 17ၵိင်ႇတူၼ်ႈသၢၼ်ႇလုၼ်ႇဢၼ်လုမ်းလႃးဝႆႉလီလီၵမ်ႈၽွင်ႈၼၼ်ႉၸဝ်ႈမၼ်းတႅပ်းသေယဝ်ႉ၊သမ်ႉဢဝ်ၵိင်ႇတူၼ်ႈသၢၼ်ႇလုၼ်ႇထိူၼ်ႇမႃးၵပ်းသႂ်ႇၵႃႈတီႈတေႃမႆႉၵဝ်ႇၼၼ်ႉဢေႃႈ။ သူၸိူဝ်းဢၼ်ပဵၼ်ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၼႆႉပဵၼ်ၸိူဝ်ႉၼင်ႇၵိင်ႇတူၼ်ႈသၢၼ်ႇလုၼ်ႇထိူၼ်ႇၼၼ်ႉလႄႈတေႃႈလဵဝ်ၼႆႉသူလႆႈၶၢမ်ႇဢဝ်ဢၵျူဝ်းၽၢႆႇၸႂ်ဝိၺိၺ်ႇႁူမ်ႈၵၼ်တင်းၵူၼ်းမဵဝ်းဢိသရေး၊ၶဝ်ယဝ်ႉဢေႃႈ။- 18ၵွပ်ႈပိူဝ်ႈဢၼ်ပဵၼ်ၸိူဝ်ႉၼင်ႇၼႆလႄႈသူယႃႇပေသႄႉသွမ်းၶဝ်ၸိူဝ်းဢၼ်ၽြႃးပဵၼ်ၸဝ်ႈတႅပ်းၶဝ်မိူၼ်ၸိူဝ်ႉၼင်ႇၵိင်ႇဢၼ်ႁၵ်းၵႂႃႇၼၼ်ႉ။ သူတိုၼ်းဢမ်ႇမီးဢၶႂၢင်ႉဢၼ်တၵ်းလႆႈဢုပ်ႇဝၢဝ်းတေႃႇၵိင်ႇဢၼ်ၶၢတ်ႇၵႂႃႇၼၼ်ႉလႃးလႃး။ သူပဵၼ်ၵိင်ႇမႆႉၵူၺ်းဢေႃႈ။ ၵိင်ႇမၼ်းဢမ်ႇလဵင်ႉငဝ်ႈႁၢၵ်ႈတူၼ်ႈ။ ငဝ်ႈႁၢၵ်ႈတူၼ်ႈလဵင်ႉၵိင်ႇမၼ်းဢေႃႈ။
19သူၸၢင်ႈၶႄးတၵ်းလၢတ်ႈဝႃႈ၊ “ၵိင်ႇၸိူဝ်းၼၼ်ႉၸဝ်ႈမၼ်းတႅပ်းႁႂ်ႈမီးတေႃပုၼ်ႈၵဝ်တၵ်းၵပ်းသႂ်ႇဢေႃႈ၊” ဝႃႈၼင်ႇၼႆဢေႃႈ။- 20ၸႂ်ႈယူႇတႄႉဢေႃႈ။ ၶဝ်လႆႈၶၢမ်ႇတႅပ်းပႅတ်ႈၵွပ်ႈပိူဝ်ႈၶဝ်ဢမ်ႇယုမ်ႇမၢတ်ႈဢေႃႈ။ သူၸမ်ႉ၊လႆႈၵပ်းသႂ်ႇၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။ ယႃႇပေထၢင်ႇယႂ်ႇတူဝ်ၸဝ်ႈၵဝ်ႇ။ ႁႂ်ႈမီးၸႂ်ဢၼ်ၵူဝ်ယမ်ၸဝ်ႈၽြႃးတႃႉ။- 21ပေႃးၽြႃးပဵၼ်ၸဝ်ႈယင်းဢမ်ႇသေလၢႆၵူၼ်းမဵဝ်းဢိသရေး၊ၶဝ်ဢၼ်ဝႃႈၵိင်ႇၵဝ်ႇဢၼ်မၼ်းၸဝ်ႈတႅပ်းၼၼ်ႉၸိုင်၊သူထၢင်ႇမၼ်းၸဝ်ႈတၵ်းသေလၢႆသူႁိုဝ်း။- 22ၽြႃးပဵၼ်ၸဝ်ႈမီးၸႂ်ၵရုၼႃႇဢဵတ်းလူထၼ်ႇႁိုဝ်ဢိၵ်ႇတင်းမၼ်းၸဝ်ႈၸၢင်ႈၸီႇယၢင်ႇပၼ်တၢမ်ႇႁႅင်းၵႃႈႁိုဝ်ဢၼ်ဝႃႈၼၼ်ႉ၊တွင်းဝႆႉလီလီတႃႉ။ မၼ်းၸဝ်ႈပၼ်တၢမ်ႇႁႅင်းၼႃႇတီႈၶဝ်ၸိူဝ်းဢၼ်လူမ်ႉပင်းၼၼ်ႉသေၵေႃႈ မၼ်းၸဝ်ႈမီးၸႂ်ၵရုၼႃႇၼိူဝ်သူ၊ပေႃးသူတႄႇယူႇၼႂ်းၵရုၼႃႇမၼ်းၸဝ်ႈၼၼ်ႉဢေႃႈ။ ၵူၺ်းၵႃႈ၊ပေႃးသူယင်းဢမ်ႇတႄႇယူႇၼႂ်းၵရုၼႃႇၼၼ်ႉၸိုင်၊သူၵေႃႈ တၵ်းလႆႈၶၢမ်ႇတၢင်းဢၼ်မၼ်းၸဝ်ႈတႅပ်းပႅတ်ႈဢေႃႈ။- 23ၵူၼ်းမဵဝ်းဢိသရေး၊ၶဝ်ၵေႃႈပေႃးၶဝ်ဢဝ်ပႅတ်ႈၸႂ်ဢၼ်ဢမ်ႇယုမ်ႇမၢတ်ႈၸိုင်၊မၼ်းၸဝ်ႈတၵ်းဢဝ်ၶဝ်ၶိုၼ်းၵပ်းသိုပ်ႇတီႈတူၼ်ႈမၼ်း၊ၵွပ်ႈပိူဝ်ႈၽြႃးပဵၼ်ၸဝ်ႈမီးဢႃႇၼႃႇဢၼ်ဢဝ်ၶဝ်ၵပ်းသိုပ်ႇၶိုၼ်းၼၼ်ႉဢေႃႈ။- 24ပေႃးမၼ်းၸဝ်ႈၸၢင်ႈဢဝ်သူၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၸိူဝ်းဢၼ်ပဵၼ်ၵိင်ႇတူၼ်ႈသၢၼ်ႇလုၼ်ႇထိူၼ်ႇဢၼ်ၶၢတ်ႇၵႂႃႇၼၼ်ႉလႄႈပိၵ်ႉသမ်ႉမၼ်းဢမ်ႇၸႂ်ႈမဵဝ်းမၼ်းသေၵေႃႈယင်းဢဝ်ၵပ်းသိုပ်ႇတီႈတူၼ်ႈသၢၼ်ႇလုၼ်ႇဢၼ်လီလႆႈၸိုင်၊မၼ်းၸဝ်ႈယဵင်ႈၶႅၼ်းၸၢင်ႈဢဝ်ၵူၼ်းမဵဝ်းဢိသရေး၊ဢၼ်ပဵၼ်ၵိင်ႇမႆႉၵဝ်ႇဢၼ်တႅပ်းပႅတ်ႈသေၵႃႈတီႈတူၼ်ႈသၢၼ်ႇလုၼ်ႇဢၼ်လီလႄႈၵပ်းသိုပ်ႇၶိုၼ်းၵႃႈတီႈတူၼ်ႈၵဝ်ႇၵဝ်ႇၶဝ်ၼၼ်ႉဢေႃႈ။
ၵျေးၸူးၵရုၼႃႇၽြႃးပဵၼ်ၸဝ်ႈ
25ပီႈၼွင်ႉၶဝ်႟။ ၼင်ႇႁိုဝ်သူတၵ်းဢမ်ႇထၢင်ႇယႂ်ႇတူဝ်ၸဝ်ႈၵဝ်ႇၸိုင်၊ၵဝ်ၶႂ်ႈႁႂ်ႈသူႁုတြႃးဢၼ်လိုၵ်ႉဢၼ်လမ်ႇပိူင်ၼိုင်ႈဢၼ်ဝႃႈ၊တၢင်းဢၼ်ၵူၼ်းမဵဝ်းဢိသရေး၊ၶဝ်ႁူဝ်ၸႂ်ၼူၵ်ႇတၼ်ၼၼ်ႉတၵ်းတိုၼ်းပဵၼ်ယူႇတႃႇသေႇဢမ်ႇၸႂ်ႈ။ ၵူၺ်းတၵ်းပဵၼ်ၵႂႃႇတေႃႇထိုင်ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၶဝ်ၶဝ်ႈမႃးၸေးမူတ်းမူတ်းယဝ်ႉၼၼ်ႉဢေႃႈ။- 26ၼင်ႇၼၼ်လႄႈၵူၼ်းမဵဝ်းဢိသရေး၊တင်းလူင်တၵ်းလႆႈၶၢမ်ႇၵႄႇၶျွတ်ႈဢဝ်ၸွမ်းၼင်ႇဢၼ်တႅမ်ႈဝႆႉၼႂ်းၵျၢမ်းလိၵ်ႈလႄႈဝႃႈ၊
“ၸဝ်ႈၵႄႇၶျွတ်ႈတၵ်းလုၵ်ႉသေၵႃႈတီႈလွႆၸိဢုၼ်ႇ၊မႃးလႄႈပႄႇၽဵဝ်ႈပႅတ်ႈ၊
ႁူဝ်ၸႂ်ဢၼ်ႁၢႆႉမိူၵ်ႈသေၵႃႈတီႈၸိူဝ်ႉၶိူဝ်းယႃႇၵုပ်ႈ၊ဢေႃႈ။-
27ၸဝ်ႈၽြႃးသမ်ႉမီးဢမိင်ႉဝႃႈ၊ ‘မိူဝ်ႈဢၼ်ၵဝ်ဢဝ်ပႅတ်ႈဢပျတ်ႈၶဝ်ၼၼ်ႉၸိုင်၊
ၵဝ်တၵ်းပၼ်ပတိၺိၺ်ႇတြႃးၼႆႉတီႈၶဝ်ဢေႃႈ၊’ ” ဝႃႈၼင်ႇၼႆၼၼ်ႉဢေႃႈ။ #တူၺ်း၊ ဢိ 27:9။ ဢိ 59:20-21
28ၵွပ်ႈပိူဝ်ႈၶဝ်ပႄႇပႅတ်ႈၶၢဝ်ႇတြႃးသိူဝ်းပျေႃႇၸဝ်ႈၼၼ်ႉလႄႈၵူၼ်းမဵဝ်းဢိသရေး၊ၶဝ်ပဵၼ်ရၢၼ်ႇသူႇၽြႃးပဵၼ်ၸဝ်ႈသေလႄႈလႆႈပဵၼ်ဢၵျူဝ်းပုၼ်ႈသူၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။ ၼင်ႇၼၼ်လႄႈၵွပ်ႈပိူဝ်ႈၽြႃးပဵၼ်ၸဝ်ႈ လိူၵ်ႈၵဵပ်းဢဝ်ၶဝ်ၼၼ်ႉလႄႈၶဝ်လႆႈပဵၼ်လုၵ်ႈႁၵ်ႉမၼ်းၸဝ်ႈၸွမ်းၼင်ႇၵတိမၼ်းၸဝ်ႈဝႆႉတီႈပူႇမွၼ်ႇၶဝ်တင်းလၢႆၼၼ်ႉဢေႃႈ။- 29ပဵၼ်ၵွပ်ႈၸိူဝ်ႉႁိုဝ်ဝႃႈၼႆၸမ်ႉ၊မၼ်းၸဝ်ႈဢမ်ႇမီးၸႂ်ဢၼ်ၶိုၼ်းၽွၵ်ႈပျၢၼ်ႇၵႃႈၼိူဝ်ၵျေးၸူးဢၼ်မၼ်းၸဝ်ႈလိူၵ်ႈၵဵပ်းႁွင်ႉဢဝ်ဝႆႉ ဢိၵ်ႇတင်းၵႃႈၼိူဝ်တၢင်းဢၼ်မၼ်းၸဝ်ႈပၼ်မၢင်ႇၵလႃႇတၢင်းလီၼၼ်ႉဢေႃႈ။- 30သူၸိူဝ်းဢၼ်ပဵၼ်ၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၼႆႉပိၵ်ႉသမ်ႉမိူဝ်ႈဢွၼ်တၢင်းၼၼ်ႉသူဢမ်ႇထွမ်ႇၵႂၢမ်းၽြႃးပဵၼ်ၸဝ်ႈသေၵေႃႈ တေႃႈလဵဝ်ၼႆႉသူလႆႈၶၢမ်ႇဢဝ်ၵျေးၸူးၵရုၼႃႇၸဝ်ႈၵွပ်ႈပိူဝ်ႈၵူၼ်းမဵဝ်းဢိသရေး၊ၶဝ်ဢမ်ႇထွမ်ႇၵႂၢမ်းမၼ်းၸဝ်ႈၼၼ်ႉယဝ်ႉ။- 31မိူၼ်ၼင်ႇၼၼ် ၵူၼ်းမဵဝ်းဢိသရေး၊ၶဝ်ဢမ်ႇထွမ်ႇၵႂၢမ်းတေႃႈလဵဝ်ၼႆႉသေၵေႃႈၵွပ်ႈပိူဝ်ႈသူလႆႈၶၢမ်ႇဢဝ်ၵျေးၸူးၵရုၼႃႇၸဝ်ႈယဝ်ႉလႄႈၶဝ်ၵေႃႈတၵ်းလႆႈၶၢမ်ႇဢဝ်ၵျေးၸူးၵရုၼႃႇၸဝ်ႈယဝ်ႉဢေႃႈ။- 32လွင်ႈမၼ်းၸမ်ႉ၊ၼင်ႇႁိုဝ်ၽြႃးပဵၼ်ၸဝ်ႈတၵ်းလႆႈၼႄပျႃးၵျေးၸူးၵရုၼႃႇမၼ်းၸဝ်ႈၵႃႈတီႈၵူၼ်းတင်းလၢႆၸိုင်၊မၼ်းၸဝ်ႈပွႆႇႁႂ်ႈၵူၼ်းတင်းလၢႆ ႁဵတ်းၸွမ်းဢလူဝ်ႇၵၢင်ၸႂ်ၶဝ်ဢၼ်ဢမ်ႇၶႂ်ႈထွမ်ႇဢဝ်ၵႂၢမ်းၽြႃးပဵၼ်ၸဝ်ႈၼၼ်ႉဢေႃႈ။
ၵႂၢမ်းယွင်ႈယေႃးၸဝ်ႈၽြႃး
33မုၼ်ၸေးၸိမ်ႇၽြႃးပဵၼ်ၸဝ်ႈယႂ်ႇၼႃႇဢေႃႈ။ ၺၢၼ်ႇပိင်ႇၺႃႇမၼ်းၸဝ်ႈလိုၵ်ႉလမ်ႇၼႃႇလူင်လၢင်ဢေႃႈ။ ၽူႈလႂ်တၵ်းၶိုတ်းထိုင်တၢင်းဢၼ်မၼ်းၸဝ်ႈၸီႇယၢင်ႇတႅပ်းတတ်းတြႃးၼၼ်ႉလႆႈ။ ၽူႈလႂ်တၵ်းႁုသဵၼ်ႈတၢင်းမၼ်းၸဝ်ႈလႆႈ။ 34မၼ်းပဵၼ်ၸွမ်းၼင်ႇၵျၢမ်းလိၵ်ႈတႅမ်ႈဝႆႉလႄႈဝႃႈ၊
“ၽူႈလႂ်ႁုၸႂ်သၽေႃးၸဝ်ႈၽြႃး။
ၽူႈလႂ်ၸၢင်ႈတိူင်ႇပၢင်ႇပၼ်ဢၵျၢမ်ႇမၼ်းၸဝ်ႈလႆႈ။ #တူၺ်း၊ ဢိ 40:13
35ၽူႈလႂ်ယၢမ်ႈပၼ်သေၸိူဝ်ႉသေပိူင်တီႈမၼ်းၸဝ်ႈ၊
ႁႂ်ႈမၼ်းၸဝ်ႈပေႃးလႆႈၶိုၼ်းတႅၼ်းပၼ်ၼၼ်ႉ၊” ဝႃႈၼင်ႇၼႆၼၼ်ႉဢေႃႈ။ #တူၺ်း၊ ယေႃး 41:11
36လွင်ႈမၼ်းၸမ်ႉ၊ၶိူင်ႈပိူင်ၵႃႈမီးၵူႈၸိူဝ်ႉၵူႈပိူင်ပဵၼ်မႃးသေၵႃႈတီႈမၼ်းၸဝ်ႈ၊ပဵၼ်ယူႇၵွပ်ႈပိူဝ်ႈမၼ်းၸဝ်ႈ၊ပုၼ်ႈတႃႇမၼ်းၸဝ်ႈဢေႃႈ။ ႁႂ်ႈမၼ်းၸဝ်ႈမီးမုၼ်ၽုင်းယူႇတႃႇသေႇဢမ်ႇထၢတ်ႇသေၵမ်းလူၺ်ႈ။ ဢႃမိၼ်ႈ။
Currently Selected:
ရူဝ်းမႃႉ 11: SHNCL
Highlight
Share
Compare
Copy
Want to have your highlights saved across all your devices? Sign up or sign in
