ရူဝ်းမႃႉ 10

1ပီႈၼွင်ႉၵဝ်တင်းလၢႆၶဝ်႟။ ၵဝ်မီးၸႂ်ၸေႇတၼႃႇလႄႈသူးတွင်းၽြႃးပဵၼ်ၸဝ်ႈႁႂ်ႈၵူၼ်းမဵဝ်းၵဝ်တင်းလၢႆႁွတ်ႈထိုင်တၢင်းဢၼ်ၵႄႇၶျွတ်ႈဢဝ်တႄႉတႄႉဢေႃႈ။- 2ၵဝ်ၶၢမ်ႇသၢၵ်ႈသေႇၽၢႆႇၶဝ်လွင်ႈဢၼ်ၶဝ်ၸႂ်ႁႅင်းယႂ်ႇၼႂ်းၽြႃးပဵၼ်ၸဝ်ႈၼၼ်ႉဢေႃႈ။ ၵူၺ်းၵႃႈ၊ၶဝ်ဢမ်ႇပွင်ႇၸႂ်ၼႂ်းၽြႃးပဵၼ်ၸဝ်ႈလီလီဢေႃႈ။- 3ပိူဝ်ႈဢၼ်ၶဝ်ဢမ်ႇပွင်ႇၸႂ်လွင်ႈတၢင်းဢၼ်တြႃးတၢင်းသိုဝ်ႈတေႃႇပဵၼ်မႃးၵႃႈတီႈၽြႃးပဵၼ်ၸဝ်ႈၼၼ်ႉလႄႈ ၶဝ်ၵျၢမ်ႇႁဵတ်းဢဝ်ၵူၺ်းၶဝ်ၸင်ႇၶဝ်ဢမ်ႇႁပ်ႉဢဝ်တြႃးတၢင်းသိုဝ်ႈတေႃႇၽြႃးပဵၼ်ၸဝ်ႈလႄႈယူႇဢေႃႈ။- 4လွင်ႈမၼ်းၸမ်ႉ၊ၸဝ်ႈၶရိၸ်ႈ၊ပဵၼ်တီႈသုတ်းတီႈၵွႆပိင်းၺၢပ်ႈတြႃးပုၼ်ႈလွင်ႈၼင်ႇႁိုဝ်ၶဝ်ၸိူဝ်းဢၼ်ယုမ်ႇမၢတ်ႈမၼ်းၸဝ်ႈၵူႈၵေႃႉလႆႈထိုင်ပဵၼ်ၵူၼ်းသိုဝ်ႈတေႃႇဢေႃႈ။

တြႃးတၢင်းဢၼ်ၵႄႇၶျွတ်ႈဢဝ်ပဵၼ်ပုၼ်ႈၵူၼ်းၵူႈၵေႃႉ

5ၼႆႉၸမ်ႉ၊ပဵၼ်ၵႂၢမ်းဢၼ်သြႃႇမူဝ်းသေႇ၊တႅမ်ႈဝႆႉလွင်ႈဢၼ်ၵူၼ်းလႆႈပဵၼ်ၵူၼ်းသိုဝ်ႈတေႃႇမႃး ၵွပ်ႈပိူဝ်ႈတၢင်းဢၼ်ၵမ်ၵျၢင်ႉၸွမ်းပိင်းၺၢပ်ႈတြႃးၼၼ်ႉလႄႈဝႃႈ၊ “ၵေႃႉဢၼ်ၵမ်ၵျၢင်ႉၸွမ်းပိင်းၺၢပ်ႈတြႃးၼၼ်ႉဢသၢၵ်ႈမၼ်းတၵ်းလိပ်းၵွပ်ႈပိူဝ်ႈတြႃးၼၼ်ႉဢေႃႈ၊” ဝႃႈၼင်ႇၼႆဢေႃႈ။-#တူၺ်း၊ ႁဵတ်း 18:5 6ၼႂ်းဝႃႈၼၼ်သေၵေႃႈမၼ်းသမ်ႉတႅမ်ႈဝႆႉလွင်ႈတၢင်းဢၼ်လႆႈပဵၼ်ၵူၼ်းသိုဝ်ႈတေႃႇၵွပ်ႈပိူဝ်ႈတၢင်းဢၼ်ယုမ်ႇမၢတ်ႈၼၼ်ႉလႄႈဝႃႈ၊ “ယႃႇပေထၢင်ႇၼႂ်းၸႂ်လႄႈဝႃႈ၊ ‘ၽူႈလႂ်တၵ်းၶိုၼ်ႈၵႂႃႇၵႃႈၼိူဝ်ၵၢင်ႁၢဝ်၊’” (ၶႂ်ႈဝႃႈၵႂႃႇဢဝ်ၸဝ်ႈၶရိၸ်ႈ၊လူင်းမႃးဢေႃႈ။) ဝႃႈၼင်ႇၼႆ၊- 7ဢမ်ႇၼၼ်ၵေႃႈ “ယႃႇပေဝႃႈ၊ ‘ၽူႈလႂ်တၵ်းလူင်းၵႂႃႇမိူင်းၶူင်းတႂ်ႈ၊’ (ၶႂ်ႈဝႃႈၵႂႃႇဢဝ်ၸဝ်ႈၶရိၸ်ႈ၊လုၵ်ႉၶိုၼ်ႈမႃးသေၵႃႈတီႈတၢင်းတၢႆဢေႃႈ။) ဝႃႈၼင်ႇၼႆ၊” ဝႃႈၼင်ႈၼႆတႅမ်ႈဝႆႉဢေႃႈ။- 8ၼႂ်းၵျၢမ်းလိၵ်ႈတႅမ်ႈဝႆႉမီးထႅင်ႈဝႃႈ၊ “တြႃးၸဝ်ႈမီးၸမ်ၵၼ်တင်းမႂ်း၊ၵႃႈတီႈၼႂ်းသူပ်းဢိၵ်ႇတင်းၼႂ်းႁူဝ်ၸႂ်မႂ်းဢေႃႈ၊” ဝႃႈၼင်ႇၼႆဢေႃႈ။ တြႃးၸဝ်ႈၼႆႉပဵၼ်တြႃးတၢင်းဢၼ်ယုမ်ႇမၢတ်ႈဢၼ်ႁဝ်းႁေႃးလၢတ်ႈယူႇၼႆႉဢေႃႈ။-#တူၺ်း၊ ႁေႃး 30:11-14 9ပေႃးမႂ်းဢဝ်တင်းသူပ်းမႂ်းႁပ်ႉတုင်းဢဝ်လွင်ႈ “ၸဝ်ႈယေႇသု၊ပဵၼ်ၸဝ်ႈၽြႃး” လႄႈယုမ်ႇၼႂ်းႁူဝ်ၸႂ်မႂ်းလွင်ႈဢၼ်ၽြႃးပဵၼ်ၸဝ်ႈဢဝ်မၼ်းၸဝ်ႈလုၵ်ႉသေၵႃႈတၢင်းတၢႆၶိုၼ်းလိပ်းမႃးၸိုင်၊မႂ်းတၵ်းလႆႈၶၢမ်ႇတၢင်းဢၼ်ၽြႃးပဵၼ်ၸဝ်ႈၵႄႇၶျွတ်ႈဢဝ်ဢေႃႈ။- 10လွင်ႈမၼ်းၸမ်ႉ၊ၵူၼ်းၸိုင်ဢဝ်တင်းႁူဝ်ၸႂ်ယုမ်ႇမၢတ်ႈၸင်ႇလႆႈထိုင်ပဵၼ်ၵူၼ်းသိုဝ်ႈတေႃႇဢေႃႈ။ ဢဝ်တင်းသူပ်းႁပ်ႉတုင်းဢဝ်လႄႈလႆႈၶၢမ်ႇတၢင်းဢၼ်ၵႄႇၶျွတ်ႈဢဝ်ဢေႃႈ။- 11ၵျၢမ်းလိၵ်ႈတႅမ်ႈဝႆႉမီးယူႇလႄႈဝႃႈ၊ “ၵူၼ်းၵေႃႉဢၼ်ယုမ်ႇမၢတ်ႈမၼ်းၸဝ်ႈၵူႈၵေႃႉတၵ်းဢမ်ႇလႆႈဢူၵ်းလႆႈဢၢႆပိူၼ်ႈ၊” ဝႃႈၼင်ႇၼႆဢေႃႈ။-#တူၺ်း၊ ဢိ 28:16 12ၽြႃးပဵၼ်ၸဝ်ႈပဵၼ်သူႇလဵဝ်ၽြႃးတီႈၵူၼ်းတင်းသဵင်ႈတင်းလူင်လႄႈမၼ်းၸဝ်ႈဢမ်ႇလိူၵ်ႈဢမ်ႇၶႂၢႆးၵူၼ်းမဵဝ်းၵျူး၊လႂ်တင်းၵူၼ်းမဵဝ်းတၢင်ႇၸိူဝ်ႉတၢင်ႇၶိူဝ်းၶဝ်သေလႄႈပၼ်မၢင်ႇၵလႃႇတၢင်းလီတီႈၶဝ်ၸိူဝ်းဢၼ်ၵၢဝ်ႇႁႃမၼ်းၸဝ်ႈၼၼ်ႉၵူႈၵေႃႉၵူႈၵူၼ်းဢေႃႈ။- 13မၼ်းမႅၼ်ႈၸွမ်းၼင်ႇဢၼ်ၼႂ်းၵျၢမ်းလိၵ်ႈတႅမ်ႈဝႆႉလႄႈဝႃႈ၊ “ၵူၼ်းၵေႃႉဢၼ်ၵၢဝ်ႇႁႃဢေႁႃၼႃႇမႃႉၸိုဝ်ႈသဵင်ၸဝ်ႈၽြႃးၵူႈၵေႃႉ တၵ်းလႆႈၶၢမ်ႇတၢင်းဢၼ်ၽြႃးပဵၼ်ၸဝ်ႈၵႄႇၶျွတ်ႈဢဝ်ဢေႃႈ၊” ဝႃႈၼင်ႇၼႆၼၼ်ႉဢေႃႈ။ #တူၺ်း၊ ယူဝ်းဢေႇ 2:32

14ၵူၺ်းၵႃႈ၊ယင်းဢမ်ႇပႆႇယုမ်ႇမၢတ်ႈၸိုင်၊ၶဝ်တၵ်းႁဵတ်းၸိူဝ်ႉႁိုဝ်ၵၢဝ်ႇႁႃဢေႁႃမၼ်းၸဝ်ႈလႆႈ။ လိူဝ်သေၼၼ်ႉပေႃးယင်းဢမ်ႇပႆႇငိၼ်းတြႃးၸဝ်ႈၸိုင်၊ၶဝ်တၵ်းႁဵတ်းၸိူဝ်ႉႁိုဝ်ယုမ်ႇမၢတ်ႈလႆႈ။ ပေႃးယင်းဢမ်ႇႁေႃးဢမ်ႇလၢတ်ႈၸိုင်၊သမ်ႉတၵ်းႁဵတ်းၸိူဝ်ႉႁိုဝ်လႆႈငိၼ်း။- 15ပေႃးၽူႈလႂ်ဢမ်ႇပွႆႇၸႂ်ႉၵူၼ်းၵႂႃႇႁေႃးလၢတ်ႈၸိုင်၊ၶၢဝ်ႇတြႃးၸဝ်ႈၼၼ်ႉတၵ်းႁဵတ်းၸိူဝ်ႉႁိုဝ်ႁေႃးလၢတ်ႈလႆႈ။ မၼ်းမႅၼ်ႈၸွမ်းၼင်ႇဢၼ်ၼႂ်းၵျၢမ်းလိၵ်ႈတႅမ်ႈဝႆႉလႄႈဝႃႈ၊ “လွင်ႈဢၼ်မီးၵူၼ်းမႃးႁေႃးလၢတ်ႈၶၢဝ်ႇတြႃးသိူဝ်းပျေႃႇၸဝ်ႈၼၼ်ႉပဵၼ်လွင်ႈဢၼ်မျၢတ်ႈလီၼႃႇဢေႃႈ၊” ဝႃႈၼင်ႇၼႆၼၼ်ႉဢေႃႈ။- 16ၵူၺ်းၵႃႈ၊ၶဝ်ၵူႈၵေႃႉဢမ်ႇႁပ်ႉတုင်းဢဝ်ၶၢဝ်ႇတြႃးသိူဝ်းပျေႃႇၼၼ်ႉ။ ပိူဝ်ႈၼႆလႄႈသြႃႇဢိသႃႇယႃႉ၊လၢတ်ႈလႄႈဝႃႈ၊ “ၸဝ်ႈႁဝ်းတီႈၶႃႈ။ ၽူႈလႂ်ယုမ်ႇမၢတ်ႈတြႃးၸဝ်ႈဢၼ်ႁဝ်းႁေႃးၼၼ်ႉတီႈၶႃႈ၊” ဝႃႈၼင်ႇၼႆဢေႃႈ။-#တူၺ်း၊ ဢိ 52:7-53:1 17ပိူဝ်ႈၼႆလႄႈတၢင်းဢၼ်လႆႈယုမ်ႇမၢတ်ႈၼၼ်ႉပဵၼ်မႃးၵွပ်ႈပိူဝ်ႈလႆႈထွမ်ႇလႆႈငိၼ်းၶၢဝ်ႇတြႃးသိူဝ်းပျေႃႇၸဝ်ႈဢေႃႈ။ ၶၢဝ်ႇတြႃးသိူဝ်းပျေႃႇၸဝ်ႈၼၼ်ႉပဵၼ်မႃးၵွပ်ႈပိူဝ်ႈႁေႃးလၢတ်ႈလွင်ႈၸဝ်ႈၶရိၸ်ႈ၊ဢေႃႈ။

18ၵူၺ်းၵႃႈ၊ၵဝ်ၶႂ်ႈထၢမ်လႄႈဝႃႈ၊ၶဝ်ဢမ်ႇပႆႇလႆႈငိၼ်းၶၢဝ်ႇတြႃးသိူဝ်းပျေႃႇၸဝ်ႈဢၼ်ဝႃႈၼၼ်ႉၸႂ်ႈတႄႉႁိုဝ်း။ ၶဝ်လႆႈငိၼ်းယဝ်ႉဢမၢၼ်ႇဢေႃႈ။ ၼႂ်းၵျၢမ်းလိၵ်ႈတႅမ်ႈဝႆႉလႄႈဝႃႈ၊

“သဵင်ၶဝ်ႁေႃးလၢတ်ႈတြႃးၸဝ်ႈၼၼ်ႉၸွတ်ႇတူဝ်ႈၵႂႃႇၵႃႈၼိူဝ်လိၼ်မိူင်းယဝ်ႉ။

ၶေႃႈၵႂၢမ်းၶဝ်ၽႅဝ်ၵႂႃႇတီႈႁိမ်းလႅၼ်သုတ်းလိၼ်မိူင်းပုၼ်ႉယဝ်ႉဢေႃႈ၊” ဝႃႈၼင်ႇၼႆဢေႃႈ။-#တူၺ်း၊ သႃႇ 19:4

19ၵဝ်သမ်ႉၶႂ်ႈထၢမ်ထႅင်ႈဝႃႈ၊ၵူၼ်းမဵဝ်းဢိသရေး၊ၶဝ်ဢမ်ႇႁုပွင်ႇၸႂ် ႁိုဝ်း။ သြႃႇမူဝ်းသေႇ၊ပဵၼ်ၵေႃႉဢၼ်ၶိုၼ်းတွပ်ႇၶေႃႈထၢမ်ၼႆႉဢွၼ်တၢင်းပိူၼ်ႈလႄႈဝႃႈ၊

“ၸဝ်ႈၽြႃးလၢတ်ႈဝႃႈ၊ ‘ၵဝ်တၵ်းႁဵတ်းႁႂ်ႈသူၶွႆၵူၼ်းမဵဝ်းဢၼ်ဢမ်ႇမီးမိူင်းၼၼ်ႉဢေႃႈ။

ၵဝ်တၵ်းႁဵတ်းႁႂ်ႈသူဢွၵ်ႇတေႃးသႃႉၶႂ်ႈၸႃႉၵူၼ်းမဵဝ်းဢၼ်ငိူဝ်ႈငႃႉၼၼ်ႉဢေႃႈ၊’” ဝႃႈၼင်ႇၼႆဢေႃႈ။-#တူၺ်း၊ ႁေႃး 32:21 20သြႃႇဢိသႃႇယႃႉ၊သမ်ႉယဵင်ႈၶႅၼ်းႁတ်းလၢတ်ႈသိုဝ်ႈသိုဝ်ႈလႄႈဝႃႈ၊

“ၸဝ်ႈၽြႃးလၢတ်ႈဝႃႈ၊ ‘ၶဝ်ၸိူဝ်းဢၼ်ဢမ်ႇသွၵ်ႈႁႃၵဝ်ၼၼ်ႉထူပ်းႁၼ်ၵဝ်ယဝ်ႉ။

ၵဝ်လႆႈၼႄပျႃးတူဝ်ၵဝ်ၵႃႈတီႈၶဝ်ၸိူဝ်းဢၼ်ဢမ်ႇထၢမ်ႁႃၵဝ်ၼၼ်ႉယဝ်ႉ၊’” ဝႃႈၼင်ႇၼႆၼၼ်ႉဢေႃႈ။

21ၵူၺ်းၵႃႈ၊ၸၢပ်ႈသႅင်ႇလူၺ်ႈလွင်ႈၵူၼ်းမဵဝ်းဢိသရေး၊ၶဝ်ၼၼ်ႉမၼ်းသမ်ႉလၢတ်ႈလႄႈဝႃႈ၊ “ၸဝ်ႈၽြႃးလၢတ်ႈဝႃႈ၊ ‘ၵဝ်ယိုၼ်းမိုဝ်းၵဝ်တင်းဝၼ်းပႂ်ႉႁပ်ႉၶဝ်ၸိူဝ်းဢၼ်ဢမ်ႇထွမ်ႇၵႂၢမ်းၵဝ်သေသၢၼ်ၶတ်းၵဝ်ၸိူဝ်းၼၼ်ႉဢေႃႈ၊’” ဝႃႈၼင်ႇၼႆဢေႃႈ။ #တူၺ်း၊ ဢိ 65:1-2

Currently Selected:

ရူဝ်းမႃႉ 10: SHNCL

Highlight

Compare

Copy