Popular Bible Verses from ရူဝ်းမႃႉ 11

Share

လွင်ႈ​မၼ်း​ၸမ်ႉ၊ၶိူင်ႈပိူင်​ၵႃႈမီး​ၵူႈၸိူဝ်ႉၵူႈပိူင်​ပဵၼ်​မႃး​သေ​ၵႃႈတီႈ​မၼ်းၸဝ်ႈ၊ပဵၼ်​ယူႇ​ၵွပ်ႈပိူဝ်ႈ​မၼ်းၸဝ်ႈ၊ပုၼ်ႈတႃႇ​မၼ်းၸဝ်ႈ​ဢေႃႈ။ ႁႂ်ႈ​မၼ်းၸဝ်ႈ​မီး​မုၼ်ၽုင်း​ယူႇ​တႃႇသေႇ​ဢမ်ႇထၢတ်ႇ​သေၵမ်း​လူၺ်ႈ။ ဢႃမိၼ်ႈ။

မုၼ်​ၸေးၸိမ်ႇ​ၽြႃးပဵၼ်ၸဝ်ႈ​ယႂ်ႇ​ၼႃႇ​ဢေႃႈ။ ၺၢၼ်ႇ​ပိင်ႇၺႃႇ​မၼ်းၸဝ်ႈ​လိုၵ်ႉ​လမ်ႇ​ၼႃႇ​လူင်လၢင်​ဢေႃႈ။ ၽူႈလႂ်​တၵ်း​ၶိုတ်း​ထိုင်​တၢင်း​ဢၼ်​မၼ်းၸဝ်ႈ​ၸီႇယၢင်ႇ​တႅပ်းတတ်း​တြႃး​ၼၼ်ႉ​လႆႈ။ ၽူႈလႂ်​တၵ်း​ႁု​သဵၼ်ႈတၢင်း​မၼ်းၸဝ်ႈ​လႆႈ။

မၼ်း​ပဵၼ်​ၸွမ်းၼင်ႇ​ၵျၢမ်းလိၵ်ႈ​တႅမ်ႈ​ဝႆႉ​လႄႈ​ဝႃႈ၊ “ၽူႈလႂ်​ႁု​ၸႂ်သၽေႃး​ၸဝ်ႈ​ၽြႃး။ ၽူႈလႂ်​ၸၢင်ႈ​တိူင်ႇပၢင်ႇ​ပၼ်​ဢၵျၢမ်ႇ​မၼ်းၸဝ်ႈ​လႆႈ။

မိူၼ်ၼင်ႇ​ၼၼ် ယၢမ်း​မိူဝ်ႈလဵဝ်​ၵေႃႈ ၶဝ်​ၸိူဝ်း​ဢၼ်​ၽြႃးပဵၼ်ၸဝ်ႈ​ဢဝ်​တင်း​ၵျေးၸူး​ၸဝ်ႈ​တၢင်း​ဢၼ်​ဢဵတ်းလူ​လိူၵ်ႈၵဵပ်း​ဢဝ်​ဝႆႉ​ၼၼ်ႉ​ၸိူဝ်း​ဢၼ်​ၵိုတ်းၵျၢၼ်ႇ​ဝႆႉ​ယင်း​မီး​ယူႇ​ဢေႃႈ။- ပေႃး​မၼ်း​ပဵၼ်​ၵွပ်ႈပိူဝ်ႈ​ၵျေးၸူး​ၸဝ်ႈ​ၸိုင်၊မၼ်း​ဢမ်ႇၸႂ်ႈ​ၵွပ်ႈပိူဝ်ႈ​တၢင်းၵမ်​တၢင်းၵျၢင်ႉ​ၶဝ်။ သင်​ဝႃႈ​တၢင်း​ဢၼ်​လိူၵ်ႈၵဵပ်း​ဢဝ်​ၼၼ်ႉ​ပဵၼ်​ၵွပ်ႈပိူဝ်ႈ​တၢင်းၵမ်​တၢင်းၵျၢင်ႉ​ၸိုင်၊ၵျေးၸူး​ၸဝ်ႈ​ၼၼ်ႉ​ဢမ်ႇ​ပဵၼ်​ၵျေးၸူး​ၸဝ်ႈ​ၸႅတ်ႈ​ၸႅတ်ႈ​ယဝ်ႉ​ဢေႃႈ။

ၵိင်ႇ​တူၼ်ႈသၢၼ်ႇလုၼ်ႇ​ဢၼ်​လုမ်းလႃး​ဝႆႉ​လီ​လီ​ၵမ်ႈၽွင်ႈ​ၼၼ်ႉ​ၸဝ်ႈ​မၼ်း​တႅပ်း​သေယဝ်ႉ၊သမ်ႉ​ဢဝ်​ၵိင်ႇ​တူၼ်ႈသၢၼ်ႇလုၼ်ႇ​ထိူၼ်ႇ​မႃး​ၵပ်း​သႂ်ႇ​ၵႃႈတီႈ​တေႃမႆႉ​ၵဝ်ႇ​ၼၼ်ႉ​ဢေႃႈ။ သူ​ၸိူဝ်း​ဢၼ်​ပဵၼ်​ၵူၼ်း​မဵဝ်း​တၢင်ႇၸိူဝ်ႉတၢင်ႇၶိူဝ်း​ၼႆႉ​ပဵၼ်​ၸိူဝ်ႉ​ၼင်ႇ​ၵိင်ႇ​တူၼ်ႈသၢၼ်ႇလုၼ်ႇ​ထိူၼ်ႇ​ၼၼ်ႉ​လႄႈ​တေႃႈလဵဝ်​ၼႆႉ​သူ​လႆႈ​ၶၢမ်ႇ​ဢဝ်​ဢၵျူဝ်း​ၽၢႆႇ​ၸႂ်ဝိၺိၺ်ႇ​ႁူမ်ႈ​ၵၼ်​တင်း​ၵူၼ်း​မဵဝ်း​ ဢိသရေး၊ ၶဝ်​ယဝ်ႉ​ဢေႃႈ။- ၵွပ်ႈပိူဝ်ႈ​ဢၼ်​ပဵၼ်​ၸိူဝ်ႉ​ၼင်ႇ​ၼႆ​လႄႈ​သူ​ယႃႇပေ​သႄႉသွမ်း​ၶဝ်​ၸိူဝ်း​ဢၼ်​ၽြႃးပဵၼ်ၸဝ်ႈ​တႅပ်း​ၶဝ်​မိူၼ်​ၸိူဝ်ႉ​ၼင်ႇ​ၵိင်ႇ​ဢၼ်​ႁၵ်း​ၵႂႃႇ​ၼၼ်ႉ။ သူ​တိုၼ်း​ဢမ်ႇ​မီး​ဢၶႂၢင်ႉ​ဢၼ်​တၵ်း​လႆႈ​ဢုပ်ႇ​ဝၢဝ်း​တေႃႇ​ၵိင်ႇ​ဢၼ်​ၶၢတ်ႇ​ၵႂႃႇ​ၼၼ်ႉ​လႃးလႃး။ သူ​ပဵၼ်​ၵိင်ႇမႆႉ​ၵူၺ်း​ဢေႃႈ။ ၵိင်ႇ​မၼ်း​ဢမ်ႇ​လဵင်ႉ​ငဝ်ႈႁၢၵ်ႈ​တူၼ်ႈ။ ငဝ်ႈႁၢၵ်ႈ​တူၼ်ႈ​လဵင်ႉ​ၵိင်ႇ​မၼ်း​ဢေႃႈ။