Abia (Psaumes) 136
136
Singila na Nzapa, Wasongo azo ti Israel
1 Ala azo, ala mu singila na *KOTA GBIA,
ngbanga ti so lo yeke nzoni.
– Biani, nzoni be ti lo angba kpu na kpu!
2Ala mu singila na Nzapa ti anzapa!
– Biani, nzoni be ti lo angba kpu na kpu!
3Ala mu singila na Kota Gbia ti akota gbia!
– Biani, nzoni be ti lo angba kpu na kpu!
4Lo oko laa lo sara akota ye ti kpene!
– Biani, nzoni be ti lo angba kpu na kpu!
5 Lo sara yayu na lege ti ndara.
– Biani, nzoni be ti lo angba kpu na kpu!
6 Lo sara si sese aluti na ndö ti angu.
– Biani, nzoni be ti lo angba kpu na kpu!
7Lo sara akota ye so ayeke su na le ti nduzu:
– Biani, nzoni be ti lo angba kpu na kpu!
8lâ ti duti makonzi na kota lâ,
– Biani, nzoni be ti lo angba kpu na kpu!
9 nze na atongoro ti duti amakonzi na bi.
– Biani, nzoni be ti lo angba kpu na kpu!
10 Lo fâ akozo molenge-koli na Ezipte,
– Biani, nzoni be ti lo angba kpu na kpu!
11 lo mu azo ti Israel na popo ti ala, lo sigigi na ala.
– Biani, nzoni be ti lo angba kpu na kpu!
12lo sara so na lege ti ngangu ti maboko ti lo,
na lege ti maboko ti lo so lo yoro.
– Biani, nzoni be ti lo angba kpu na kpu!
13Lo kangbi ya ti kota ngu-ingo ti Asosongo,
– Biani, nzoni be ti lo angba kpu na kpu!
14lo sara si azo ti Israel ahon na popo ni,
– Biani, nzoni be ti lo angba kpu na kpu!
15 Lo tuku gbia Faraon na aturugu ti lo
na ya ti kota ngu-ingo ti Asosongo.
– Biani, nzoni be ti lo angba kpu na kpu!
16Lo fa lege na azo ti lo na ya ti benyama.
– Biani, nzoni be ti lo angba kpu na kpu!
17Lo fâ akota gbia.
– Biani, nzoni be ti lo angba kpu na kpu!
18Lo fâ angangu gbia:
– Biani, nzoni be ti lo angba kpu na kpu!
19 Sihon, gbia ti azo ti mara ti Amori,
– Biani, nzoni be ti lo angba kpu na kpu!
20 na Og, gbia ti Bashan.
– Biani, nzoni be ti lo angba kpu na kpu!
21Lo mu sese ti ala titene aga ti azo ti lo,
– Biani, nzoni be ti lo angba kpu na kpu!
22lo mu na azo ti Israel, azo ti kua ti lo titene aga ye ti ala.
– Biani, nzoni be ti lo angba kpu na kpu!
23So ye ahon ndö ti e, lo dabe ti lo na e.
– Biani, nzoni be ti lo angba kpu na kpu!
24Lo zi e na maboko ti awato ti e.
– Biani, nzoni be ti lo angba kpu na kpu!
25 Lo yeke mu kobe na aye so kue ayeke na fini.
– Biani, nzoni be ti lo angba kpu na kpu!
26Ala mu singila na Nzapa ti yayu!
– Biani, nzoni be ti lo angba kpu na kpu!
Currently Selected:
Abia (Psaumes) 136: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010