Abia (Psaumes) 137
137
Kâ na yanga ti abale ti Babilone
1Kâ na yanga ti *abale ti Babilone,
e duti si e yeke toto
na ndembe so be ti e ati na ndö ti *Sion.
2E zia akundi ti e na nduzu
na ya ti akeke ti yanga ti ngu ni.
3Kâ, azo so agbu e na ya ti bira si aga na e ge so
ahunda na e ti he bia;
azo so asara ngangu na e
ahunda na e ti he bia ti ziango ngia na be ti zo,
ala tene: “Ala he na e mbeni bia ti Sion!”
4Me so e yeke ge na sese ti awande so,
fade e yeke he bia ti KOTA GBIA tongana nyen?
5Jérusalem, tongana mbi girisa mo,
ayeke nzoni maboko ti mbi ti koli akui!
6Tongana mbi dabe ti mbi na mo pepe,
tongana mbi ye aye so kue anzere na mbi ahon Jérusalem,
ayeke nzoni menga ti mbi ahole holengo na yanga ti mbi.
7KOTA GBIA, dabe ti mo na azo ti Edom;
ando, na ngoi so ye ti ngangu asi na Jérusalem,
ala tene: “Kungbi ni, kungbi ni ngbii asi na agere ni kue!”
8 Mo gbata ti Babilone, so mo yeke ku
titene a hunzi mo biani biani so!
Ti lo nzoni, zo so ayeke sara na mo
alingbi na ye so mo sara na e!
9Ti lo nzoni,
zo so ayeke mu akete molenge ti mo
ti nika ala na ndö ti kota têne!
Currently Selected:
Abia (Psaumes) 137: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010