Matayo 3
3
Okwegeresa kwa Yoanne Omubatiza
(Mar 1:1-8; Luk 3:1-9, 15-17; Yoa 1:19-28)
1Mu nnaku edho, Yoanne Omubatiza yaatuuka era yaayegeresa mu irungu ery'e Buyudaaya, 2#Mat 4:17; Mar 1:15 yaakoba ati: “Mwenenie kuba Obwakyabazinga obw'omu igulu buseese.” 3#Isa 40:3 Ono, omulanzi Isaia ye yayogeraku bwe yakoba ati:
“Ghaligho amamiro g'oyo alangirira mu irungu ati:
‘Mutegeke Musengwa gh'anaabita,
era mutereeze obugira bwe.’ ”
4 #
2 Bakyab 1:8
Yoanne ono, yali n'ekivaalo kye nga kya buviiri bwa ngamiya n'olukoba olw'oluwu mu nkende era emere ye yali nga nzige na mudheenene gwa mu nsiko. 5Abantu okuva e Yerusalemu ni mu Buyudaaya mwonamwona, ni mu biketezo ebiriinaine omwiga Yorudani boonaboona baaja y'ali 6era yaababatiza mu mwiga Yorudani nga bwe baatula ebibi byaibwe.
7 #
Mat 12:34; 23:33 Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha? 8Kale ni mwanie ebibala ebyoleka okwenenia. 9#Yoa 8:33 Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana! 10#Mat 7:19 Kwo n'okuba empasa eteereibwa ku kikolo eky'emiti kale buli muti ogutaania bibala bikalamu gwa kutemebwa gusuulibwe mu muliro.
11“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro. 12#Mag 5:14, 23 Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”
Okubatizibwa kwa Yesu
(Mar 1:9-11; Luk 3:21-22)
13Agho Yesu yaava e Galilaaya yaatuuka ku Yorudani ye Yoanne, Yoanne amubatize. 14Yoanne yaagezaaku okumulobera ng'akoba ati: “Ninze ngwaine iwe ombatize kabiri niiwe oidha ye ndi?”
15Yesu yaamukoba ati: “Mperaano leka kibe kityo kuba tutyo ife bwe tugwaine okutuukiriza obutuufu bwonabwona.” Agho yaamuganha.
16Yesu bwe yamala okubatizibwa, mangu ago yaava mu maadhi, era okuja okubona ng'eigulu limubwikulirwa, yaabona Mwoyo wa Katonda ng'aika ng'enjiibwa, ng'amwikaku. 17#Mainh 22:2; Zab 2:7; Isa 42:1; Mat 12:18; 17:5; Mar 1:11; Luk 9:35 N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”
Currently Selected:
Matayo 3: Sog
Highlight
Share
Copy
Want to have your highlights saved across all your devices? Sign up or sign in
Baibuli Ekibono kya Katonda © The Bible Society of Uganda, 2014