Salmo 93
93
Dwata i harì
Ani satu lingag di kfangamfù
1Amugu Dwata i harì! Kamlaweh kenen i bong kdatahan na enegan,
du toon fite di kgimoan i banwe;
too mgagid i gufkahan dun,
na là mgingok.
2Amugu Dwata, ge magot kdee mdà di katbuan;
na di là fa matbù i kdee, tagnè ge déén.
3Amugu Dwata, too lamyak i dad mahin;
i luk i dad malbang lwekla too mgal.
4Kabay Amugu Dwata ditù di langit, too mgal i kagotam i kdee,
mgal fa di luk i dad malbang yéél,
mgal fa di malbang lwek di mahin.
5Kdee gmanam, landè kgumanan;
na du matlu ge, Amugu Dwata,
gablà ku matlu i kdee nimò di Bong Gumneam kel di landè sen.
Currently Selected:
Salmo 93: ITD
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
