Rom Dãmba 9

A Israyɛl pʋɩɩr yɩɩ toore

1Ne Krista m togsda sɩda, m ka yagd ziri ye, — a Vʋʋsem Sõng meng kaset la m tar m sũurẽ — 2m togsdame tɩ sũ-sãang la toog n tar maam n namsd wakat buud fãa. 3M tʋllẽ lame tɩ Wẽnnaam yãk m barka, m tʋllẽ lame n welg ne Krista, dẽ sã n tõe n nafẽ m saam-biisã, 4#Ey 9,4. sẽn ya-b bũmb a ye ne maam rogmẽ wã, sẽn ya-b Israyɛl kamba, Wẽnd kom-wubdsi, Wẽnd Ziira vẽenem sẽn bui b rãmba, Wẽnd sẽn yõg zood ne b rãmba, Wẽnd sẽn kõ b rãmb b noy, Wẽnd sẽn wilg b rãmb waoogr ning b sẽn dat ninsaalb nengẽ, Wẽnd sẽn kãab b rãmb noogo, 5Wẽnd sẽn kãab b rãmb yaab sõma, yaab niyns sẽn dog Krista, sã n ya tẽng zug rogma, la Krista yɩɩda bũmb fãa, tɩ b yaa Wẽnd n tog ne pẽgr sẽn kõn sɛ. Ami!

Wẽnd ka mi belgr ye

6Ka rat n yeel tɩ Wẽnd kãabga lʋɩɩ vɩʋʋgẽ ye. Y mens miime bala tɩ ka a Israyɛl kamba fãa la a Israyɛl ye. 7#Bs 21,12. Yaa wala y sẽn mi t'a Abraam yagensã fãa kaa Abraam sẽn dog a toor ye. Na n tũu ne a Izaak tɩ yagens kẽer na n ges foo wa b sɩgre, 8dẽ rat n yeelame tɩ ka yĩnga sẽn dogd la Wẽnnaam kamb bal ye, kãabga kamb me yaa Wẽnd kamba. 9#Bs 18,10. Kãabga kãaba woto: Vẽer woto sasa, m na lɛɛg n wa, la a Sara na n doga biiga. 10Ad bũmba to sẽn ya vẽenega n yɩɩda: a Rebeka waa n dɩka pʋga, d ba a ye maasmẽ, d ba a Izaak maasmẽ. 11La a sẽn waa n nan ka rog a kinkirsã, tɩ kinkirsã me nan ka mi wẽng la neere, 12#Bs 25,23. sẽn na n yɩlẽ tɩ b bãng tɩ Wẽnd boolg tũuda ne Wẽnd raabo, la a ka tũud ninsaal tʋʋma, a Izaak wʋma b sẽn yeele: «Kãsma na n yɩɩ yao wã sõgne;» 13#Ml 1,2-3. la sɩda woto n be sebrẽ: «M nonga a Zakoob la m kisga a Ezayu.»

Wẽnd ka mi kegr ye

14M yeelame tɩ bõe? Tɩ Wẽnd maanda sẽn ka zemsde? Ka boto ye. 15#Ey 33,19. B yeela a Moyiiz: «M zoeta m sẽn zoet a soab nimbãanega, m kũmda m sẽn kũmd a soaba.» 16Ka sẽn nong-a, ka sẽn zoet-a n pʋgd Wẽnd pʋlengo n paamd-a ye, ya Wẽnd sẽn zoe a soab nimbãanega n paamd-a. 17#Ey 9,16. Ad sebra sẽn yet Ezipt naaba: M kõ-f la naama ne m daabo n na n tũ foo n wilg nebã m pãnga tɩ m yʋʋr paam pẽgr dũni fãa pʋgẽ. 18Sɩda Wẽnd zoeta b sẽn dat a soab nimbãanega la b kidibda b sẽn dat a soab sũuri.

19Fo na n yeel-m lame: «Yaa bõe la a le zĩi n sãbsdẽ yɛsa? Ãnda n tõe n kɩɩs Wẽnnaam daabo?» 20#Iz 29,16; 45,9. Ninsaal biiga, foo la a bõe n na n wẽ no-koeemd ne Wẽnde? Ninsaal sẽn naan bũmb ninga na yik n yeel-a: «Bõe yĩng tɩ f naan m woto?» 21Yagda ka tõe n dɩk yagd yɛnga n yag laok sẽn tar neerem n zems bala bɩ laok sẽn be neer wʋsg sɩda? 22Ad-y yaa Wẽnd sẽn tʋlg n wilg tɩ ba b sũur puuda, b tara pãnga n tõe n yõk b menga ne lagd kẽer sẽn da yikd b sũuri n tog ne wãabo, n yaool n ka wã-b ye. 23Ad-y yaa b sẽn dat n wilg b ziira la b pãnga, la lagd kẽer paam tɩ b kũm-b nimbãanegã n segl-b al pĩnda tɩ b ya ziir lagdo, lagd sẽn yag b pẽgr yĩnga. 24La yaa woto la b maan ne tõnd, n sʋk-do Zʋɩf rãmba la bu-zẽmba sʋka.

A Israyɛl tõdgre

25 # Oz 2,25. Yaa woto la b gomd a Oze sebrẽ: «Sẽn da ka m buud neba la m na bool tɩ m buudu, la pʋg-beooga la m na n bool tɩ rʋmde, 26#Oz 2,1. b sẽn deng n wʋm zĩig ning tɩ b ka Wẽnnaam neba, zĩ kãng la b na n bool-b tɩ Wẽnnaam vɩɩga kamba.» 27A Izayi yeela a Israyɛl poorẽ: «Ba a Israyɛl kamba sõor sã n da taẽ la bĩisri sẽn be mogr noore, ad-y yaa b sẽn kees b rãmba bala n na n fãage, 28#Iz 10,22-23. tɩ tao tao la vugr bala Wẽnnaam na n pidsa b kãabga tẽng zugu.» 29#Iz 1,9. Wala a Izayi sẽn pĩnd n yeele: «Tãnsoab a Wẽnd sã n da ka keesẽ buudu, tõnd lebgẽ la wala Sodom la Gomor.»

30M na n kʋʋ m koɛɛga wãn wãna? Ade, Bu-zẽmba sẽn da ka baood sõmblem paam-a lame la yaa tẽeb sẽn wat ne sõmblem ningã. 31A Israyɛl sẽn da tũud noorã n tẽed ta na kõ-a sõmblem, a raaba ka pids ye. 32La yɩɩ bõe yĩnga? T'a basa a tẽeba teegre n teeg a tʋʋma. La woto b laka b lʋɩɩs kugri, 33#Iz 28,16. wala sẽn gʋlse: «Lakr kugr la m vigl Siõ pʋgẽ, m bẽd-y la ne pĩiga sẽn lubd neba, Siõ pʋgẽ; la ned ning sẽn yaool n dell-a pĩ-kãng kõn paam yãnd ye.»

Currently Selected:

Rom Dãmba 9: SSDC98

Highlight

Copy

Compare