Rom Dãmba 10

Zʋɩf rãmb ka bãng Wẽnd sõmblem ye

1M sẽn dat bũmb ning ne m sũur fãa la m sẽn pʋʋsd bũmb ning yĩnga, yaa m saam-biisa maan b sɩɩg fãagre. 2M tõe n kõo kaset tɩ b ka tũud Wẽnnaam ne reem ye; bũmb sẽn be bala, yaa b yama n nan ka vẽneg tɩ seke. 3B sẽn ka mi Wẽnd sõmblem sẽn ya a soaba, b ka bao-a ye, b bas-a lame n na n bao b toorẽ dẽnna. 4B ka bãng tɩ Wẽnnaam kõ b noya tɩ b tall ninsaal n tãag Krista sẽn ya tẽed fãa manegd ye.

5 # Man 18,5. A Moyiiz gʋlsa noya sẽn wat ne manegr ninga poorẽ n yeel tɩ ninsaal sã n tũ-ba, b tõe n kõ-a la vɩɩm. 6Tẽeb sen wat ne manegr ninga poorẽ, ad-a sẽn gʋlse: «Da yeel f sũurẽ: ãnda n tõe n dʋ yĩngri,» n dʋ yĩngr n sik Krista? 7Bɩ ãnda n tõe n sig bʋg-tẽnga n yiis Krista kɩɩms sʋka. 8#Yao 30,12-14. Bõe la a pʋs n yeele? A yeelame: «Koɛɛga pẽ-f lame, a be f noorẽ, a be f sũurẽ,» yaa tõnd sẽn moond tẽeb ninga koɛɛga. 9Sɩda, fo fãag n sɛɛme, f noor sã n togs t'a Zezi la Soaala tɩ f sũur deeg tɩ Wẽnd vʋʋg-b la kɩɩms sʋka. 10Fo sẽn tẽed f sũurẽ n wat ne f manegre, la f noor toagsg wata ne f fãagre. 11#Iz 28,16. Ka sebr sõng n togsd tɩ ned ning fãa sẽn tẽed-a kõn paam yãnd bɩ? 12Ad-y yaa rẽ yĩng la bũmb ka welg Grɛk ne Zʋɩf ye: b yiiba fãa tara Soaal a ye bala la Soaala kelgda neb niyns fãa sẽn yõkd b sɛɛga. 13#Zl 3,5. D karma sebr sõng pʋgẽ tɩ ned ninga sẽn na n yõka Soaala sɛɛga na n kẽe fãagr pʋgẽ.

Sẽn zãgsa tẽeba paalgda menga

14B na n yɩɩ wãn n yõk Soaala sɛɛga tẽeb sã n ka reng n beẽ, la tẽeb na n yɩɩ wãn n zĩndi wʋmb sã n ka reng taoore, la b na n yɩɩ wãn n wʋm, koɛɛgã sã n ka reng n moone, 15#Iz 52,7. la koɛɛg na n yii yɛ sã n ka sẽn tʋm a soaba nengẽ, wala sebr sõng sẽn togsde: «Ad-y b sẽn tʋm b rãmb tɩ b saa n togs Koe-noogã, ad-b nao be neere.» 16#Iz 53,1. Da tẽ-y tɩ neba fãa n deeg Koe-nooga ye, t'a Izayi n yeele: «Ãnda n deeg d sẽn togs bũmb ningã?» 17Sɩd yaa wilgri n dengd taoore tɩ tẽeb yaool n wa la wilgra yita Krista gomnẽ.

18 # Yɩ 19,5. Bas-y tɩ m sok n gese, y tẽedame tɩ koɛɛga la b pa wʋme? Mooga tõr wʋma b rãamde la b gomda taa mooga yaanga. 19#Yao 32,21. Bas-y tɩ m le sok n gese, y tẽedame t'a Israyɛl ka wʋm bɩ? Bãng-y t'a Moyiiz reng n togsame: «M na n kɩtame tɩ buud sẽn ka bu-sõng yamleoog yõk yã; m na kɩt tɩ y wa sãbs buud a ye, a sẽn ka bãng yam yĩnga.» 20#Iz 65,1. A Izayi saag n le paasame: «Sẽn da ka baood-b maam, yãend-m lame, m lika m meng sẽn da ka sokd-b mam yelle.» 21#Iz 65,2. Ad-a sẽn leok a Israyɛl poorẽ: «M tuda m nug beoog sẽn wẽege, m tud-a la tõatba la tʋb-pa-wʋmdba.»

Currently Selected:

Rom Dãmba 10: SSDC98

Highlight

Copy

Compare