2KORẼNT RÃMBA 2

1Maam bal n yeel m sũurẽ tɩ m pa na n leb y nengẽ y sũ-sãanga pʋgẽ ye. 2Sã n ya maam n sãamd yãmb sũuri wilg-y m sẽn na n paam sũ-nooga zĩig ninga sã n ka m sẽn sãam b rãmb sũurã nengẽ? 3M sã n gʋls-y y sẽn mi wã, yaa m sẽn pa rat tɩ m waoonga yɩ sũ-sãang ne neb niyns sẽn da tog n pids-m ne sũ-noogo; m mii vẽenega tɩ m sũ-noog yaa yãmb me rẽnda. 4Sɩda, yaa ne yam-yoodre, ne sũ-weoogre, n paas nintãm la m gʋls yãmba la m da pa maan dẽ n na n sãam y sũur ye; yɩla y bãng nonglem kãseng ning sẽn be m sũurẽ y yĩnga.

Kõ-y bɛɛgda sugri

5Sã n ya ne ned ninga sẽn waa ne beegrã, ad-y ka maam bal la a beegr ye — la m kõn paas tɩ yɩɩg woto ye — a beega yãmb me. 6Nin-kãng sẽn paam kʋʋnga sɩbgrã, sekame. 7B sẽn pʋs n na n kõ-a sugr la raoodo n são, sã n ka rẽ a sũ-sãanga wat n loogame. 8M kot-y lame tɩ y maan zood ne a n yɩɩge. 9M gʋlsd-y la seb kãngã n na n dɩ kaseto, n na n bãng y sakra sẽn ta zĩig ninga. 10Y sẽn kõ a soab sugrã, mam me kõn mong-a ye; la m sã n kõ-a sugr wala a ra tara m sugr tʋʋmde, yaa yãmb nonglem yĩnga la Krista sẽn be d sʋkã yĩnga. 11D da bas tɩ Sʋtãan belg-do tɩ d mi a geelsa fãa.

Masedoan kẽnd võore

12M taa Troas n moon Krista Koe-noogã. M mikame tɩ Soaala paka kʋɩlensa yalengo n kõ-m be, 13#Tv 20,1. baasg fãa m sũura pa tol n gãand laafi tɩ m pa yãend m saam-biig a Tit ye. M pʋʋs-b lame n le wẽnemd n dɩk Masedoan tẽng sor.

Krista tõogo

14Wẽnd paam barka! Bãmb tũnuga Krista n peeg tõnd tɩ d pʋgd d Tãnsoab sẽn tõog a bɛɛba la d yelgd zĩig zãnga bãmb bãngrã yũ-noogo. 15Wẽnd nifẽ, tõnd sɩd yaa Krista yũ-noogo, sẽn paam b fãagra sʋka wa sẽn na n kong-bã. 16Bogr a ye yĩnga yũuga yaa kũum yũugu n wat ne kũum. Bogra to wã yĩnga, yũuga yaa vɩɩm yũugu n wat ne vɩɩm. La ãnda n tõe tʋʋmd a woto? 17Tõnd ka ya wa neb wʋsgo sẽn pund koom n paasd Wẽnd gomda ye, ayoo! D yaa neb sẽn pelg b sũuri, n gomd ne Krista sɩda, Wẽnd taoore, wa neb sẽn deeg b tʋʋmda Wẽnd nengẽ.

Currently Selected:

2KORẼNT RÃMBA 2: SSDC98

Highlight

Copy

Compare