1KORẼNT RÃMBA 16
16
Sebra baasgo; sagls kẽer la pʋʋsgo
1 #
Rm 15,25-26. Sã n ya ligda lobr nin-sõma sõngr yĩnga bɩ y tũ noor ning m sẽn kõ tẽedba fãa sẽn be Galasi. 2Dasem a yopoe-poe wã pipi daare bɩ ned kam fãa kẽgs n bĩng ligd a nengẽ la y ra gũ tɩ m wa tɩ y yaool n sɩng n tigs ye. 3M sã n ta, m na gʋls sebr tɩ yãmb sẽn tũus neb niynsa tall y kũuna n ta Zerizalɛɛm; 4la sã n wẽnda m meng na kẽnge, d na tũ taaba.
5 #
Tv 19,21. M na ta y tẽngẽ, m sã n wa pɩʋʋg Masedoan; na n yɩɩ pɩʋʋgr bala. 6Tõeeme me tɩ m yals y sʋk n kaoose, tõeeme n yɩ sẽooga tõre la m sẽn na n kẽng zĩig ning fãa, y na yãag-ma. 7M yaool n ka rat tɩ d yãend taab yĩngr-yĩngr bal ye, m geenda m na kaoos y sʋka, Soaala sã n sake. 8#Man 23,15-21; Yao 16,9-11. La sẽn ya a soab fãa, m na n paa Efɛɛz n ta Zãna kibsa, 9#Tv 19,8-10. tʋʋmda roog paka kẽoong n gũud-ma la bɛɛba me ka paood ye.
10 #
1Ko 4,17. A Timote sã n wa, sõng-y tɩ bũmb da yɛɛs-a y sʋk ye, tɩ yẽ me tʋmda Soaala tʋʋmd wala maam. 11Ned ba a ye da paoog-a ye; sõng-y yã t'a leb mam nengẽ ne laafi. D gũud-a lame, maam ne saam-biisa fãa. 12Sã n yaa d saam-biig a Apolos, m wɩnga ne a t'a tũ saam-biisã n wa ges yã la a zãgsa fas; a yeelame t'a ka tõe marsa ye la a sã n wa paam sẽka, a na wa.
13Maan-y gũusgu, tall-y y tẽeba kẽnkẽ, maan-y raoodo. 14Sõng-y tɩ bũmb fãa tũ ne taab nonglem, y sʋka.
15 #
1Ko 1,16. Ad-m koɛɛg a to, m saam-biisi: yãmb mi tɩ yaa a Stefanas ne a zak rãmb n yɩ Akayi pipi kristneb la bãmb n sõng d saam-biisa fãa gilli. 16Bɩ y waoog neb a woto buudu la neb niyns fãa sẽn tʋmd-b la b namsd wa bãmba. 17M sũur nooma a Stefanas, a Fortunatus la a Akayikus sẽn waa n ges-ma; b reega yãmb zĩig mam sɛɛgẽ, 18la b maasa m sũuri wala b sẽn maas yãmb me rẽnna; dẽ me yĩng la m yet tɩ y waoog neb a woto buudu.
19 #
Tv 18,2. Azi saam-biisa Tigeng n pʋʋsde; a Akila la a Priska tɩ b pʋʋs-y neere ne Soaala pʋʋsem, bãmb ne neb niyns fãa sẽn tigemd-b b zakẽ. 20D saam-biisa fãa tɩ b pʋʋs yã; pʋʋs-y taab neer n kõ-ma!
21Maam a Pol n gʋlsd-y, ad-m meng nug tikri.
22Sẽn ka nong-a Soaala fãa bɩ Wẽnd me lak ne yẽ soaba! Maran ata! Soaala, wa-y yã!
23Soaala Zezi barka sig yãmba!
24M nong-y la ne Krista a Zezi meng nonglem.
Currently Selected:
1KORẼNT RÃMBA 16: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
