Nhiara 2
2
Rmalawna la'a Orgahi-Orha'a Nora ray miak Ha Ntutmuata-nkewra'a
1Nihya'pa hairi-hairi maka Yahudi atia'a rhi'a kokokna-rariarni
yoma riwra rmalawna Uplerlawna?
La'a hya' pede o'ta-mat la noh pa'etu-rai piatatra rna'ohma hya' mak edon perkuna?!
2De ray-ray marna-wuhura noha wawannu, me maktorna-makrautu rla' lir id pa
ratlinnon keran la Orgahi-Orha'a Nor wutga ray maka orgahani Ha Nwalir niana de.
3Makodi plolli re riwra:
“Mmiai pia ttewar doinia Orgahi-Orha'a Nor ray maka Ha Ntutmuata-nkewra' de plolli-mneheni
totpena hota Ir edon Rodi plolli owa'an mai ita.”
4 Orgahi-Orha'a Uplerlawna-Mempulwatnu Nden nek la'a liwan genni-mtatan genni
mak kden la Ilyamou-Watga hithita pa kaniha-kamali niohora.
5Na'nama Orgahi-Orha'a Nawenan pa Nhoktemna re.
E yawenanni de nhi' pa ir ramta'at wenna.
6Orgahi-Orha'a Niwra:
“La' Sion de A'ilu-wa'tu maka kmou-kwila de
A orgah'u rian olek A li'mu la ray miaka wualir niana o'tani wawannu.”
7Noma ray die nakot walia niwra:
“Agiwra ukot nohora hya' maka Orgahi-Orha'a Ha Net tiar lia de,
pa Nakot la a'u, Niwra: A' a'nu o'a.
La'a ler di de Atiutga la riy honona o Ammu A'u.
8Mpuak nek wa, ne hota luwu-a'na la'pa lodna-hairi durti-waiti honnona de Agala tiy o'a
me noheri-woru lyanti nayanni Aghi'a la o gahamu.
9Hota Agal o' pa omtorna-mrautia la hairi-hairi, de mniairia lie'ena mnotna.
Ne hota mniairia lie'en de pa ma mpueyata hairi-hairi re emolmolla ran tan miaka ha rliwar wawah'a.”
10Hade pede ray-ray miy re!
Mitlin hare pa mkienia la ralammi!
Maka kodi plolli miy hononmi la nohkeran di wawannu,
mhiopliala nhiolmi mak edon kaplola re!
11-12Mhima-mrie'a Orgahi-Orha'a, de miatu mi'unni-mimta'ata.#2:11-12 Riy dom de rwarora ayat di nnia'eratni de emkadi: “Mhima-mrie'a Orgahi-Orha'a, de miatu mi'unni-mimta'ata, me mihepuepur nohora.”
Miuh' idamni-mriama lia'arni, de mimta'at nande mdiwra-mdia'ala genmi,
yanhi'pa E Nawenna pa nhi'nande mlieretniekla mlier la yatyatni-halalli yatlorni-yatra'ani,
yoma pleta-plet pa hankeranni-ralmha'arni ntuin la riy maka kahmena katlina-katailla E'a,
mere la'a riy maka kwak E' pa edonna Nolin limni-nwe'er rorni la ira, de irler la unut lawna!
Currently Selected:
Nhiara 2: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
