Nhiara 3
3
Sniumbain yawyawra
1Hadi de Daud wniahniarni la yatipnu-yatnianni yapollu-yawakni la'a ler maka e nawlar dioinia a'nani Absalom yoma Absalom niwra nwunu-nwen amni de niwra:
2 Matromlawnu ne! O' de Makdenreri O'a! A' arwa'lu re lawan rehi oleka wa.
Riy rahu rpepan targ a lia' ar ralma.
3Riy harahu riwra hota Uplerlawna edonna Ntulan mai a'u.
4Mere Matrome! O' di de a kelia'wu-halwa'anu.
O' nampena maka ga wualerna ahu namni me ga wuatemna tera-wehla.
Onnila O hihi'imu-yapyapmu pa rira ra'uli-rawedi owa'an a na'nu.
5Apuollia Matromlawnu
la E genni makmou-kwitna la wo'ora Sion, noma Nwahla li'iru.
6A'unin a' die hadom edon nawo'la a'u.
Noma umat owa'ana yoma Itmatromlawanni ed mak kalakr a'u.
7A'g edonna umta'ata la arwa'lu riwnu-halli
mak metam lola walli-walli pa rdeh'a targa talla-talla matni.
8Mriuwun reri a'u Matromlawnu ne!
Uplerlawnu ne! Mukmua re me Muala re pa wrika-wriai la genni.
9Tniulan lawan de nwatiag O'a Matroma, Makdenrer O'a.
Mhuria ralammu pa Mtiera-mdiema Mura'a-mupalga O rimormiormu.
Currently Selected:
Nhiara 3: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
