Nhiara 11
11
Itmatromlawanni Makdenrer die, ed maka kruwun reri E rimormiorni
1Hadi de Daud kieheni-nhiarni mak ha rala la mak khi' o'tani la mak kwatunu-kwahniara:
A'uyaheu lia Itmatromlawanni Makdenrer die, nayanni.
A'g edonna utlin la lira-tun mak kakot mai a' pua
uwlar lia wo'ora hananni totpena ulewna ino'nu, pa emolmolla onu-ma'nu mak knema-ktai.
2Rakot emkade, yoma riy yatyata e nrei tiarga ra'pani talli,
pa niwra nolin doinia ra'p'ihini nlol melli-kalamni pa ntaiya riy mak kakleha do'a-hala.
3La'pa lima-rora honona edon rlernohor owa'ana hairi deullu-tatarni mere rkokokna-rrariarin nek wa,
de hota riy mak kaplola re rhi' hya'a totpa mormiorni-dardiarni ramtemn owa'ana?
4 Itmatromlawanni etla genni-tienni mak kmou-kwitna.
La'a E liwan genni la Ilyamou-Watyatoha de Enodi plolli.
Matni e nreprepar la'a rimormiori nohkeran di,
pa E Nat niohora ir hihi'ini-yapyapni re honona.
5 Itmatromlawanni Nta'aga riy samomuou me riy yatyata.
E ralamni namehra la riy maka suksukni ramat mera-rawul kaulu.
6Riy yatyata-halala re hota Uplerlawna Nala ir nhiakarni.
Hota rlernana ai kwiari mak kpanpahna ma'ta, ai liali nor anin lawna mak kamutni-kaki'ira.
7Yoma Itmatromlawanni Nden rer lia plola wawannu,
pa Nhudi-npara lol talanni.
Riy mak kaploi-kaple'era hota ramkek nan memna E' gaini me rlernan E ralam kalwiedni.
Currently Selected:
Nhiara 11: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
