Ding Dalit 114
114
Ing Kantang Kapigaganakan king Exodo
1 # Exo 12:51. Inyang ing Israel meko ya king Ehipto,
kanitang ing lahi nang Jacob likuan de ing bansang dayuan,
2ing Juda ya ing meging banal nang balen,
ing Israel ya ing meging sarili nang pibandian.
3 # Exo 14:21; Jos 3:16. Inyang ikit ning Dagat da ring Timbu tinakas ya,
at ing Ilug ning Jordan tiknang na ing agus na.
4Linundag la ding bunduk anting lalaking tupa,
at ding talimunduk anting biserung tupa.
5Dagat, nanu ing milyari keka? Obat tinakas ka?
Ilug ning Jordan, obat tiknang mu ing agus mu?
6Ikong bunduk, obat mipalundag kayung anting lalaking tupa,
at ikong talimunduk anti ding biseru da?
7Galgal ka, O mabilug a yatu king paniatang ning Ginu;
arapan ning Dios nang Jacob,
8 # Exo 17:1-7; Bilang 20:2-13. gagawa yang ilug karing batu,
at papalto yang mamagus a danum ibat karing batu.
Currently Selected:
Ding Dalit 114: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
