Ding Dalit 113
113
Ing Kapurian king Kayapan ning Ginu
1Purian ya ing Ginu!
Ikong talasuyu ning Ginu,
purian ye lagyu!
2Mananu na sanang ing lagyu ning Ginu
ya ing purian da ngeni, at king kapilan pa man.
3Manibat king aslagan ning aldo angga king albugan,
ing lagyu ning Ginu purian ya.
4Ing Ginu mag-ari ya karing heganaganang bansa;
lalagpus king banua ing ligaya na.
5Ninu ing kawangis
ning Ginung kekatamung Dios
a makalukluk king tronu karin king banuang matas?
6Oneng karin ketang kabilian na,
tatando ya ban banua at yatu akit na.
7King pangapase ding kalulu king gabun babangun na la;
tatas na no man ding atyu king kalulung kabilian,
8at karing prinsipi na la yayabe,
karing prinsipi ning balen na.
9Ing babaing e mikakayanak parangalan ne king pibalebale na;
paligayan ne kapamilatan ning pamamie nang anak.
Purian ya ing Ginu!
Currently Selected:
Ding Dalit 113: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
