Ding Dalit 115
115
Ing Metung at Tune Dios
1Keka, O Ginu, bukud mung keka,
at e kekami mangaintulid ing dangalan at ligaya,
uling alang kupas ing lugud mu at katapatan.
2Oneng ding bansa kukutang da kekatamu:
Nu ya karin ing Dios yu?
3Ing kekaming Dios atyu karin banua;
daraptan na itang buri nang daptan.
4 # Dalit 135:15-18; Sulat 1:4-73; Kap 9:20. Kabang ding dios da gintu la mu at pilak;
gewa da la ring karelang gamat.
5Atin lang asbuk, oneng e no man makapagsalita;
atin lang mata, oneng e no man manakit;
6atin lang balugbug, oneng e no man makaramdam,
atin lang arung, oneng e no man makabau.
7Atin lang gamat, oneng e no man makatagkil,
atin lang bitis, oneng e no man makalakad,
katiting mang siwala e la makagawa.
8Deta sanang ginawa karela maging kalupa da la,
at pati na detang manalig karela.
9O balen Israel, ing Ginu ya ing kekang panaligan.
Ya ing keka babie kasaupan at kambilan.
10Ikayung pari a lahi nang Aaron, ing Ginu ya ing kekong panaligan,
uling ya ing kekayu babie kasaupan at kalasag.
11Ikong gagalang king Ginu, ya ing kekong panaligan.
Ya ing kekayu babie kasaupan at kalasag.
12Ing Ginu e na katamu malyaring kalinguan;
bendisyunan na katamu ngan,
ding memalen ning Israel bendisyunan na la,
at pati na ding pari a lahi nang Aaron.
13 # Kap 11:18; 19:5. Bendisyunan na la ning Ginu ding ating takut gawang pamikasala,
malati la man o maragul.
14Parakalan na ko sana ning Ginu
pati na ding maging anak da ring anak yu.
15Bendisyunan na kayu sana ning Ginu,
ing linalang king banua at yatu!
16Ing banuang maleparan king Ginu ya mu,
oneng karing tau binie ne ing yatu.
17Ding mete e re malyaring apurian,
detang miras na king marimlang kutkutan.#115:17 King Hebreo: labuad ning katahimikan.
18Oneng itamung mabie ing Ginu kekatamu yang purian
ngeni at king kapilan pa man.
Purian ya ing Ginu!
Currently Selected:
Ding Dalit 115: PmPV
Highlight
Copy
Compare
Share
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994
