TITTA TAKKIRA
TAKKIRA
Ɓiiriɗ ni Pol. Li ka ni duk ɦoŋ basara 63-67. Sok boyna, Gaɗta duk suu vi Kristuna.
Pol ɓak maŋ Tit na ni duk ndarayam suu njunum a sunda ni nam ndaki cocoo, magaa ndaɗta ɓak kay suu vi suu Kretna. Duk magaari suu Pol ɓiirisina halaŋ Tit sem ka huwa, na may hu Sunda vi Suu Vovoɗta ni sem kaɗi. Pol ɦam sunda kaɓakŋa fok suuna komu (Tit. 1.5; 2 Kor. 7.6, 7; 8.6, 16). Pol sun Tit hu Korint a nam tuɗ yow tlesuu njun u suu hawra hu Yerusalem aya. Nammi sa ŋgolna fok suu vi Kristuna hu Kretta, saara cora vi suu laki kay daa ndaɗta mbuɗuɗ ki a ndalla (Tit. 1.12). Hin ŋgoo daganda ni Pol sun Tit hu Dalmati (cemi asi yaɗ ana Yugoslavi), Pol a sa ma ɓiiriɗna ni magaa ndaɗta tli taɗ ki u mayra nam ɓiiriɗ maŋ Timote jewra. Ndaɗ ɓak ki kay sunda vi sa ma ŋgol ma fok suunana, nam col saɓaki ni kay gaɗta ɗegeera. Tak sunda vi suu maana, gorzoŋina, u suu fok suunana, nam gaɗasi kay dla cora. Ɓeret mayra ŋgolora ɓak kay gaɗta hu mba', 2.1-14; 3.4-7.
Magaara ndak a ɓorow ko wanni na
1. Takkira 1.1-4
2. Dlara vi suu ŋgolo suu fok suunana u sun masira 1.5-16
3. Sunda vi sa ma di Boy ma Ayra fok suuna 2
4. So huu suu vina hu iiri masira 3.1-11
5. Daɓpa 3.12-15
Currently Selected:
TITTA TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.