TITTA 1
1
Gi deɓpa
1Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata, 2kay asi mba lak juɓ u hurusi tini kay iirira ka daɓ kiɗira. Lona ma bay kaboyna, vi vunum ki fok jew kay iiri ndaɗta bay lina ndak tuwa. 3Hu li ma nam ŋgaamma ni nam tak ki u boy mamma, ni u boy mam ma nam ɦannana an mba di ki ni u min mam nam Lonara Saay ma Suɗta.
4An ɓiiriŋ magaara ni maŋ aŋ Tit goron ma gasina hu tin huu ma dukuygi dewna. Ko Lona Buna u Yesu Kristu, Saay ma Suɗta ɦaŋ oora u heɓpa.
Sunda Tit ka laɗ hu Krettara
5An hiniŋ hu Kret a aŋ daɓ tlesuu hiŋŋa ki u voɗosiya, aŋ tin suu neeyna fok suu vina hu ɦoŋzi ŋgolona halaŋ. Humuŋ maa kay haɗta an haɗaŋgaɗi. 6Sa ma gol suu vi Kristuna nam sa ma ŋgul ka egembina, nam lini sa ma ɗum cara um dewna, goryom lini suu vina, suu hum vunna, dlara co li egesiɗi. 7Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay. 8Nam li sa ma min suu mba varamma jiviya, min dlara jivira lay. Lini sa ma ɗilina, sa ma ɗegeena, teteɗna, sa ma doo tamma. 9Nam li ni sa ma col kay boy ma gasina, ma taɓi u haɗtana. Nam ndak a gaɗ suu hiŋŋa kay haɗta gasira, a tak cora vi suu ciwayra.
10Suuna ka bolowo ni duk suu Juifna suu vina, col duuna ganyam suuna u boy masi ma giniŋŋa. 11Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba. 12Sa ma Kretna u tamba saasi ma jok vun Lona di ana, «Suu Kretna tew tew ni suu kaboyna, ni suu hurusi cona ko vabakgina na, asi ni suu zolomba, saa ni kay tina doy hol.» 13Va ma nam damma ni gasi. Ni kay ndaɗta yalasi eŋe kay asi mba kak u tin huu ma ɗegeena. 14Kay asi mba njun tasi u njun njunda vi suu Juifna oloɗi, tuɗ u gaɗta vi suu hin gasira kinaɗi lay. 15Tlesuu pasiyakŋa ni maŋ suu pasiyakŋa may, va ma ki pasiyakŋa ka li maŋ suu bay pasiyak u suu bay vinaɗi, yal masina u wiisira ki ŋgaay ana ni njenjee. 16Asi di ana asi ni suu wi Lona, sun masira ka tak naɗi gaw may. Asi ni suu cona, duu u gasira, ndak ka a li sunda jiviɗi.
Currently Selected:
TITTA 1: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
