TITTA 2
2
Gaɗta ɗegeera
1Aŋ may ni haɗ va ma ɗegee, ma tuɗ u haɗta gasira. 2Di suu maana asi ni suu li dlara u voɗoɗna, suuna hum u boy masina, ɗiliya, li coli eŋ hu tin huuna, u minda, u lalamba hurusi lay. 3Di boyogi suu maana poy masira mba li ko suu teteɗna na. Asi mba nja kosi kaŋga u dlara ɦay ɦayra coraɗi, mbuɗ tasi mborɓiina vi summaɗi lay. Asi ɦal ni gaɗta jivira. 4Haɗ boyogi suu gorina asi min njufuyusi u goryosiya. 5Boy masina u dlaasira li tew tew u voɗosi pasiyak a asi mba li sunda hu ziisi jiviya, hum vun njufuyusiya, kay sa mba di va ma co kay Boy Lonanaɗi.
6Di gorzoŋina asi mba li ɗili tew tew u voɗoɗu. 7Aŋ taŋga mba li sunda jivira a suuna li ko aŋ na mayra. Col gasi ɗegee hu haɗ maŋga. 8Dini boy ma ɗegeena kay sa mba tumuŋ uŋgi, ni suu babali maŋsina hin mbuɗ zolona, kay asi hin ka fi boy ma co egeyɗi.
9Mborɓiina hum u maliyasina, asi mba li jivi hu tlena bel. Asi garak boy masina u asiɗi, 10asi mbuɗ tlena vi maliyasina ki masisinaɗi. Na may asi tuɗ fok a tak tasi ki jivi ɗegee ni taki na ɗow ɗow, a geleɗ haɗta vi Lona ma suɗta mayna.
11Lona tak oo mamba kay a suɗ suuna halaŋ. 12Oo ndaɗta haɗay ana poyra cora u saara vi duliyara noyosi kiyo, kay ay hin poy u voɗoɗ hu ndaŋgara tani, mba fi iirira jivi ɗegee ɗili u Lona. 13Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana. 14Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.
15Gola ni va ma aŋ haɗamma, col kam u saɓakŋa a haɗ suu ka humuŋ boy maŋŋana yalasiya. Hin sa dukusi a panaŋgi.
Currently Selected:
TITTA 2: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
