MATIYE 1
1
Sem somoyoŋ Yesuna
(Luk 3.23-38)
1Ni sem somoyoŋ Yesuna, hu njafna vi Davidna, hu njafna vi Abrahamma. 2Abraham vuɗ Isaak. Isaak vuɗ Yakob. Yakob vuɗ Yuda u gorsemma. 3Yuda vuɗ Fares u Zara (susi ni Tamar). Fares vuɗ Esrom. Esrom vuɗ Aram. 4Aram vuɗ Aminadab. Aminadab vuɗ Naasson. Naasson vuɗ Salmon. 5Salmon vuɗ Booz, summi Rahab. Booz vuɗ Obed, summi Rut. Obed vuɗ Jese. 6Jese vuɗ mulna David.
David vuɗ Salomon u caŋ Urira. 7Salomon vuɗ Roboam. Roboam vuɗ Abiya. Abiya vuɗ Aza. 8Aza vuɗ Josafat. Josafat vuɗ Joram. Joram vuɗ Oziyas. 9Oziyas vuɗ Joatam. Joatam vuɗ Akaz. Akaz vuɗ Ezekias. Ezekias vuɗ Manasse. 10Manasse vuɗ Amon. Amon vuɗ Josias. 11Josias vuɗ Yekoniya u gorsemma vuɗ ni, suuna yowosi ha ki Babilon.
12Asi yowosi ha Babilon yow ni, Yekoniya vuɗ Salatiyel. Salatiyel vuɗ Zorobabel. 13Zorobabel vuɗ Abiud. Abiud vuɗ Eliakim. Eliakim vuɗ Azor. 14Azor vuɗ Sadok. Sadok vuɗ Asim. Asim vuɗ Eliud. 15Eliud vuɗ Eleazar. Eleazar vuɗ Matan. Matan vuɗ Yakob. 16Yakob vuɗ Yosef ma njuf Marina. Mari vuɗ Yesu ma Lona Fuurumma.
17Col ay eg Abraham mbay tew kay David na ni, somoyosi doogo yam fiɗi. Eg David mba hu yow mayra asi yowosi Babilonda ni, somoyosi doogo yam fiɗi. Duk ɦoŋ yowra Babilonda mba tew vuɗta vi Yesu ni, somoyosi doogo yam fiɗi.
Vuɗta vi Yesura
(Luk 2.1-7)
18Ni vuɗta vi Yesura. Yosef gi ɗum Mari, bay vaɗ tuwa. Ndaɗ vi wiina u Musuk Lonara. 19Njufuɗ Yosef ni sa ma ɗilina, nam min a sa hum boy namma ki koloɗi. Nam hal a busuɗ ki bay gi u boy namma kiyo. 20Nam ka saa kay boy namma may ni, sa sunda huulona mba dam doyra ana, «Yosef, goŋ Davidna, li ndaa a vi caaŋga Mari varaŋgaɗi, vaɗ wiina huruɗ ni Musuk Lonara. 21Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»
22Dla ndaɗta li wa na ni, faɗ ki ni vun boy ma sa jok vun Lona ma di ana,
23«Goowayra hin vi wiina,
ndaɗ hin vuɗ goona,
tinim sem ana Emmanuel,»
(ni ana Lona ka u aygiya).
24Yosef dliɗ kolo ni, li ko sa sunda huulona damba na. Nam vi caamba, Mari, varamu. 25Nam buu ka u ndaɗɗi, gak gak ndaɗ vuɗ goroɗna kiyo. Yosef tinim sem ana Yesu.
Currently Selected:
MATIYE 1: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.