MATIYE TAKKIRA
TAKKIRA
Ɓiiriɗ ni Matiye, li ka ni hu basara, 50. Sok boyna, Kristu ni Mul Ŋgolna.
Matiye, ma yam ana Levina, ɓii Boy ma Ayra ma jewna ni namu. A ndum sem suu haɗi suu vi Yesuna hu Galamba Wilira ni sem yi ni a kiɗisiyara, ɗowba kalavandira, (Mat. 10.3; Mark 3.18; Luk 6.15). Matiye li ay ni sa ma taa vun sukŋa. Nammi sa ma Juifna li sunda maŋ mul ma Romma. Suu Israelna ka golom jivi kay sun ndaɗtaɗi.
Nam ɓii magaa mamba ni maŋ suu Juifna. Boy ma Matiye ɓiirimma tak Kristu ana nammi Mulna vi suu Israelna, goŋ Davidna, goŋ Abrahamma. Nam coli ŋgolla ni kay somoyoŋ Yesu u li ma nam vuɗ huna, Betlehem ni zi ŋgol ma David vuɗ huna. Hu Boy ma Ayra mamma, Matiye yi Kristu a goŋ Davidna yamma kiɗisiya (Mat. 1.1; 9.27; 12.23; 15.22; 20.30; 21.9; 22.42). Matiye dew ni sa ma ɓak kay dlam mamba bibiŋillana, (Mat. 19.28; 25.31). Boy ma Ayra mamma dew ni ma di ana Yerusalemmi ɦoŋzi ma teteɗna (Mat. 4.5), ni ɦoŋzi ma vi Mul Ŋgolna (5.35), ni a Boy ma Ayra vi Mulla lay. Boy ma njaɗ kay mulla na ɓak ki hu su dok vadl. Boy ma di ana Mulla hu Lonara fam hu Matiye va ma dok hindi, ni ka fam hu Galamba Wilira hu li ma daŋgi.
Matiye taɓ boy ma vi Yesu Kristuna u dlaamba nam laɗta u boy ma jok vun Lona hu Galamba Basira su ndarayam suu hiŋŋa, (Mat. 1.22; 2.15,17,23; 4.14; 12.17; 13.14; 21.4; 26.54-56; 27.9,35).
Magaara ndak a ɓorow ko wanni na
1. Tak ki kay mulna, kay somoyomu kay vuɗ mamba, kay gi jaŋ sunda 1—4
2. Tlesuu ŋgolo suu kay mulla vi mulnana, paɗ bolla kolo
kay ɦinira 5—7
3. Ŋgolla vi mulnara tak taɗ kiyo, asi minim kaɗi 8—12
4. Dlara ŋgayra vi mulla hu coki mayra mulna hoŋ ayra 13
5. Sunda vi mul ma noyom kina 14—23
6. Dlara jok vun Lona kay hoŋga mulna hoŋ ayra u paɗ bolla
kolo kay ɦinira conora 24—25
7. Miɗna u paɗta kolora vi mulna 26—28
Currently Selected:
MATIYE TAKKIRA: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.