HEBRENA TAKKIRA
TAKKIRA
Sa ɓiiriɗ sa ka wambi. Li ka ni hu basara 68. Sok boyna, Ɓivun ŋgolna vi Kristu.
Magaara ɓiiriɗ maŋ suu Hebrena sem sa ma ɓiiriɗna kaɗi, ciwayra kay magaa ndaɗta gijaŋŋa ay ni ŋgoo suu vovoɗta day gaw. Boy ma hu ɓeret taa ɦiw ni tli tam u boy ma vi Paulna, suu ɓii magaara zeɗ zeɗna di kaɗ ana ɓiiriɗ ni Paul. Asi col ni kay magaara ɓak kay Timote, (Heb. 13.23). Magaa ndaɗta ni duk magaari suu Boy Lonana ma saɓakŋa ɓiiri hurusina. Va ma takay ana aygi di ki kay sa ma ɓiiriɗna na paɗak kaɗi, na lay ni ka va ma ŋgolɗi. Magaa ndaɗta ɓii ki ni jew ɓalakka Yerusalem ɓalak kira, kay hu magaa ndaɗta ɓak kay Ziŋ Lonara ŋgolla hu Yerusalemba ka tuwa (Heb. 10.11).
Suu Hebrena suu vi u Yesu a saasi ma suɗtana min a sa soosi usi hu viisira. Suu ɦiw dukusiya ni hurusi ciwayra, dla ndaɗta mbuɗ zuɗ sa ɓii magaarana ni ndaɗu. Boy namma diki hu ni na lay, «Lini aygi vam dlaamba huruygiya ni tinigi huruygi kay viigi ndaɗta.» (Heb. 3.6). Ni kay ndaɗta tuɗuy eg dla mayra gasira (Heb. 6.1).
Dla ŋgolora ɓii magaa ndaɗta kaɗta ni. 1. Tak maŋ suu Juif suu tin hurusi kay Yesuna ana, boy ma ay ɓiiri hu Galamba Basirana tew ki hu liimwa, kay mege dlara gaɗta daɗ ayra halaŋ daɓ ki eg Kristu. 2. A ne ki ni suu tin hurusi kay Kristu a hoŋ dagan hu dlara vi suu Juifna oloɗi, a doorosi kay vira gasiraɗi. 3. Gi hum suu vina kay ŋgolla vi Yesu Kristu.
Boy ma ŋgolona hu ana «kreisson» (u vun Grekŋa) ni joki ni ana ma su ki kay ndarayammana, jivi suwa, ɗowba ŋgol susi halaŋ (Heb. 1.4; 6.9; 7.7, 19, 22; 8.6; 9.23; 10.34; 11.16, 35, 40; 12.24).
Magara maŋ suu Hebrena tak dla mayra a jivi hu vira vi suu Juifnara ki may tak mayra su ki kayamba hu Kristu may. Kristu ŋgol su suu sunda huulona, nam su kay Moiz, kay Josuwe, kay Aaron. Galamba Wilira su (Heb. 8.7-13) kay mayra ay jew u Moizza (Kalkira 19.5). Magaa ndaɗta jivi su magaari suu hu Galamba Wilira halaŋ a tak sunda ɓivunna vi sa ma ka cecemi hu ŋgol mambana, ni Bu Suuna Yesu Kristu, mul ŋgol ma li ɓivunna.
Magaara ndak a ɓorow ko wanni na
1. Takkira 1.1-3
2. Ŋgolla vi Kristu su kay suuna halaŋ 1.4—4.16
3. Ŋgol ɓivun ma vi Kristuna 5.1—10.18
4. Iirira hu virara 10.19—13.19
5. Daɓpa 13.20-25
Currently Selected:
HEBRENA TAKKIRA: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.