FILEMONDA 1
1
Gi deɓpa
1Ni an Pol, sa ma daŋgayna kay Yesu Kristuna u wayaygina Timote.
Ami ɓii wanni maŋ Filemon, banamina u ndarami ma sunda. 2U suu vina suu tok varaŋŋa, maŋ wayaygira Appia maŋ Arsip lay, ndaraygi ma duuna. 3Ko Lona Buya u Bu Suuna Yesu Kristu ɦagi oora u heɓpa.
Minda u vira vi Filemon
4Filemon tew tew hu li ma an cenna ni an ka saa kaŋu, an gi deɓ Loonna. 5An hum kay minda aŋ min suu vina vi Lona halaŋga, u huu ma aŋ tinim kay Bu Suuna Yesuna. 6An cen Lona kaŋu kay taɓpa njunuŋ egemira, hu tin huu ma tak wira jivira halaŋ ta ay faygi iirira hu Yesu Kristura jivi suwa. 7Wayanna min maŋga ɦan so huna u furira ŋgolo kay mege, aŋ heɓ huu suu vina vi Lona.
Pol joɓ kay Onesim
8Kay ndaɗta an fi buɗta hu Kristu a daŋ va aŋ lamma. 9An min joɓoŋ u minda an ka hura, ni an Pol, sa ma maana, cecemi ni sa daŋgayna kay Yesu Kristu olo. 10An joɓoŋŋi kay Onesim, nam mbuɗ ni goronna hu Kristu, hu daŋgayna tani. 11Nam li ay jew ni dlaamba ka jivi kaŋgi, cecemi nam mbuɗ jivi kaŋu, jivi kan lay.
12An sunum ha egeŋ cecemi wanni, nammi ko an na may. 13An min gin a hinim egen tani hu li ma an ka hu daŋgayna kay Boy ma Ayra, kay nam mba njun un u sunda ka balamaŋu. 14An ka li va bay waŋ min maŋga gawɗi, an ka ɦeɓeŋ kay lan jivira ɦeɓiɗi. An min ana aŋ li ay u min maŋga.
15Onesim garak ay u aŋŋi kay buu njok, aŋ hoŋ vammi a fafatɗa. 16Nam cecemi ka mbaɓuna ɦawaɗi, nam mbuɗ ni su sa ma mbaɓuna, ni wayay ma gasina. Nam jivi coco kanu, jivi saɓaki coco ni kaŋ aŋu, ko mbaɓuna na ko wayaŋŋa hu Bu Suuna na lay.
17Aŋ li wan ko wayaŋŋa hu vira na ni taɓ u namu, ko aŋ taɓ u anda na may. 18Lini nam laŋ dla co ay egeŋ a warakaŋ waraki lay ni aŋ tinin dla ndaɗta ni kanu. 19An ɓiiriŋ boy namma ha ni u kon tanda Pol, an hin warakaŋu. An ka min gin a gaŋ humuŋ a aŋ ɦan ki gini iiri maŋgaraɗi. 20Ni na wayanna, an ceneŋu, vi boy namma kay minda vi Bu Suuna, heɓen hurun ko wayana hu Kristu na.
21Hu li ma an ɓiiriŋ hana wanni an wi ki kan gasi ana aŋ hin li va ma an joɓoŋ kamma. An wi ana aŋ hin lini su olo. 22Ni aŋ minin li ma buuna haa, an saa ana Lona hoŋ dira kay cen magira a ɦan voɗta kay tuɗ ha egegira.
Gi deɓpa daɓ daganda
23Epafras ma ka hu daŋgayna kay Yesu Kristu u an na gaŋ deɓpa. 24Mark, Aristark, Demas u Luk ndarayan suu li sunda u anna gaŋ deɓ lay.
25Ko oora vi Bu Suuna Yesu Kristu kak u agiya.
Currently Selected:
FILEMONDA 1: BMS
Highlight
Copy
Compare
Share
Want to have your highlights saved across all your devices? Sign up or sign in
Bible Moussey © Bible Society of Chad, 2002.
