Akintaahsonan 21
21
Isriyalak Kiishaakooci'aawaatc Kenan Kaatinowinitc
1Ahpii tahsh a'a kihci okimaa Eratink (Arad) kaakii onciitc Nekep (Negev) inahke kaakii ishitaatc Kenan (Canaan) ahkiink, enoontank Isriyala' (Israel) ehpipimi ayaanitc miihkanaank enamoninik Aahtarim (Atharim), mii hsa 'i kaaishi miikaanaatc, aaninta tahsh okiih kaahcitinaa'. 2Miitahsh Isriyalak kaaishi ahpimowaatc o'o ekii'inaawaatc kaaTipencikenitc, “Kiishpin hsa tootawatwaa iki pemaatisiwaatc cishaakooci'ankitwaa, wiinke hsa ko ninka nihshiwanaacihtaawaamin otootenaamiwaan,” okii'inaawaan. 3KaaTipencikenitc itahsh okii noontaakowaan kaakii ishi pakohsenimaawaatc, miihsh kaakii ishihcike'ikowaatc cishaakooci'aawaatc Kenan kaatinowinitc. Wiinke tahsh okiih caaki'aawaa', otootenaamini kaye wiinke okii nihshiwanaacihtamawaawaa'. Miitahsh o'o wenci ishinihkaatek i'imaa Harmaink (Hormah), Nihshiwanaaci'ikoowinink.
Moosihs Kii'oshi'aatc Kinepikohkaanan
4I'imaa tahsh kihci waciink Hor (Hor) ecikaatenik kiionci maacaawak ekii ani ishaawaatc Misko kihcikamiink inahke ekii wemaashkamowaatc i'i ahkiini Iitam (Edom) ecikaatenik. Pemaatisiwaatc Isriyalak (Israel) itahsh kiiani pakitentamok mekwaa ehpimi ayaawaatc. 5#1Co 10.9. Mii hsa tahsh kaa'inaawaatc Kishemanitoon, Moosihsoon (Moses) kaye, “Wekonen tahsh kaaonci saakiciwishiyaank weti Iicipahkiink, o'omaa pikwatahkamik citashi nipoyaank? Kaawiin iitok kekoon miicim o'omaa ayaahsinoon, kaawiin kaye kekoon nipi, kaawiin aasha nisaapentansiimin o'o miicimish kaamiiciyaank,” kii‑ihkitowak. 6Miitahsh kaaTipenciketc kaakii ishinisha'waatc kinepikoo' kaapihcipoowi ciihsowenitc i'imaa eshi'ayaanitc pemaatisinitc. Okii maakwamikoni tahsh, niipiwa' itahsh pemaatisinitc Isriyala' kiinipowa' i'i ehkiishikaninik. 7Miihsh Moosihs kaakiih pi naasihkaakotc pemaatisinitc ekii'ikotc, “Ninkii mamaashiimin ahpii kiimaci'inankitc kaaTipenciketc, kekiin tahsh kiimaci'ikooyan. Taka kanoosh kaaTipenciketc ciotaahpinaatc o'o kinepikoo' kaamaakwankenitc o'omaa eshi'ayaawankitc,” okii'ikoo'. Miihsh Moosihs kaakiih kanoocikehtamawaatc pemaatisinitc. 8Miitahsh Moosihs kaa'ikotc kaaTipencikenitc, “Oshi' piiwaapihko kinepikohkaan, mihtikonk ishi ompaahkwa'o. Awenen tahsh iko kaakii maakwamikotc kinepikoon, kanawaapamaatc itahsh ini kinepikohkaanan, mii hsa 'i cipimaatisitc,” okii'ikoon. 9#2Ki 18.4; Jhn 3.14. Moosihs tahsh okii oshi'aan osaawaapihko kinepikohkaanan, ekii ompaahkwa'waatc mihtikonk. Awenenan tahsh iko kaakii maakwamikonitc kinepikoon, ahpii ehkanawaapamaanitc ini kinepikohkaanan, mii hsa 'i kaaishi mino'ayaanitc.
Currently Selected:
Akintaahsonan 21: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society
